LELA
Música: Rosendo Mato Hermida
Letra: Alfonso Rodríguez Castelao
(da obra "Os vellos non deben namorarse")
Están as nubes chorando
por un amor que morreu.
Están as rúas molladas,
de tanto como choveu.
Lela, Lela.
Leliña por quen eu morro
quero mirarme
nas meniñas dos teus ollos
Non me deixes
e ten compaixón de min.
Sen ti non podo,
sen ti non podo vivir.
Dáme alento das túas palabras,
dáme celme do teu corazón.
dáme lume das túas miradas
dáme vida co teu doce amor.
Lela, Lela
Leliña por quen eu morro
quero mirarme
nas meniñas dos teus ollos.
Non me deixes
e ten compaixón de min.
Sen ti non podo,
sen ti non podo vivir.
6 сен 2024