#BirBax #Azerbaycan
"Bir Bax" kanalı Rüfət və Xəyalə Xəlilovlara məxsusdur. Əməkdaşlıq üçün aşağıdakı nömrə ilə əlaqə saxlaya bilərsiniz:
(+994) 55-554-58-83
Sapsarı, yumşaq, ətirli... Sizcə, əsl kərə yağı belə olmalıdır?
Kərə yağı adı altında bu gün bazarlarda, yaxud kiçik marketlərdə insanlara satılan yağlardan yəqin ki xəbəriniz var. Vaxtaşırı rəsmi qurumlar bu yağların satışının qarşısını almağa çalışsa da, hələ də piştaxtalarda onlara rast gəlinir. Qonumda qonşuda gizli yolla da olsa satılır.
Bu gün Bir bax kanalında bu yağı satanların toruna düşməmək barədə sizə çöx önəmli məlumat verəcəyiyik. Videonu bəyənin ki, daha çox insanın qarşısına youtubda çıxsın və bu işbazlar insanları zəhərləyə bilməsinlər.
"Kərə yağı” kimi alıcılara satılan bu yağların heç bir faydalı xüsusiyyəti yoxdur. Hətta orqanizmin metabolizmini pozmaqdan başlayaraq, bir sıra ağır xəstəliklərə qədər səbəb olur. Bəs O zaman əsl kərə yağını rəflərdəki onlarla yağ arasında necə fərqləndirmək olar?
Bu göstərici və xüsusiyyətlərdən bəzilərini məhsulu almamış da görmək mümkündür, bəzilərini isə evdə yoxlaya bilərsiniz. Bu da sizə gələndəfəki alışlarınız üçün etibarlı markanızı seçməyə əsas verər.
Əvvəlcə, vitrindəki qiymətlərə baxın…
Bir kiloqram xalis kərə yağının alınması üçün 20 kiloqramdan artıq süd sərf olunur. Bu qədər xammal istifadə edilən yağın aşağı qiymətə satılması sizdə şübhə doğurmalıdır.
Sonra qutunun üstündə yazılanları oxuyun…
Kərə yağı təbii süddən alındığı üçün ilk növbədə onun saxlama müddətinə diqqət edin. Təbii süd məhsulları tez xarab olduğundan (pasterizə edilmiş inək südünün saxlama müddəti üç gündür), digər süd məhsulları kimi, yağın da saxlama müddəti az olmalıdır.
Təbii ki, yağlılığa diqqət edin...
Xalis kərə yağının tərkibindəki yağın həcmi 82%-dən az olmamalıdır. Lakin nehrə yağındakı aşağı yağlılıq faizi məhsulun tərkibində ayranın bol olmasının göstəricisidir. Məhz buna görə də ənənəvi nehrə yağı kərə yağından daha tez xarab olur.
Bəs yağın rənginin sarı olması nə ilə bağlıdır?
Xalis kərə yağının marketdə görə biləcəyiniz xüsusiyyətlərindən biri də onun rəngidir. Parlaq sarı rəng göz aldatmaq üçün vurulan boyadan xəbər verir. Kərə yağının rəngi açıq olur. Azacıq, cüzi sarımtıllıq yaşıl otun inək südünə verdiyi çalardan ola bilər. Bu da yalnız isti fəsillərdə mümkündür. Unutmayın ki, yağın rəngi mütləq bərabər olmalıdır. Zolaqlar, dəyişən rənglər kərə yağına xas deyil.
Deyək ki, yağ alıb, evə gətirdiniz...Evdə onun keyfiyyətli olub olmadığını necə təyin edə bilərik?
Xalis kərə yağı öz formasını saxlayır və bərk olur. O, nə büküldüyü kağıza (qablaşdırmaya), nə də bıçağa yapışır. Xalis kərə yağı tez yumşalmır. Marqarinin (spredin) tərkibindəki bitki yağları isə istiyə çıxan kimi yumşalır. Kərə yağı topaclanmır və çörəyin üzərinə bircinsli qat kimi çəkilir.
Və atdınız qızdırılmış tavaya…
İsti tavaya atılmış kərə yağı yavaş-yavaş əriyir. Spred isə istinin təsirindən dərhal yumşalıb axır. Əritdikdə də kərə yağı özünü dərhal göstərir: əvvəl südə çevrilir, sonra isə tortası dibinə çökür və rəngi şəffaflaşır.
Bunu da unutmayın! Kərə yağı qoxusuzdur. Yağ alarkən bu xüsusiyyətinə də diqqət edin.
Bəs maraqlıdır, hansı yağ daha faydalıdır. Bitki yoxsa kərə?
Keçmiş əsrin 80-ci illərindən bəri belə hesab olunurdu ki, kərə yağı bitki yağından daha faydalıdır. Son zamanlar bir çox alimlər bu yayılmış nöqteyi-nəzəri yanlış hesab edir.
Şimali Karolina (ABŞ) Universiteti alimləri araşdırmalar nəticəsində belə qərara gəliblər ki, rasionunda kərə yağını bitki yağları ilə əvəz edən insanlarda infarktın inkişafı riski xeyli artmış olur.
Araşdırmaların nəticələri tanınmış Forbes jurnalında dərc olunub.
Mütəxəssislər xörəklərdə daha çox zeytun yağından istifadə etməyi məsləhət görürlər. Zeytun yağının bir üstünlüyü də ondadır ki, digər yağlarla müqayisədə nəinki tez həzm olunur, həm də qanda xolesterolun səviyyəsini tənzimləyir, qızartma işlərində də əvəzsizdir. Zeytun ümumiyyətlə, yaşından asılı olmayaraq bütün insanlar üçün, xüsusilə, uşaqlarda sümüklərin inkişafında, eləcə də güclənməsində faydalıdır.
12 авг 2021
