Ey dərdi olan kəslərə dərman, Rizacan,
Ey babul-həvaic, dəri-rəhman, Rizacan.
Ovladi-nəbisən, həmi sən, cani-Əlisən,
Zəhra balası, cəddivə qurban, Rizacan.
Hacət dilərəm, kaş sənin adına xatir,
Məqbul eliyə Xaliqi-Sübhan, Rizacan.
Nokər olaram mən o mütəhhər hərəmində,
Ey taci-sərim, şahi-xorasan, Rizacan.
Mən bülbüli-zarəm, mənə viranə bu dünya,
Eşqinlə olub baği-gülüstan, Rizacan.
Ey şəhri-xorasanda qərib, məndə qəribəm,
Etdikcə bu sənsizliyi ünvan, Rizacan.
Allah kərəm etdi, vəli kimdir ki, bu Suzi,
Vəsfində ola böylə qəzəlxan, Rizacan.
4 окт 2024