Rəqabət üstünlüyü necə qazanılır? Bir şirkət bazarda brend olaraq görünmək istəyirsə təbii ki, bəzi mərhələlərdən keçməlidir. Məsələn, yaxşı məhsulla yanaşı yaxşı xidmətə və yaxşı müştəri əlaqələrinə də sahib olmalıdır. Bütün bunları “yaxşı” səviyyəsinə çatdırmaq üçün isə müəyyən qədər kapital lazımdır. Gəlin, brendləşmənin ən gözəl nümunələrindən biri olan “Apple” misalına baxaq. 1990-cı illərdə bazarda “Apple”a nisbətən daha ucuz qiymətə satış edən bir sıra kompyüter firmaları mövcud idi. “Microsoft” isə həmin firmaları əməliyyat sistemləri ilə təmin edirdi. Digər tərəfdən “Apple” xüsusi əməliyyat sisteminə sahib idi. Lakin bu heç nəyi dəyişmirdi. Nəticə olaraq isə insanlar “Apple” əvəzinə daha ucuz kompyüterlərdən istifadə edirdilər. 1997-ci ildə “Apple” üçün bu mənfi gedişata son qoyan Steve Jobs oldu. O zaman üçün çıxacaq olan yeni nəsil “Apple” markalı kompyuterlər Steve-in qərarı ilə daha da baha qiymətə sahib olacaqdı. Təbii ki, bu qiymətin əvəzində onlar daha güclü sistem və özünə məxsus əməliyyat sistemi təklif edirdi. Bu üstünlükləri arxasına alan Steve Jobs “PC vs Mac” başlığından istifadə edərək brendləşməyə doğru böyük və uğurlu addımlar ata bildi. Nəticəsini bu gün də asanlıqla hiss etdiyimizi nəzərə alsaq “Apple”ın brendləşmə addımının uğurlu olduğunu və rəqabətdə ona üstünlük yaratdığını deyə bilərik.
-------------------------------------------------------------------------------------------------------------------------------------------------------
- Əlaqə: / businestalks...
- Animasiyanı Animators ( animators.az ) şirkəti təqdim edir.
--------------------------------------------------------------------------------------------------------------------------------------------------------
Kontent Müəllifi: Elvin Zeynalov
Səsləndirmə müəllifi : Tural Vəliyev
Animasiya müəllifi : Ülkər Axundova
Layihə Meneceri : Tural Vəliyev və Kamran Tağıyev
10 сен 2024
