Buy agricultural land now when you are not a farmer
शेतकरी नसताना आता बिंधास्त खरेदी करा शेतजमीन
Mission for Law Education.
१. महाराष्ट्र कुळ वहिवाट शेतजमीन अधिनियम कलम-६३ अन्वये कोणतीही बिगर शेतकरी व्यक्ती महाराष्ट्रात शेतजमीन खरेदी करु शकत नाही. असं हस्तांतरण झाल्यास किंवा बिगर शेतकरी व्यक्तीनं महाराष्ट्रात शेतजमीन खरेदी केल्यास ही शेतजमीन सरकार जमा होते. अनेक व्यक्तींनी मला वैयक्तीक फोन करुन याबद्दल मार्गदर्शन करण्याची विनंती केली होती.
२. शेतकरी नसलेल्याला शेतजमीन खरेदी करता येईल का?
परराज्यातील शेतकरी महाराष्ट्रात शेतजमीन घेवू शकतात का?
शेतकरी महिलेने शेतकरी नसलेल्या पुरुषाशी लग्न केल्यास तिचा पती शेतकरी होईल का?
३. शेतकरी नसलेल्या व्यक्तीला महाराष्ट्रात शेत जमीन खरेदी करता येते का?
सहकारी संस्थेला शेतजमीन खरेदी करता येते का?
प्रायव्हेट लिमीटेड कंपनीला शेतीजमीन खरेदी करता येते का?
शेतकरी नसलेल्या व्यक्तीला शेतकरी होता येते का?
या आणि अशाच प्रश्नांची उत्तरं आज आपण जाणून घेणार आहोत.
आपण शेतकरी नसताना शेती खरेदी केली तर काय होईल याची उदाहरणे पाहूया....
४. पुण्यातल्या एका अतिदुर्गम भागात वास्तव्यास असलेल्या एका गरिब व्यक्तीनं त्याच्या स्वतःच्या नावे पडिक शेत जमीन खरेदी केली. खरे तर या व्यक्तीच्या नावे महाराष्ट्रात कोठेही शेतजमीन नसतानाही त्याच्या नावाची सातबारावर नोंद करण्यात आली. हे झालं पहिलं उदाहरण. आता आपण दुसरं उदाहरण पाहूया. हे उदाहरण आहे संपुर्ण जगाला माहित असलेल्या ‘बीग-बी’ च अर्थातच अमिताभ बच्चन यांच. अमिताभ बच्चन यांनी पुण्यामध्ये शेतजमीन खरेदी केल्याचं सा-यांनाच ठाऊक आहे. अमिताभ बच्चनच्या या शेतजमीनीवरुन मध्यंतरी खुप मोठा वाद निर्माण झाला होता. त्याबद्दलचा मुख्य आक्षेप हा होता की अमिताभ बच्चन हे शेतकरी नाहीत. त्यामुळं त्यांना महाराष्ट्रात शेतजमीन खरेदी करता येत नाही. या वरुन बराच गदारोळ निर्माण झाल्यानंतर त्यांच्या नावावरच्या सातबा-यावरची नोंदही कमी करण्यात आलेली होती.
५. तर मित्रांनो वरील उदाहरणापैकी एका उदाहरणात गरिब व्यक्ती आहे. तर दुस-या उदाहरणात एक वलयांकित व्यक्ती आहे. दोघेही शेतकरी नाहीत. पण गरिब व्यक्तीनं अतिदुर्गम भागात शेती खरेदी केल्याची नोंद सातबारावर करण्यात आली तर अमिताभ बच्चन वलयांकित असताना त्यांच्या नावाची नोंद सातबा-याला करण्यात आली नाही. तर मित्रांनो याबद्दल कायद्यात काय तरतुदी आहेत ते आता आपण पाहूया. महाराष्ट्र कुळवहिवाट व शेतजमीन अधिनियम, कलम ६३ अन्वये, शेतकरी नसलेल्या व्यक्तीला महाराष्ट्रात शेतजमीन खरेदी करता येत नाही. असा व्यवहार बेकायदेशीर ठरुन कलम ८४ क अन्वये कारवाईसाठी पात्र ठरेल. तथापि, ज्या व्यक्तीची शेतजमीन सार्वजनिक प्रयोजनासाठी संपादित करण्यात आली आहे, त्यानं त्याबाबत पुरावा सादर केल्यास, त्याला शेतकरी मानण्यात येईल अशी तरतुद कायद्यात आहे.
६. यासाठी कुळकायदा अप्पर जिल्हाधिकारी यांचे शाखेकडे अर्ज करावा लागतो. सर्व कागदपत्रांची छाननी झाल्यानंतर तुम्ही पात्र ठरलात तर, मुंबई कुळवहिवाट व शेतजमीन अधिनियम १९४८ चे कलम ६३ (१) नुसार शेतकरी नसलेल्या व्यक्तीस शेतजमीन खरेदी करण्यासाठी परवानगी देण्यात येते. परराज्यातील शेतकरी असलेल्या एखाद्या व्यक्तीनं महाराष्ट्रात शेतजमीन खरेदी केल्यास ती व्यक्ती ज्या राज्यातील असेल त्या राज्याच्या जिल्हाधिकारी कार्यालयाशी संपर्क साधुन त्यानं सादर केलेल्या इतर राज्यातील सातबाराच्या खरेपणाबद्दल खात्री करुनच नोंद करण्यात येते.
७. समजा एखाद्या शेतकरी महिलेने शेतकरी नसलेल्या पुरुषाशी लग्न केल्यास त्या महिलेचा पती शेतकरी होत नाही. परंतु त्यांना झालेली मुले शेतकरी म्हणून गृहित धरली जातात. शेतकरी नसलेल्या एखाद्या व्यक्तीला सक्षम अधिका-याच्या परवानगीनं महाराष्ट्रात शेतजमीन खरेदी करता येते. तथापि, ज्या व्यक्तीचे वार्षिक उत्त्पन्न रुपये बारा हजारापेक्षा जास्त नसेल अशा बिगर शेतकरी व्यक्तीला महाराष्ट्र कुळ वहिवाट शेतजमीन अधिनियम, कलम ६३(१) अन्वये शेतजमीन विकत घेण्याची परवानगी जिल्हाधिकारी देवू शकतात. याचाच फायदा वरील उदाहरणातील गरिब व्यक्तीला झाला आणि शेतकरी नसताना त्याला शेतजमीन खरेदी करता आली.
८. कुळवहिवाट व शेतजमीन कायद्यानुसार कोणतीही कंपनी ही व्यक्ती नसल्यानं शेतकरी ठरणार नाही. त्यामुळं कंपनीच्या नावानं शेतजमीन खरेदी करता येत नाही. परंतु एखाद्या सहकारी संस्थेमार्फत शेतजमीनीची खरेदी विधिग्राह्य असते. अशा व्यवहाराला कलम-६३ व ६४ लागू होत नाहीत. पण अशा सहकारी संस्थेची नोंदणी, खरेदी दिनांकाच्या आधी मुंबई सहकारी यसंस्था अधिनियम, १९२५ अन्वये झाली असणं बंधनकारक आहे. एखाद्या खाजगी मर्यादित कंपनीला, जिल्हाधिकारी यांच्या परवानगीनं शेतजमीन खरेदी करता येवू शकते.
९. मित्रांनो जर तुम्हाला महाराष्ट्रात शेतकरी होता येत नसेल तर राजस्थानमध्ये तुम्ही तुमच्या नावे दहा गुंठे क्षेत्र विकत घेवून त्याबाबतचे खरेदीखत नोंदवून घेवून तुम्ही कायदेशिर शेतकरी होवू शकता. कारण भारतातील राजस्थान हे असं एकमेव राज्य आहे की जेथे कोणालाही अगदी शेतकरी नसलेल्या व्यक्तीलाही शेतजमीन विकत घेता येवू शकते. त्याद्वारे तुम्ही शेतकरी असल्याच प्रमाणपत्र मिळवू शकता.
१०. व्हिडिओ आवडल्यास लाईक करा, शेअर करा. बेलचं बटन दाबून सबस्क्राईब करण्यास विसरु नका. धन्यवाद. जयहिंद. जय महाराष्ट्र.
Dhanraj Kharatmal.,B.Com.,LLB
V Education
#FarmLand#Farmer#RevenueDepartment#RegistrationDepartment
8 дек 2020
