記得早期聽陳老c講吸引力法則，你說這是個收費課程；不過又沒見購買連結，我就很好奇你的銷售策略/call to action究竟是什麼(? 另外可否請教下陳老c，如果身邊充斥匱乏信念的人，可以怎樣應對呢？偶然難免需要與他們互動，自己的言語或觀念萬一跟他們不同，他們就很喜歡把你否定，或者對你表現不成熟的態度。雖然知道不用討好他們，不過有沒相關書籍可以學習下更理想的應對方法呢～？
●哈哈，Shadow，關於吸引力法則嘅嗰個課程，我應該係話我以前係報咗個網上課程學嘅，所以嗰啲內容唔係我原創嘅，我自己就唔收費啦，哈哈~ ●Call to Action係好多同Marketing或者係營銷有關嘅大公司，啲老細都會喺一啲Meeting結束前嘅時候上嚟總結兩句，呢part一般就叫Call to Action（行動號召），主要目的就係用嚟激勵下啲僱員嘅士氣咁~ ●如果身邊好多匱乏感強嘅人，咁我哋可以盡量避開，但如果無法避免，就保持關照自己嘅情緒，盡量唔好被掀動，不過亦都唔需要壓抑自己嘅，就算會波動都全然咁接納自己嘅呢種波動，好好哋咁同呢種感受相處下，接受自己都係一個普通人，情緒波動都係正常嘅，唔好批判自己；而下一步，我哋亦都要諗下，其實之所以匱乏嘅人會喺我哋身邊經常出現，主要都係同我哋自己內在有關，係我哋未完全清除走曬自己對呢啲匱乏嘅批判，或者喺我哋自己嘅內在入面仍然殘留住匱乏。當你臣服一切嘅時候，咁呢啲人就會越來越少出現，而且無論佢哋是否出現，你嘅內在也能夠蠕蠕不動~因為你已經唔再批判了，你已經臣服一切，對一切都冇意見，唔洗急嘅，慢慢嚟啦~
