Şeir: Hüseyn Arif - Qayıt uşaqlığım
Səsləndirmə: Orxan Dadaşov
Biraddımla'ya RU-vidda abunə olmaq: bit.ly/3gsJpm1
Biraddımla'nın sosial şəbəkə ünvanları:
Instagram: bit.ly/3gsKkms
Facebook: bit.ly/3GoODKl
TikTok: bit.ly/3r3sAHt
Telegram: bit.ly/3unQMn8
E-poçt: biraddimlayol@gmail.com
HÜSEYN ARİF - QAYIT UŞAQLIĞIM
Qayıt, uşaqlığım, qayıt bir anlıq…
İtən günlərimi tapmaq istərəm.
Minib axşamüstü qarğı atımı,
Yollardan-yollara çapmaq istərəm…
Qayıt, uşaqlığım, qayıt bir anlıq…
Yeriyib, yıxılıb, qaçmaq istərəm.
Səhərlər çiynimdə məktəb çantası,
Sinif otağını açmaq istərəm.
Qayıt, uşaqlığım, qayıt bir anlıq…
Mən səni bağrıma basmaq istərəm.
Nənəmin saxlancı ala çatıyla,
Ağacdan yelləncək asmaq istərəm.
Qayıt, uşaqlığım, qayıt bir anlıq…
Sən niyə tez keçdin? Bilmək istərəm…
Həyat şirin imiş, mən bu dünyaya,
Yenidən doğulub gəlmək istərəm…
Hüseyn Arif'in qızı Zöhrə xanım:
"... Söyün qağam ( Hüseyn Arif ) gəncliyində məşhur aşıq Aşıq Mirzənin qızını sevib. Qonşu olublar Ağstafada. Yaylaqda dəyələrini yanaşı qurublar həmişə. Bənövşə ilə o vaxtlar bir-birini istəyiblər. Bunu mənə anam - Söyün qağamın anası ( nənəm ) danışıb. Ancaq qovuşmayıblar. Əsgərlikdə olanda Bənövşə varlı bir kişiyə qoşulub gedir, tez də ayrılır ondan. Ömrünün sonunacan tək yaşadı Bənövşə xala. Ölümündən bir neçə ay qabaq gördüm onu. Dedim, ay Bənövşə xala, niyə atamı qoyub qaçdın? Dedi, bu barədə danışmaq istəmirəm. Anam danışdı mənə hamısını. Söyün qağam əsgərlikdən gələndə istəyib evlənsin onunla. Açıb deyiblər ki, vəziyyət nə yerdədir.
Bundan sonra şair bir çox sevgi şeiri yazmağa başlayır. Onun nakam sevgisindən məşhur və dillər əzbəri olan şeirlər yaranır. Görəsən Bənövşə məni heç xatırlayır mı deyərək "Xatırla məni" şeirini yazır. Qəlb qırıqlığına baxmayaraq Hüseyn Arif sevgi şeirlərində “İlk və son məhəbbətim” deyə Bənövşəyə işarələr vurur..."
#hüseynarif #qayitusaqligim #orxandadasov #biraddimla #biraddimlayol
26 окт 2019
