Fampandrosoana ho an’ny faritr’i Menabe : Tonga nijery ny orinasa Sucoma teto Morondava, izay nikatona tamin'ny taona 2014 noho ny olana ara-pitantanana ny Filoham-pirenena.
Tsy adino ianareo fa mitsinjo anareo izahay, hoy ny Filoha Andry Rajoelina raha nihaona sy nihaino fitarainan’ireo mpiasan’ny orinasa SUCOMA ny tenany ary nandray fanapahan-kevitra avy hatrany handroso amin’ny asa fanarenana ho famahàna ny olana. Hananganana ozinina iray vaovao fanampiny ihany koa eto, mba hampitomboana ny famokarana siramamy sy hanomezana asa ireo izay mbola tsy an’asa ary hitsinjovana ireo mpamokatra fary eo an-toerana. Amboarina tsy ho ela ihany koa ny tohodranon'i Dabaraha. Fotodrafitrasa iankianan'ny fambolena saingy tsy nisy nijery efa an-taonany maro.
12 ноя 2019
