Il-providenza riedet li aħna qegħdin niċċelebraw din il-festa tant għażiża għalina fit-tieni anniversarju tal-invażjoni krudili tar-Russja fl-Ukrajna. Sentejn bħal-lum, fl-24 ta’ Frar 2022. U allura bl-interċessjoni tal-Appostlu Missierna San Pawl, aħna nitolbu, għalkemm dgħajfin bħalma kien hu imma b’fiduċja kbira fil-qawwa ta’ Alla, nitolbu għad-don tal-paċi.
X’jista’ jkun li jwaqqaf lill-umanità mill-qerda kiefra ta’ xulxin, mill-vittmi innoċenti tal-kefrija tal-umanità? Ma nistax ninsa lill-Palestina, lil Iżrael, lill-Art Imqaddsa. Imbierka wkoll mhux biss bil-passi ta’ Ġesù imma wkoll bil-preżenza ta’ Pawlu.
Wara kollox Pawlu, bħala ġuvni tgħallem f’riġlejn Gamaliel f’Ġerusalemm u terraq it-toroq tat-Turkija u tas-Sirja minn fejn twieled. Huwa wild il-Lvant Nofsani. Minn hemmekk ġie l-Appostlu Missierna.
Imma nitolbu wkoll għall-paċi f’tant ambjenti oħra fid-dinja.
Aqra l-omelija sħiħa 👉 knisja.mt/omelijasanpawl2024
23 фев 2024
