Leon van Nierop het op Saterdag 1 Junie oor 'Furiosa, A Mad Max' Sage gesels. Dit is ‘n voorganger van Mad Max: Fury Road. Wie was Furiosa, Anya Taylor Joy as ‘n dogtertjie? Hoe het sy in die woestyn beland? En waar kom haar yster-moed vandaan? Die jaagtonele neem 70% van die rolprent op- en is so enorm, dat jou sintuie sidder. Slegs in teaters.
Hy het ook die skuurpot-rowwe speurreeks True Detective geresenseer en as jy almal gevolg het, is reeks 4 die rofste. ‘n Gesaghebbende Jodie Foster speel die stoot-skraper-speurder wat nie nonsens vat nie. Die vierde reeks van True Detective speel in Alaska af waar dit in temperature van - 23 grade verfilm is. ‘n Groep navorsers in ‘n afgeleë laboratorium verdwyn. Maar dis wanneer hulle ontdek word wat die gruwels begin. Jy kan dit op Showmax kyk.
11 июн 2024
