Peppino Marotto - Muttettos 

Muttettos
Un antigu nuraghe
L'han fattu demolire
Unu riccu affarista
Pro murare una tanca
E un antigu nuraghe
Non si potet godire
Sa vida es meda trista
Pro ca manca sa paghe
A l'han fattu demolire
Pro ca manca sa paghe
Sa vida es meda trista
Non si potet godire
E in d'una zona buia
Appo azzesu su fogu
Pro la illuminare
In d'una zona buia
In d'ogni parte e logu
Po da isventolare
Sa bandiera ruja
Appo azzesu su fogu
Sa bandiera ruja
Po da isventolare
In d'ogni parte e logu
Quadernos iscrittos
in d'una cella oscura
da unu sapiente
illuminan su mundu.
Quadernos iscrittos
Sa vida es galu dura
ca s'isfruttada zente
non lotta fino in fundu
pro sos sacros dirittos.
In d'una cella oscura
ca s'isfruttada zente
non lotta fino in fundu
pro sos sacros dirittos
sa vida es galu dura.
Gramsci ha lassadu
in Sardigna sa mama
e Torino su mastru
in Russia s'isposa.
Gramsci ha lassadu
Cun immortale vamma
piur de ogni astru
divente luminosa
s'Unità chi ha fundadu.
In Sardigna sa mama
Piur de ogni astru
divente luminosa
s'Unità chi ha fundadu
e con immortale vamma.
Pro meritu 'e Lenìn
d'ognia nazione
chere su comunismu
innalzare a sa gloria.
Pro meritu 'e Lenìn
Contra s'aggressione
de s'imperialismu
tenzana sa vittoria
sas forzas de Ho-chi-Minh.