小後記： 做這個故題原因，除咗因為食住遊牧生活系列，亦因為以前backpack旅行時都好鐘意住Hostel，人生中唔少開心瘋狂嘅旅程，都係同hostel認識有趣又瘋狂既人一齊渡過。總覺得世界咁大，可以喺一個特定時間同空間遇到唔同人一齊去玩、去冒險，聽下大家光怪陸離嘅故事，真係好神奇同浪漫🙃 試過去希臘同住喺hostel幾個月的中年失婚媽去玩，之後繼續keep住聯絡，見證佢搵到真愛；試過到埗某地後嚴重腸胃炎，係hostel既人帶我去買藥，仲識咗隔嚟床一齊玩咗兩日；試過瞓一個有4-50人嘅房，晚晚熱鬧到好似聯合國咁但瞓覺時又出奇地安靜；試過希臘追船時仆親膝頭流血不止，無助之際hostel嘅人幫我包紮傷口。呢個空間中人與人之間嘅關係特別純粹，可能知道係萍水相逢，所以特別珍惜只得一次嘅相遇。 當然一個本身對自己城市咁熟悉嘅人搬入hostel長住係另一回事，不過睇得出Calvin真心好喜歡hostel，佢尾片嘅說話令我諗起當年希臘果位失婚媽媽介紹我聽嘅一首歌叫《Home》： ‘‘Cause they say home is where your heart is set in stone It's where you go when you're alone It's where you go to rest your bones It's not just where you lay your head It's not just where you make your bed As long as we're together, does it matter where we go?’‘ 喺而家嘅世界，無嘢比活得自在、坦然面對自己更重要。希望我哋都活得好似旅行一樣咁輕盈自在。謝謝Calvin今次接受拍攝邀請，亦辛苦曬麻雀客棧畀我哋打擾咗兩日。如果大家鍾意遊牧系列，記得留返言畀 #mm 🙋🏻♀️🙋🏻♀️🙋🏻♀️ 至於片尾彩蛋.......都係純粹搞下事，結衣fans唔好打我🤣
