Official RU-vid video of Dizasta Vina performing Chupa moja ya ziada Off the album 'A Father Figure'
Produced and mastered by Ringle Beatz
Stream/Download Chupa moja ya ziada
Mdundo - mdundo.com/son...
Audiomack - audiomack.com/...
Spotify - open.spotify.c...
Boomplay - www.boomplay.c...
Connect with Dizasta Vina on social medias
Instagram - / dizastavina
Twitter - / dizastavina
Facebook - / dizastavina07
Business: Pan.authentik@yahoo.com
Website - bio.link/dizas...,
Lyrics
Kalala chini ubongo na fuvu vimetengana
Hatoi sauti hana hata nguvu ya kulalama
Macho yetu yanagongana ya kwangu yanaona haya
Natamani kufumba maana naona uchungu kumtazama
Ni butwaa siwezi eleza hali yake
Mifupa imezagaa kadhaa haipo mahali pake
Waungwana wamejaa wanauliza ka' mi' timamu
Damu nyingi nataka niamini ni filamu
Hata nikifumba macho naona jambo hili hili
Nafsi yangu inahofu na inatukana kwa siri siri
Ameumia siwezi kumtazama mara mbili mbili
Mguu mmoja umetengana na kiwiliwili
Kweli nimeamini utu wa mtu ni uhai wake
Mja amelala watu wamewahi karai lake
Wengi wanatabiri tanzia bila kuficha
Wema wanalia na mabazazi wanapiga picha
Amechanika nyama kuonyesha nyama si tunu
Anapata maumivu kabla hajaikumbata huru
Anaonyesha kuwa mwili ni kasha lisilodumu
Na kujua siku ya uhai kutoka ilivyo sumu
Mtoto wake analia ameisoma ajenda
Kuwa baba uhai umetoka na roho yake ishakwenda
Anahitaji uthibitisho na picha inajieleza
Ananiona mimi nami sina ninachokiweza
Natamani niamke nigundue picha nicheke
Au labda naota ndoto ya kutisha nikeshe
Huku wapita njia wakipiga kelele
Kuona mtoto anakuwa yatima milele
Chorus
Chupa moja ya ziada
Chupa moja ya ziada
Nilipigiwa simu ikisema njoo baa
Maana mtungi wa nyumbani haunogi
Nikalewa kisha nikataka kuondoka
Mpumbavu mwingine akasema one for the .....
Chupa nikazipanga panga
Mfuko ulipokauka wakanijaza
Nikanywa nikijitapa kama mjanja
Wana wakipiga kelele kuniita
(mwamba mwamba)
Sikio la mlevi likashika habari
Sifa walizonipa zikanishika hatari
Sikuwaza kuwajibika kuwa nani nitamuumiza
Nilikuwa mbinafsi kiasi nilishindwa kujali
Labda ningebakia kwenye kijiwe nongwa cha Biafra
Ninywe kahawa nikisikiliza soga za siasa
Ningekunywa kidogo labda nisingerudia
nimeua mpita njia sababu ya chupa moja tu ya ziada
Nimefanya kosa na muda unakwenda hasa
Hasa nitaongea kipi? kipi nitaeleza sasa?
Sababu chupa moja tu ya ziada
Mke anamkosa mume aliyempenda
Mtoto anampoteza baba
Maji yameshamwagika nani wa kunifundisha lugha?
Niseme kwa nani ama nani wa kuunganisha nyufa?
Nani wa kuujuza umma kuwa nami najuta nafsi?
Nani asimamishe siku kisha akaurudisha muda?
Malipo gani yakurudisha pumzi kwenye mwili
Uamke tena? uhai hata kwa hela tu haukopwi
Adhabu gani itamfaa mpuuzi kama mimi
Asiyejua maana ya pumzi?
Maana hata jela tu hainitoshi
Hata nikiamua kufunga na kuuungama
Siwezi kuzuia uuma wa watu wakiungana
Kuamua kumwaga damu kwa mja nilie na laana
Nife nilipe deni kwa hii dhuluma niliyoifanya
Muda umesimama moyo unaingia baridi
Nimemgonga na gari picha inanijia saa hizi
Mja anakata roho picha inayoingia zaidi
Ni kuona vibaka wanaiibia maiti
Chorus
Chupa moja ya ziada
Ziada ziada ziada ziada ziada
Chupa moja ya ziada
genius.com/Diz...
14 окт 2024
