#kamranyunis #kamranmyunis #poeziyateatrı #ramizrövşən
#şiirler #şeirlər #sevgişeirləri #teranevaqifqızı
Ramiz Rövşən - Bir ölüm havası dəydi üzümə
Təranə Vaqifqızı - Həsrət
Bir ölüm havası dəydi üzümə,
Nə gözəl, nə sərin havaymış Allah.
Sən demə, ürəyim ölümdən ötrü
Darıxan bir bomboş yuvaymış, Allah.
Sən demə, çaşmışam, yolu azmışam,
Dünyaya gəlməyim yalamış mənim.
Sən demə, dünyada anasızmışam,
Sən demə, bu ölüm anammış mənim.
Sürdüm üz-gözümü əl-ayağına,
Dedim; buraxmaram səni dünyada.
Dedim; indiyəcən hardaydın, ana
Niyə tək qoymuşdun məni dünyada?!..
İslatdı əlini gözümün nəmi,
Telimi qaldırıb alnıma baxdı.
Tanıya bilmədi deyəsən məni,
Çevrildi atama-anama baxdı.
Bir bala vermişdim, dedi, mən sizə,
Hanı, a zalımlar, o balam hanı?
Bu mənim balama oxşamır nəsə,
Nə kökə salmısız mənim balamı?!..
16 ноя 2019