कोण होती माई ? कोकणातील सावंतवाडीमधील सिद्धये यांच्या घरातली ही तेज मुलगी. तत्कालीन समाजानुसार झालेला बालविवाह, लगोलग दुर्दैवाने आलेलं वैधव्य, समाजाचा आणि घरच्यांचा विरोध पत्करून धुळ्याच्या प्रागतिक विचाराच्या वकील युवकाशी केलेला पुनर्विवाह, आधी धुळ्यात आणि मग नंतर पुण्यात वाढत आणि विस्तारत गेलेला संसार, गणगोत आणि आप्तस्वकीय. लो. टिळक राहायचे त्या गायकवाड वाड्यात ( टिळकांच्या स्वतःच्या खोल्यांमध्ये!) राहताना सुरु केलेला इमिटेशन ज्वेलरीचा व्यवसाय, सुधीर फडक्यांपासून अनेक नामवंत मंडळींशी असलेला स्नेह, वार्धक्यकाळी आलेलं अपंगपण आणि त्यावरही दुर्दम्य इच्छेने केलेली मात आणि बांधून ठेवलेला स्नेहशील गोतावळा. मरेपर्यंत कालसुसंगत राहिलेली ही लोकविलक्षण व्यक्ती म्हणजे कृष्णा कुलकर्णी उर्फ माई. हा बुक ब्रो चा एपिसोड माईंच्या आयुष्यावर संजय अनंत कुलकर्णी यांनी लिहिलेल्या या अभ्यासपूर्ण आणि उत्तम चरित्रावर आधारित असलेला आहे. संजय अनंत कुलकर्णी यांच्याशी डॉ. आशुतोष जावडेकर यांनी साधलेला संवाद आणि पुस्तकाचं ओघात झालेलं विश्लेषण म्हणजे हा ताजा बुक ब्रो चा एपिसोड 80. तळटीप : पुस्तकाची दुसरी आवृत्ती संपली आहे पण अद्याप ते अमॅझॉनवर उपलब्ध नसल्याने लेखकाचा व्हाट्सअप संपर्क देतो आहे. प्रतीसाठी त्यांना थेट संपर्क करावा. मोबाईल क्रमांक : 9766626040
Book Bro EP 80 has a dilogue with author Sanjay Kulkarni over his recently published book - Mai - a biography of a dynamic woman in last century who lived a courageous life.
13 окт 2024