Idris a.s Qurʼonda nomi zikr etilgan payg‘ambarlardan biri bo‘lib, Alloh tomondan “yuksak maqomiga ko‘tarilib, yashaganligi taʼkidlanadi va qayd etiladi (Maryam surasi 56-57 oyat).
Xasan Basriy (r.x) rivoyat qilishlaricha: “Idris a.s.ning ibodati farishtalarga yoqib qoladi. O‘lim farishtasi Allohdan izn so‘rab, uning ziyoratiga borganda Idris a.s unga: “Menga bir o‘lim achchig‘ini tortirgin, toki keyin oson jon beray” deydi. U rozi bo‘ladi. Qayta tirilgach: Endi bir do‘zaxga xam kiritib chiqar, toki undan ko‘proq qo‘rqay” deydi. Farishta bu iltimosini xam bajaradi. “Endi, jannatga xam bir olib kir, toki unga bo‘lgan rag‘batim ortsin” deydi. Jannatga kirgach, Idris a.s qaytib chiqishdan bosh tortib: O‘lim farishtasiga qara, “O‘limni totdim, do‘zaxga kirib chiqdim. Jannatga kirganlar qayta chiqarilmag‘ay” deydi. Shunda o‘lim farishtasi Allohga arz qilganida: U: “Bu ishlar hammasi Mening izmim bilan bo‘ldi, qo‘y, u jannatda qolaversin!” degan ekan.
Idris a.s. insoniyatga xat yozuvini, kiyim tikish va kiyib yurish, vaqt hisobi va yulduzlar ilmini yetkazgan zot hisoblanadi.
30 сен 2024
