Thawama Pana Thiyenawa | තවම පණ තියෙනවා | Visharada Abhisheka Wimalaweera ( Official Music Video) 

බැනුම් අහන්න වෙයි කියල හිතපු වැඩකට එකම එක negative comment එකක්වත් නොදුන්න ආදරණීය මනුස්ස හිත් වලට ආදරෙයි..ලංකාවෙ මිනිස්සු මාරයි ❤️ අභී!

ප්‍රේමයේ ගැඹුර මේ තරම් සංවේදීව,නිර්මාණාත්මකව ඉදිරිපත් කල අභී අක්කා,සේනාංග අයියා, මහේන්ද්‍ර අයියා ඇතුළු මෙම නිර්මාණයට දායක වුනු අති දක්ශ,සංවේදී, ආදරණීය කලාකරුවන් සැමට හදපිරි සුභ පැතුම් 🙏🏻💖

මම මේ සිංදුව අහනකොට ඒ විශුවල් එකේ ඉන්නේ මම වෙනවා.. අවුරුදු හතක් ආදරේ කරලා මම කසාදෙකට යන්නෙ .. ඊට අවුරුදු හතරකට පස්සෙ මට බබා ලැබෙන්න් ඉන්නෙ .. එයා මාස හතෙන් බඩේදිම නැති වෙනවා . එහෙම එහෙම මට බබාලා හතර දෙනෙක් නැති වෙනවා. .. අන්තිමට මම මගෙ මහත්තයව දකින්නේ නුවර උසාවියෙදි. චෝදනාව දරුවන් නොමැතිකම හා ද්වේශ සහගත හැරයාම.. මම එයාව කවදාවත් දාලා ගිහින් නැහැ .. නමුත් සාක්ශි කූඩුවට නැගලා චෝදනා අහගෙන ඉදලා වැරැද්ද බාර අරගෙන හැරුනේ මගෙ අම්ම ඉදගෙන හිටිය දිහාවට.. අම්ම තාත්තා මට ඉන්නවා ඒ ඇති කියලා හිත තද කරගෙන. බෝගම්බර අභී කොන්සට් එක බලන්න ගිහින් මේ සිංදුව අහලා මම හරියට ඇඩුවා .. " මුගුරක් අරන් ඇනපන් තදින් භූමියට තවම පණ තියනවා".. ඔව්.. ගෑණු හිත් හරි හයියයි.. ඒ ගතිය දුන්නෙ පිරිමි ..

ලංකාවේ මිනිසුන් මෙහෙම open minding කරනවට අලුත් පරපුරේ කලා කරුවන්ට respect

දැන්වත් ඒ මිනිස්සුන්ට පාඩුවෙ ඉන්න ලැබුනොත් ලොකු දෙයක්... මේ අයවෙනුවෙ ලංකාවේ හදපු පලවෙනි සිංදුව මම මීට කලින් දැකලා නෑ.. රාමුවකින් පිටතට එන්න අභිෂේකා මහත්මියට තිබුන ශක්තිය ගෞරවනීයයි..

තාම පණ තියෙනවා ගීතයේ අරුත මගේ අදහසට අනුව.... ගීතය තුළින් නිරූපණය වෙන අදහස බැලූ බැල්මටම රූපරචනයෙන් අපේ මනසට යනවා. සරලව තේරුම්ගන්න පුලුවන් වාග්මාලවක් එක්ක ගැඹුරු අර්ථයක් ගීතය පුරාවටම මුණ ගස්වනවා. රූපරචනය පසෙකින් තියලා මම කතා කරන්නම් පදමාලාව ගැන. ආදරේ හිතෙනවද අහනවා.. ඔව් මටත් ආදරෙ හිතෙනවා.. හාදු මට දැනෙනවද අහනවා.. ඔව් මටත් උණුහුමක් හොයනවා.. මේ සඳහන්වෙන්නෙ ලිංගික සංක්‍රාන්තික කාන්තාවක් ගැන. පෞද්ගලිකව ඔවුන්ට සංක්‍රාන්තිකයින් ලෙස ආමන්ත්‍රණය කරන්න කැමති නැති උනත් පැහැදිලි කරන්න අවශ්‍ය නිසා සඳහන් කරා. ඇයටත් ආදරය , උණුහුම , දැනෙන අපිවගේම ලේ ඇටමස් නහර වලින් හැදුන අයෙක් බව මේ වචනවලින් පවසනවා. උණුහුමක් හොයන ඇය ගැන අභී ලියන්නෙ එහෙමයි. සමාජය තුළ වෙනස්කොට සලකන ඇයත් සාමාන්‍ය මනුෂ්‍යයෙක් බව අභී අපට මතක් කරනවා කිරිවරම් නෑ නේද අහනවා කිරිනැතත් පපුවෙ ඉඩකඩ තියෙනවා මුගුරක් අරන් ඇනපන් තදින් භූමියට තාම පණ තියෙනවා මෙහි සඳහන් කාන්තාවට කිරිවරම් නෑ නේද අහන්නෙ ඇය උපතින් කාන්තාවක් නොවන නිසා. ඇයට කවදාවත් මව් සෙනහසින් කිරි දීමට නොහැකි බව ඇහුවත් ඇය පිළිතුරු දෙන්නේ මව් සෙනහස පුරවලා දෙන්න තරම් පපුව ඉඩකඩ බවයි. මව්කිරි දෙන්න හැකියාවක් නැති උනත් උතුරන්න සෙනෙහස දෙන්න පුලුවන් බව ඇය අපට කියනවා. මමත් කාන්තාවක් , මමත් මනුෂ්‍යයෙක් බව ඇය නැවත නැවතත් නොකියා කියන්නෙ එහෙමයි. අවසානයෙ ඇය කියනවා "මුගුරක් අරන් ඇනපන් තදින් භූමියට තාම පණ තියෙනවා කියලා. භූමි කියන්නේ මෙහි රූපරචනයට සහභාගීවන කාන්තාව බව දැන සිටියා උනත් මගෙ හිත කිව්වෙ මේ පද පෙළේ භූමිය කිය්න්නෙ පොළවට කියලා. මහපොළවකියන්නේ හැම වේදනාවක්ම දරාගෙන නොසැලී ඉන්න ආදරණීය තැනක්. මුගුරක් අරන් තදින් ඇන්නත් මේ හ්මදේම දරාගෙන භූමිය පණ තියෙනකම් නොසැලී ඉන්නවා. ඉතින් මේ කාන්තාව මහපොළව වගේ කියලා අභී පෙන්වලා තියෙනවා වෙන්නට පුලුවන්. හත්මාල නළල්පට නෑ.. සුදු නෙළුම් රෝස පෙති නෑ.. නෙත් අඳුන් යටින්.. ගලනා කඳුලැල් ඔබ දුටුවෙනම් නැ.. හත්මාල නළල්පට කියන්නේ කාන්තාවක් සිය දිවියේ එක්වරක් පළඳින ගෞර්වනීය ආභරණයන් කිහිපයක්. කාන්තාවක් තම විවාහා වන දිනයේදී පළඳින මේ මාල හත සහ නළල් පට පැළඳීමට මෙම කාන්තාවට අවසර නැති බව මින් පවසනවා. එයින් අදහස් කරන්නේ ඇයට එය පැලඳ විවාපත්වීමට අවසර නොමැති බවයි. මෙහි එන සුදු නෙළුම පිවිතුරු බව සහ, නිර්මල බව තමයි සංකේතවත් කරන්නේ , රෝසමල් යනු ආදරයේ සංකේතය. නමුත් මෙම කාන්තාවට ඒ නිර්මල බවත් ආදරයවත් හිමි නැහැ. නෙත් අඳුන් දෑස් වල ගල්වන්නේ අලංකාරයට, ඇය ලොවට පෙනෙන්න නෙත්අඳුන් ගල්වාගෙන සිටියත් ඇයගෙ ඒ අඳුනට යටින් සැඟවිලා තියෙන කඳුළ , දුක ලෝකය දකින්නෙ නැහැ. ඇය මේ සියළු පීඩාවන් මධ්‍යයේ ඒ කදුළු සඟවගෙන ලෝකයට මුහුණ දෙන බව එයින් අදහස් කරනවා. ගිනි කඳුළෙන් දෙමට මලෙන් නයි කඳුළෙන් නුග කොළයෙන් ඉපදුන සත් පත්තිනි බල මහිමෙන්.. දිරිය අරන් පිපීයන්.. පත්තිනි දේවතාවිය සත්වරක් උපන් බව පුරාවෘත්තවල සඳහන්වෙනවා. එලෙස උපන් ආකාර හතරක් තමයි මෙහි සඳහන් වෙන්නෙ , ගින්නෙන්, දෙමට මලෙන්, නයි කඳුළෙන් සහ නුග කොළයෙන් ඇතුළුව සත්වතාවක් ඉපදුණු පත්තිනි මෑනියන්ගෙ බල මහිමයෙන් දිරිය අරන් පිපීයන් කියලා අභී මේ කාන්තාවගෙන් ඉල්ලනවා. සත්පත්තිනි මෑනියන්ගේ ඒ ආශිර්වාදය ඔවුන් කෙරෙහිද පවතින බව අභී පවසනවා. පත්තිනි මෑනියන් විශේෂයෙන් කාන්තාවන්ට සහ දරුවන්ට ආශිර්වාදයක් වන බව ජනප්‍රවාදයේ පැවතෙනවා. ඒත් අභී කියනවා නෑ එහෙම නෑ ඒ ආශිර්වාදය ඔබටත් තියෙනවා කියලා. ඔබත් කාන්තාවක් කියලා ඇය පිළිගන්නා බව එයින් පවසනවා. මෙය මනුෂ්‍යත්වය ගැන පදමාලාවක්, මෙය වෙනස්නොකොට සැලකීම සම්බන්ධයෙන් ලියවුණු අපූරු වදන් පෙළක්. කියන්න වචන නෑ. ඒත් මේ මගේ අදහස මීටවඩා වෙනස් සහ නිවැරදිම අර්ථයන් ගොඩක් තියෙන්න පුළුවන්. මගේ දැනුමට අනුව මේ අර්ථය ඉදිරිපත් කරේ. ඉතින් ගොඩක් ස්තූතියි කෝච් අභිෂේකා අපිට හැමදාම ලස්සනම ලස්සන නිර්මාණ අරන් එනවට. මිනිස්සුන්ට මිනිස්සු වෙන්න කියා දෙනවට. ආදරෙයි ❤️ රූපරචනය තුළ කැමරාකරණය රඟපෑම වගේම සංකේතාත්මක නිරූඵණත් අතිවිශිෂ්ඨයි. භූමි අක්කාව නිර්මාණය තුළින් හැඟීම්බර නමුත් ශක්තිමත් ලෙස නිරූඵණය කරලා තීන විදිය හරිම ලස්සනයි. විශේෂයෙන් ඇගේ මුහුණේ හැඟීම් ප්‍රකාශණය විශිෂ්ඨයි. විචාරය - Kavindu Prabhash

පව් බන් මේ මිනිස්සු.අපිට වගේ නෙමේ උන් හෙන ගේමක් දෙන්ඩ ඕනා මේ සමාජේ ජීවත් වෙන්ඩ💔💔💔ආදරේ කියන්නෙත් මාර ගැබුරු දෙයක් නේ❤❤❤🙏🙏

සමාජය විහිලුවට ගත්ත ආදරයක ගැඹුර පෙන්නපු අභී ඇතුලු සෙට් එකටම ජයවේවා අශාන් ඩයස් අතිවිශිෂ්ඨයි ඔබ 😘😘😘😘😘❤❤

මේක සිංදුවක්ම විතරක් නෙමෙයි.. තවත් අහිංසක මිනිස්සු කොටසකට මේ සමාජයේ මීට වඩා නිදහසක්,පිළිගැනීමක් ඕන කියලා තේරුම් කරපු වටිනා පණිවිඩයක්. ජය වේවා අභී❤️භූමි❤️

මේ සින්දුවට භූමි ව නොගත්ත නම් අපිට මේක මේ තරම් දැනෙන එකක් නෑ... අභි ගෙ කට හඩ මේ හීතයේ වචන කියන්න බරි තරම් ලස්සනයි භූමිගේ රන්ගනය... හරිම හර්දයාන්ගමයි

"වරදකරු ස්වාමීනී" ආදරෙ කියන්නෙ ලැබීමක් විතරක්ම නෙමේ... පරිත්‍යාගයක්❤

අභී මේකේ දෙවෙනි කොටසක් ඕනේ.. සාදාරනේ ඉශ්ඨ වෙන්න ඕනේ

ඇස් වලින් ආදරේ කියනවනම් අශාන් ඩයස්ම තමයි ❤🔥

LGBT theme එකක් වෙනමම ගන්නෙ නැතුව, love story එකකට භූමි ව ගත්ත එක නියමයි.. ඒකෙන් සාමාන්‍යකරණය වෙනවා.. අභී තමයි ඇත්තටම progressive.. ❤️

අද හම්බුනේ සිංදුව. කොහොම මහ ඇරුනද මංදා.... " මනුස්සයෙක් වෙනුවෙන් ඒ තරම් කැපකිරීමක් ❤... ලිංග භේදයක් නෑ. වයස් භේදයක් නෑ... ජාති ආගම් භේද නෑ... හිතට දැනුන තැන නතර උනාම ඒ වෙනුවෙන් ඕනිම දෙයක් කරන්න පුලුවන් හිතක් ලැබෙනවා"

වැරදිකරු ස්වාමී ණී කියන තැන පපුව නතරඋනා වගෙ දැනුනා.කදුළු කඩාගෙන වැටුනා.ඇත්තමයි අභී ඒ හඬ නන් භාවනාවක්.අශාන්,භූමි තාත්වික රංගනයක්.සුභ පැතුම් මේ නිර්මාණය සඳහා දායක උන හැමෝටම.

ස්ටෝරි එකක් ස්ට්‍රෝන්ග් වෙන්නේ කොහොමද ගීතයක් සංගීතමය ආශ්වාදයක් වෙන්නේ කොහොමද ? කලාකරුවකුගේ වින්දනීය ආශ්වාදයෙන් එලියෙ තියෙන වගකීම කුමක්ද ? එනම් නිර්මානය අවසානයේ බලන්නාගෙ සිතෙහි සංවේදනයක් වේදනාවක් සතුටක් ඇති කර එය මොලයේ තැන්පත් කරවීමයි අභි සෙනං හීනටි විනෝද් හසිත මේක සංස්කෘතික මං පහරන්නන්ට මරු පහරක්.

පරිණත පරම්පරාවක ආරම්භය මෙසේ ආරම්භ වන ලදී..🔥

භූමි වගේ කට්ටියට මේ රටේ තැනක් අනිවාර්යයෙන් ලැබෙන්න ඕනේ ඒ අයව සමජයෙන් කොන් කරන එක විහිළුවට ගන්න එක මේ රටේ මිනිස්සු දැන්වත් නවත්තන්න ඕනේ මොකද ඒ මිනිස්සුන්ටත් හැගීම් දැනීම් ආශාවන් තියෙනවා ඒ මිනිස්සුත් ආසයි මේ රටේ නිදහසේ ජීවත් වෙන්න.❤😊

අභී, භූමි, අශාන් මම ආසම ඉතා සවිමත් චරිත ඔක්කොම එකතු වෙලා මල් වට්ටියකට අත ගහල තියනව ආදරෙයි ඔබ සැම ගත් අභීත පියවරට. ❤

අභීගෙ හඬට නොදෙවෙනි රංගනයක්,අශාන්,භූමි,ධනූ එක්ක කරන රූප රචනාව සුපිරි👌👌👌👌

"මිනිස්සුන්ගේ ප්‍රේමය රහස් ගුහාවක් , එහි ගැඹුර දැනගන්න මනුස්සයෙක් වෙන්න වෙනවා" හිතට තදින්ම වැදුන වචනය ❤

ගැහැනිය් කියන්නේ මාර දරාගැනීමක් තියන කෙනෙක්,හැමදේම දරාගෙන,ලැබීම් නොලැබීම එක්ක ජීවන ගමන නමැති මහා සාහරය එක්ක පොර බදින හැටි,සහමර තැන් වල අපිට අපි ගැන් දුකක් ඇති වෙන්වා

බලපු වාර ගණන මතක නෑ..ඒ තරම් බැලුවා..ඒත් හතරවෙනි වතාවේ තමයි සින්දුව ඇහුවේ..අශාන්, භූමි කියන්නේ රංගශාලා වගේ..පුදුමාකාර දක්ශතාවයක්..ඒකට අභීගේ හඩ එකතුවුනාම පුදුම ලස්සන combinarion එකක්...සංකල්පය, හඩ, සංගීතය, රංගනය..මේ හැම අතින්ම බැලුවම මෑත කාලයේ මා දැක්ක perfectම නිර්මාණය...අතිසාර්තක නිර්මාණයක්...අභී ගොඩක් ස්තූතියි මේ වගේ රසවින්දනයක් ලබාදෙන්න කල අදහසට, උතසහයට සහ කැපවීමට...මම ආයෙ ආයෙත් කියනවා අශාන් සහ භූමිගේ රංගනය next level

මේ සිරි ලංකාවේ මෙහෙම ගීතයක් අහන්නත්, මෙහෙම open minded රසික ප්‍රතිචාර දකින්නත් මේ ඇස් පින් කරලා තියෙනවා එහෙනම්... ආදරෙයි හැමෝටම.😌 ♥️🤌

මෙහෙම නිර්මානයක් ජීවිතේට ලංකාවෙන් බලාපොරොත්තු උනේ නෑ.... අවංකවම ලංකාව කලාවෙන් ලස්සන වේගෙන එන්නෙ. අභී අක්කේ පිං ❤️ . හැමදේකින්ම දායක උන හැමෝටම අවංකවම ස්තූතියි . ආදරේ කරන අපි හැමෝගෙම ගීතයක් මේක.🙏

පෞද්ගලිකව මම ඔයාගෙ කැමතිම ගතිය තමා මඩ ගෑවෙන්න හෝ නොගෑවෙන්න කියල වලට බැහැල බලන එක. එහෙම උන් අඩුයි අභි..එහෙම උන් තමයි ඕනෙත්. සුභ.

ඇත්තෙන්ම lgbt community එකට පිටරට songs, films, TV series බර ගාණක් he දෙද්දී. ලංකවේ නිර්මාණය උන 1st music video එක මෙක. Hemoma දන්නවා LOVE IS LOVE මේ loke ඕන කෙනෙකුට ආදරය කරන්න අයිතිය තියෙනවා කියලා. ඒත් ඒ දන්න ඇත්ත gena risk එක අරන් ලංකවේ අයට ඇතත් තේරුම් කරන්න පුළුවන් උනේ ABI ඔයා ට විතර යි. (ආදරයට අපි කාටවත් නිර්වචන දෙන්න බැරි තැන මේ අයට(lgbt community) දැනෙන හැගීම ආදරයක් නෙවෙයි කියන එක අසාධාරණයි නේද 💔😔) අසම්මත සම්මතය මිනිස්සු විසින්ම හදා ගත්ත දෙයක්.

අභී කියන්නෙ වෙනම බ්‍රූන්ඩ් එකක්! උසස් නිර්මාණ එක්ක කලාවේ උඩුගං බලා යන අභීට හදවතේ ගැඹුරුම තැනින් ගෞරවය!

ඒකනම් සැරයි 🥺❤️.. සිංදුව ඇහුවෙම නැති තරම් ඇස් දෙක ලොකු කරන් බලන් හිටියේ භූමියි අශානුයි ඇස් වලින් දීපු බර අවි දිහා.. ආයෙත් කියනව මේක මාරම සැරයි ❤️

ආශාන් අයියා දෙන හැගීම පට්ට. මුලු සිංදුවම මාරයි 🖤🖤

හරිම හැගීම්බර , ශ්‍රාවකයාට මූළු කතාවම සිතින් මවා ගන්න පුළුවන් සංවේදි ගායනයක් අභි.... හරිම ලස්සනයි... 👏

දැන් ඉස්සරහට එන generation එක ආකල්ප, මානුෂීය හැඟීම් අතින් උගත් බුද්ධිමත් පිරිසක්. ඒ නිසා අපේ රට ගොඩක් වෙනස් වෙයි. ඒ පරම්පරාවට ශක්තියක් වෙන්න මේ වගේ නිර්මාණ කරන්න සහ රාමුවෙන් පිටතට එන්න ඔබට ලැබුනු ශක්තිය ගැන සතුටු වෙනවා ❤️

මනුශ්‍යත්වය වෙනුවෙන් මා දුටු ඉහලම පද රචනාව...ඔබ මිනිස් කමට ඉහලම වටිනාකමක් දුන් සුරංගනාවියක් "අභී"....♥️♥️♥️

වීඩියෝ එක බලන්න පටන්ගත්ත පළවෙනි තත්පර කීපයේදී හිතට ආපු හැඟීමයි සහ විනාඩි 5 යි තත්පර 57 ක් අපිව වෙනම ලෝකෙකට අරගෙන ගිහිල්ලා අතෑරියට පස්සේ ඇතිවෙච්ච චිත්තවේගයයි.." Wow.." මාරයි.." Just brilliant.."👍

මුගුරක් අරන් ඇනපන් තදින්... භූමියට තවම පණ තියෙනවා.... - i felt it - 💗🕊️

කඳුළු බේරිගෙන යන නිර්මාණයක්! ඒ අහිංසක ආත්මයන් වෙනුවෙන් කරපු මේ නිර්මාණට සෑම ගෞරවයක්ම හිමි වේවා! ❤

භූමියට තවමත් පණ තියනවා... මේක රූපරාමුවක් විතරක්ම නෙමෙයි...මේ ජීවිතයක්...මෙවන් ආදර කතා හිත් ඇතුළෙම මැරිලා යන ජීවිත කොච්චර තියනවද?ආදරය ඉදිරියේ ලෝකයක් එක්ක උනත් සටන් කරන්න තරම් හයියක්....ඒ පණට,ඒ රහස් ජීවිත වලට හිනා වෙලා ඔළුව උස්සලා ජීවත් වෙන්න ඇත්තටම මනුස්සයෙක් වෙලා පිහිට වෙන්න... භූමි, ඒ ඇස් වල දුක ජීවිතේ කටුකත්වය යටහත් පහත් බව සියුම් විදිහට ඉදිරිපත් කරලා තියනවා...අමුත්තක් නෑ කැමරාව ඉදිරියේ සමාජයක්ම උනත් ඉතාමත් සියුම් විදිහට එක චරිතයකින්...wow... ආශාන් අයියා, රංගනය ගැන නම් වචන නෑ.ඒ ඇස් වලින් ගලන ආදරය...අසරණකම, ජීවිතේ රහස් ආදරේ ලෝකය ඉස්සරහ තමන්ට ජීවිතේ දෙද්දී ඒ වේදනාව ඉවසීම ඇස් වලින් ගලාගෙන ආවා... Amazing අභී, ඒ රංගනයම ඇති ප්‍රවීණත්වයට,හැගීම ඇස් වලින් වගේම සමාජයකම හඩක් වෙලා මිනිස් ඇසට සංවේදී කදුළු උනන්න මේ නිර්මාණය හදවතට තට්ටු කරපු ගීතයක්... Fabulous Production Team, වචනයෙන් වචනයට පණ පොවපු, හිරිගඩු පිපෙන visual,වර්ණ, සංස්කරණය ඉතාමත් සියුම් වගේම ඉහළම මට්ටමක තියනවා... Marvelous කියන්න වචන නෑ හරිම අර්ථාන්විතයි. සමාජ පීඩනය යටතේ ජීවත් වන විලංගුවේ හිර වු මිනිස්සුන්ගේ ගීතයක් පමණක් නොවී...ජීවිතයට හිනාවක් ගේන්න ඉඩ දෙන්න....

එකම ඉරක් යට....එකම හදක් යට.....නහර ඇතුලෙ එකම ලේ ගලනකොට......එකම රිද්මෙකට හදවතේ ගැස්ම ඇතිවෙනකොට...ආදරේට විතරක් සම්මත අසම්මත හැගීම් හොයන්න තරම්....හිත් කැළබිලා.......... නුඹ එක්ක ගෙවුනු හැම මොහොතක්ම මතක කරලා ...අතාරින්න තරම්....මගෙ පපුව නැවතිලා නැහැ ..... ඔව් ..මං දන්නවා..... ඒ ආදරේ දරන්න තරම් නුඹට බැරි වෙන්න ඇති.. මේ ඇස් දිහා බලන් එදා වගේ හිනාවෙන්න තරම් නුඹේ හිත හයිය නැතුව ඇති........ ආදරේ පපුවෙ තියාගනත්... ...ඒක පෙන්නන්න තරම් හයියක් නුඹට හැමදාමත් නැතිවෙන්න ඇති..... ඒත් දන්නවද? මිනිස්සු ආදරේ කරන්නෙ එකපාරක්ලු..... ඒක ඇත්ත.......උඹට තරම් මං ආදරේ නැතිව ඇති කාටවත්ම..... ඒත් ඔය හිතේ....එකම ආදරේ වෙන්න තරම් පිං නැතිවෙන්නත් ඇති මට.... අභීගේ හැම පද පේළියකම නුඹ හැමදාමත් ජීවත් වේවී....💔 හදවතේ ගැඹුරුම තැන...❤

කදුදු වැටෙන්න තරම් හිතපු නැති විදියට සංවේදී වූ ගීතයක්. God job Abhi! මං ගොඩක් ආදරය හා ගෞරව කරන චරිතයක් භූමි, ඇයට සුභ පතනවා♥️

භූමි....ඔයා මේ ලෝකේ ඔයාට ලස්සන තැනක් හදා ගෙන තියෙනවා....ඔයා නිසා අනිත් අයත් මේ ලෝකෙට බය නැතිව ලස්සනට මුහුන දේවි...ඔයාට මම හදවතින්ම සුබ පතන්වා...අභී අක්කේ ඔයාටත් අපි ආදරෙයි....

කොහේ සිටියත් කොහේ තිබුනත් මැරුණත් නොමැරුණත් ආදරය ආදරයමයි... අභිෂේකා විමලවීර ඔබ වැනි නිහතමානී කලාකාරිණියක් අතින් මෙවන් නිමවුමක් බිහිවීම ඉතා අගනේය..

" මිනිස්සුන්ගෙ ප්‍රේමය රහස් ගුහාවක්.., ඒ ගැබුර දැනගන්න මනුස්සයෙක් වෙන්න වෙනව " මොන හේතුවක් නිසාද දන්නෑ අන්තිමට ඒ ටික කියන්න හිතුනෙ ඒත්ට පුළුවං කෙනෙක්ගෙ ජීවිතයක් ඒනස් කරන්ඩ .......,🙂🖤

අභීගේ කටහඩ. භූමී සහා අශාන්ගේ රංගනය. ඇග හිරිවැටිලා යනවා. ඔබලා 3 දෙනාම සම්මානනීයයී ❤❤❤. භූම් වගේ තව කොච්චර අය් ඉන්නවද? මේ ලංකාව තුල ඒ අයට නිදහසේ සිටීමට කාලය උදා වේවා ♥️♥️♥️♥️

අතිවිශිෂ්ඨයි 👌

මුගුරක් අරන් ඇනපන් තදින්...භූමියට තවම පණ තියෙනවා .... I felt it ❤💫

ඒක පට්ට... මිනිස්සු හැමෝම ආදරයක් හිතේ හිරකරගෙන ජිවත් වෙන්නෙ..කව්රුත් පිලිගන්නේ නෑ ඒ ඇත්ත,,,ඒත් ජීවත් වෙනවා

When abhi said, 'මිනිස්සුන්ගෙ ප්‍රේමය රහස් ගුහාවක්.. ඒ ගැඹුර දැනගන්න මනුස්සයෙක් වෙන්න වෙනවා' I felt it.

මිනිස්සුන්ගේ ප්‍රේමය රහස් ගුහාවක්, ඒ ගැඹුර දැනගන්න මනුස්සයෙක් වෙන්න වෙනවා 🙂🥀❤️‍🩹

භූමි හරේන්ද්‍රන් මිස් ආදරණීයම චරිතයක්.❤️ ❤️ අග්‍රගන්‍ය නිර්මාණයක් අභිෂේකා අක්කේ..😘❤️

සමා⁣ජයෙ විවිධ මිනිස්සුන්ට විවිධ අඩුපාඩු තියෙනවා. කවුරුත් සර්ව සම්පූර්ණ නැහැ. ඒ වගේ අඩුපාඩු තියෙන මිනිස්සු සමාජයෙන් කොන් නොකර මේ වගේ සංවේදීව එයාලව තේරුම් ගන්න පුලුවන් විදිහට නිර්මාණය කරපු ලස්සන ගීතයක්. ආදරෙයි මේ වගේ හිතන හැමෝටම ❤️

When Abhisheka Wimalaweera said ; "මිනිස්සුන්ගෙ ප්‍රේමය රහස් ගුහාවක්" I felt it 🥀❤️

ලංකාවේ කොච්චර creative ,සංවේදී හදවත් තියෙන මිනිස්සු ඉන්නවද? මං මෑත කාලයේ අහපු ලස්සනම සින්දු දෙක තමා මේකයි චරිතගේ Zd8 එකයි.මාර concept දෙකක්..මෙච්චර ලස්සන වැදගත් නිර්මාණ බිහිවෙද්දිත් අපේ මිනිස්සු රැල්ලට යන එක තමා දුක🥲❤️😌

අශේන් , භූමි රංගනය අති විශිෂ්ටයි... ❤❤ අභී ගේ කටහඬ නම් තනිකරම භාවනාවක්. ❤

මිනිස්සු කියන්නේ හැම මනුසතාටම මනුස්සකමින් සළකන පිරිසට. ගැහැනිය, පිරිමියා හෝ ඕනෑම හුස්ම ගන්න මනුෂ්‍ය ජීවිතයකට ආදරය, සෙනෙහස වපුරන්න පුලුවන්නම් ඔයත් මනුස්සයෙක්. ගීතයේ අවසාන වචන පෙළින් මම ආරම්භය ගන්නවා. "මිනිසුන්ගේ ප්‍රේමය රහස් ගුහාවක්. ඒ ගැඹුර දැන ගන්න මනුස්සයෙක් වෙන්න වෙනවා" මේ පද පේළිය සහ ගීතය මෙතනින් ඉවරයි. අවසානයේ දී ඒ ගැන කතා කරමු.දැන් තමයි මනුස්සකම් දන්න මිනිසුන්ගේ මිනිස්කම් ඇහැරෙන වචන ගෙතිලා තියෙන්නේ.ඔයත් එහෙව් හදවත් ඇති මනුස්සයෙක් නම් මේ හැම වචනයක්ම ඔයාට දැනෙයි මේ ආදරයත්, මෙවැනි ආදර කතාත් ආදරයම පමණක් පිරුණු මිනිසුන්ගේම ආදර කතා බව. ආදරේ දිහා අපිට වෙනස් කෝණ ගොඩකින් බලන්න පුළුවන්.හැබැයි ඔයා හිතන්නෙ ආදරය කියන්නේ පිරිමියෙක් ගැහැණියකට ගැහැණියක් පිරිමියෙක්ට කරන ආදරය විතරක් ම නම් ඔයා හිතන විදිය ගැන ආයෙත් හිතන්න.මොකද ඒ සීමාවට විතරක් ආදරය කොටු කරන්න බැහැ.සමාජය විසින් නොපිළිගන්න හැබැයි පිළිගත යුතුම හරිආදරණීය කතාවක් මේ ගීතය පුරා කියවෙනවා. සංක්‍රාන්තික ලිංගිකත්වය ගැන කියවෙන හරි අපූරු සංකල්පනාවක්.ලංකාවේ නෙමෙයි ලෝකයේ වුණත් සංක්‍රාන්තික ලිංගිකයන් ගැන හිතන විදිය වෙනස්. ඒ වගේම ඔවුන්ව හඳුන්වන විදිය වෙනස්. "ආදරේ හිතෙනවද අහනවා" ප්‍රශ්නයක් පිළිතුර "ඔව් මටත් ආදරේ හිතෙනවා" "හාදු මට දැනෙනවද අහනවා "ප්‍රශ්නයක් පිළිතුර "ඔව් මමත් උණුහුමක් හොයනවා" "කිරි වරම් නෑ නේද අහනවා" ප්‍රශ්නයක් පිළිතුර "කිරි නැතත් පපුවේ ඉඩ කඩ තියෙනවා" ඇත්තෙන්ම මේ ඔවුන් මුහුණ දෙන ප්‍රශ්න.හැබැයි මනුස්සයෙක්වුන මනුස්සයෙක්ට මෙවැනි ප්‍රශ්න එවැනි මනුස්සයෙක්ගෙන් අහන්න බෑ.ඒකයි මම මුලින් කිව්වේ ගීතයේ කියවෙන පද පේළියක්.. "මිනිසුන්ගේ ප්‍රේමය රහස් ගුහාවක්. ඒ ගැඹුර දැන ගන්න මනුස්සයෙක් වෙන්න වෙනවා" මෙහෙම දේවල් වලට මුහුණ දෙන ඔවුන්ට මොන තරම් වේදනාවක් දැනෙනවා ඇතිද?පළමු පද පෙළින් ඒ වේදනාව රසවිදින අපිටත් දැනෙන්න සලස්වනවා. "මුගුරක් අරන් ඇනපන් තදින්.... භූමියට තවම පණ තියෙනවා.." පණ තියෙන මිනිසුන්මයි මේ වේදනාත්මක ප්‍රශ්න නගන්නේ.මුගුරකින් ඇණ බලන්න.නොහිතුවට මේ භූමියට පණ තියෙනවා.ඉතින් මේ වේදනා දරාගන්න අමාරුයි. සංක්‍රාන්තික ලිංගික කාන්තාවක් වුවද ඇය ගැන ගීතයේ මුලින් අපිට නොතේරුණත් රූපරචනයේ සමහර සංකේතවලින් මේ ආදර කතාව කුමන වර්ගයක යන පැහැදිලියි. "රූප රචනයේ එක කොටසක ඔවුන් අයිස් පලම් දෙකක් අතේ තියන් ඉන්නවා " ඔවුන් දෙදෙනාම එකම වර්ගයේ සරලව කිව්වොත් කොල්ලොම දෙන්නෙක්.සංකේතය පැහැදිලි. ඒ වගේ ම "හත් මාල නළල් පට නෑ...සුදුනෙළුම් රෝස පෙති නෑ.." රූප රචනයේ මේ වෙලාවේ පෙම්වතා පෙම්වතියට කරාබු දෙකක් තෑගි කරනවා.ඔහු ඇයට ඒක පලදන්නේ පහසුවෙන් නං නෙමෙයි. හරියට බලන්න ! ආයාසයෙන් කරාබුව දානවා.ඔහු ඇයව පිළි අරගෙන ඉවරයි.ගැහැනියකගේ තියෙන බලාපොරොත්තුවන දේවල් ඇයට නෑ.හැබැයි අපිට නොපෙනෙන ගැහැණියකගේ තියන හැම ආදරණීය සෙනෙහසක්ම ඇයටද තියෙනවා. සියල්ල අවසානයේ දෙවියන් ගෙන් යදිනවා. "ඉපදුනු සත් පත්තිනි බල මහිමයෙන්................................. "දිරිය අරන් පිපියන්" සමාජයේ අපි නොදකින පිරිසකට කරපු ආදරණීය උපහාරයක් බව ගීතයේ අවසානයේ අපිට දැනෙන්නට හරිනවා. "වැරදිකරුවා ස්වාමීනි" ඒ භූමිගේ හඬ.... ඔබ ආරම්භයේ ඉඳන් ගීතයට සම වැදුණා නම් ඔබට මේ වචන පෙළ දරා ගන්නට පුළුවන් කමක් නෑ.ආදරය විදින්න ,ආදරය ලබන්න ලිංග භේදයක් නෑ.ඔයාට පුලුවන් ඕනි විදියට ආදරය කරන්න.හැබැයි ලැබෙන ආදරය පරිස්සම් කරගන්න.ආදරේ අවසානය නම් ලැබුනට පස්සේ පරිස්සම් කරන එක.ඔහුගේ අනාගතය වෙනුවෙන් ඇය වැරදිකාරිය වෙනවා. ගීතයක් නෙමෙයි චිත්‍රපටයක් වගේ .මනෝ ලෝකේ ඔයාටම චිත්‍රපටයක් දැක ගන්න පුළුවන් .ඇස් ඇරලා බැලුවොත් හිතාගන්න බැරි බර අවි වලින්ම ඔයාට මේ චිත්‍රපටය බලන්න පුළුවන්. මේ මට හිතුන විදිය.

සමාජයේ සෑම කෙනෙක්ටම සම ලෙස සැලකීම ප්‍රථමයෙන් ඉතා අගය කරන අතර,🙏 ඒ නිසාම මේ නිර්මාණයේ බර ගතිය ඉතාමත් හොදින් දැනෙන්නට එයද සාධකයක් වීම සැක නැත. කාලාව නිර්මාණයක් ලෙස වර්තමානයේ එළි දැක්වූ ඔබටත් එයට සහය වූ සැමටත් හදවතින්ම සුබ ප්‍රාර්ථනා කරනවා..👍❤️

නොවහල් ව විවෘත ව ලෝකය දකින එක කොතරම් අගනේ ද.. නවමු තේමාවක් ,අගනා නිමැවුමක්..දායක වූ සැමට ම සුපැතුම්...!

මේ ගීතය අහන,බලන හැම වැතාවක ඇස්වලට කදුලු එකතුවෙන හෙතුව මෙන්න මේක නිසයි කියලා තවම මට හිතාගන්න බැහැ . ඇත්තටම විශිෂ්ටයි අභී ඔබට ජය පතනව.💐❤❤❤

ඔවුන්ට ඕනෙ අනුකම්පාවක්වත්, අමුතු ගෞරවයක්වත් නෙමෙයි.සමාජේ අනිත් මිනිස්සුන්ට තියෙන ඒ තැනමයි..... අන්න ඒ තත්වෙට අපේ මිනිස්සු හිතන්න පුරුදු වුන දවසට ඇත්තටම අපි හැමෝට ම ආදරයෙන් ජීවත් වෙන්න පුළුවන් වෙයි ❤️

Feels like a movie ❤️ අභිගේ අනිත් සින්දු වගේම මේ සින්දුවත් හදවතටම දැනුනා. ඔයාගේ Soulful Voice එකයි, Calm Music එකයි, Ashan & Bhumi ගේ Deep Acting ටිකයි එකතු වෙලා මාර Feeling එකක් දෙනවා. ඔයාගේ හැම සින්දුවකම වචන, සංගීතය, රඟපාන අය, සින්දුවේ කතාව, පසුතල වගේම අනිත් හැම දේම එකිනෙකට වෙනස්. නියම Artist කෙනෙක් කියන්නේ හැමතිස්සෙම වෙනස් දෙයක් කරන්න Try කරන කෙනෙක්ට. ඔයත් ඒ වගේ.. Acting ගැනත් අනිවාර්යයෙන්ම කියන්න ඕනේ. කොහොමත් අභිගේ Songs වල Act කරන අයත් පට්ට. මේ Song එකෙත් එහෙම්මම තමයි. සින්දුවක් වුණත් Acting එක නම් Ashan & Bhumi සැරට දීලා තියෙනවා.. 💕💕 ප.ලි - ලංකාවේ අයට Lip Kiss, සමලිංගිකත්වය වගේ දේවල් Magic වගේ. මං නම් කියන්නේ වෙන රටවල් වල වගේ ඒ දේවල් මෙහෙත් Normal දේවල් වෙන්න ඕනේ කියලා. අපේ රටේ ළමයෙක්ට සාමාන්‍ය විදියට ඔය දේවල් දකින්න දෙන්නේ නැත්තේ වැඩිහිටියෝ. ඔය දේවල් TV එකක හරි පෙන්නන කොට ළමයිව හරි Channel එක හරි මාරැ කරනවා එයාලා. ඉතින් ළමයි හොරෙන් ඕවා බලන්න පටන් අරං සීමා ඉක්මවා යනවා. පිට රටවල් වල ළමයිට ඕවා මහා ලොකු දේවල් නෙවෙයි. අම්මලා තාත්තලා ළමයි ඉස්සරහා Kiss කරනකොට ඒ ළමයි ආදරෙන් බලන් ඉන්නේ. Bhumi ලා වගේ අයටත් විශේෂයක් කරන්නේ නැතිව ඉන්න ඕනේ. ඒ වගේ අය ලැජ්ජාව දරා ගන්න බැරුව හරියට Suicide කරගන්නවා. කතාවක් තියෙනවා මේ රටේ ප්‍රසිද්ධියේ Kiss කරන්න බැරි වුණාට මුත්‍රා කරන්න පුළුවන් කියලා.. මේ වගේ නිර්මාණ වලින් වත් මිනිස්සු ඕවා දිහා Normal විදියට බලලා ඉන්නවානම් හොඳයි අභිට බනින්නේ නැතුව..💕

අශාන් ඩයස්, භූමි හරේන්ද්‍රන්, අභී මේ chemistry එක පිස්සුවක්. 🥺❤ මට කියන්න වචන නෑ මේක ගැන🔥❤

ප්‍රේමය ගැබුරින්ම දකින්න ලියන්න ගයන්න හැකි එකම ගැහැණිය අභී ජීවිතය දරන්න අභියෝග හමුවේ නොසැලී පෙරට යන්න භූමි හැඟීම්බර ආදරය අශේන් ඔයාලා තුන්දෙනාගේ එකතුව .......................වචන නෑ..,.......... වර්තමානයේ මෙවන් ගීත තව තවත් බිහි කරන්න ශක්තිය ධෛර්යය ලැබේවා....

මේක ගීතයකට වඩා මන් දකින්නේ සමාජයේ යම් පිරිසක් වෙනුවෙන් කරපු ගෞරවනීය උපහාරයක් විදියට ♥️ good luck team u guys did it well

කෙනෙකුගෙ ඇස්වලට කිසිම හේතුවක් නැතුව කඳුලු පුරවන්න, රෝම කෙලින් වෙන තරමට හැඟීමක් දනවන්න පුලුවන් ගීතයක් කියන්නෙ ඒක තනිකරම භාවනාවක්. ❤

යහපත් කල්ක්‍රියාව නිසා අවුරුදු 10කට පස්සේ නිදහස් වෙලා භූමි එලියට එනකොට, දරුමල්ලෝ එක්ක සාර්ථක පවුල් ජීවිතයක් ගත කරන අශාන් අහම්බෙන් හම්බුවෙලා වෙන සිද්ධියක් ගැන දෙවෙනිකොටසක් ඒවි කියලා හිතාගෙන හිටියට, ජීවිතේට ආයේ එහෙම වෙන්නෙ නෑ කියලා හිතනකොට දුකයි

භූමියි අශනුයි ඇස් වලින් කියන දේවල් හිතට බර වැඩී... 🥺❤ අභී... වෙනම රහක් ❤

බලල අඩපු නැති කෙනෙක් නම් ඉන්න නැතුව ඇති. ඒ කටහඬ, රෑප රචණය හැමදේම ලස්සනයි ❤️ අභි , භුමි ආසම චරිත දෙකක් ❤️

මාරම මාර Song එකක්.. voice, melody, lyrics , visual , cast exellent . Ashan Dias ගෙ act එක මාර ම මාරයි .

Europe countries වල වගේ අනිවාර්යයෙන් සමලිංගිකයන්ටත් මේ රටේ තැනක් දෙන්නම ඕන🙂. ඒදේ නීතිමය විදියට දුන්න දවසක ඒ අයත් එලි බැහැලා හුස්මක් අරන් ජීවත්වෙයි🥺❤️

අම්මා කෙනෙක් වගේ ආදරේ දෙන්න පුලුවන් කෙනෙක් වෙන්නත් එහෙම ආදරයක් ලබන්නත් පිනක් තියෙන්න ඕන. අවසානයේ ඉකි ගසා ඇඩෙන තරම් හිතට දැනුන සින්දුවක්. අශාන්,භූමි රංගනය ගීතය සැබෑවක් කලා.❤❤❤

මේ ගීතය concert එකේ දි release වෙනවා සජීවීව දකින්න වාසනාව ලැබුනා වගේම මෙහි අයිතිකාරිය භූමිගේ වචන වලින් මෙහි සැබෑ අර්ථය දැනගන්නටත් වාසනාව ලැබුණා. භූමි හරි. අභී කියන්නේ විශ්වීය ගායිකාවක්. මේ තරම් හිතට ඔය ගීත දැනෙන්න මැජික් එක ඒක. ❤️

Love is love.. එ concept එකට පණ දුන්නට පින් අභි.. අන්තිම වචන ටික.. " මනුස්සයෙක් වෙන්න වෙනවා"wow.. සම්මත අසම්මත නියම් අනියම් අවංක වංක තාවකාලික සදාකාලික රොමැන්ටික් toxic මේ මොන විදිහෙ කතාවක උනත් ආදරය කොනක තියෙනවා දැනෙන්න මනුස්සයෙක් වෙන්න ඕන... මං ආසයි ඒ අන්තිම වචන ටිකට.. හැමදේටම වඩා ප්‍රේමය හැඟිමක් නෙවෙයි තෝරාගැන්මක් කියන එක ඉස්මතු කරපු විදිහ... well done abhi..

අභිශේකා විමලවීර ශ්‍රේෂ්ඨ සංගීතවේදිනියනි ඔබ විශිෂ්ඨයි ඔබේ නිර්මාණ අන්තර්ගතය, එයින් සමාජගත කරන පණිවිඩය, ඔබේ ආමන්ත්‍රණය අති විශිෂ්ඨයි. මතු මත්තෙත් මෙවන් නිර්මාණයන් තුළින් සහෘද හදවත් රසගන්වන්නට ඔබට හැකියාව ලැබේවා. ස්තූතියි

ලෝකෙ පෙරලන තීරණ ගන්න අපේ මිනිස්සුන්ට "තාම පන තියනවා"...☝🔥 ආදරෙයි අභී❤

මිනිස්සු ආදරේ කරන බව පෙන්නනවා.ඒත් මුලු ජීවිත කාලෙම ප්‍රේම කරන්නේ එකම එක වතාවක් විතරයි. මිනිස්සුන්ගෙ ප්‍රේමය රහස් ගුහාවක්. ඒක දැනගන්නනම් මනුස්සයෙක් වෙන්නම වෙනවා 🍂🌼🖤 👌❤️

අභී ඔයා භූමියට දීපු වටිනාකට ඇය ඔබට ගොඩාක් ස්තූති කරන්න ඇති කියලා මන් හිතනවා. ඔබ මේ රටේ පිනට පහල වුනු සම්පතක් එදා නුවරදී ඔයාගෙන් සජීවීව මේ සින්දුව අහනකොට ඔයා දිහාම ඇතින් ඉදන් බලන් හිටියා අපි...... සින්දු කියලා මදක් අසනීමෙන් හිටියත් ඔයා මේ ජවයෙන්ම මේ ගීතයට දීපු ලස්සන මාරයි..... එකම එක ඉල්ලීමක් තියෙනවා අයෙත් අභී තියන තැනක මේ සින්දුව කියනකොට පුලුවන්නම් එෂාන් ඩයසුයි භූමීවයි වේදීකාවට ගේන්න ඒ අත්දෑකීම අපිටත් ඔයාටත් ලස්සන වේවී🙏😍😍 ඊලග පාර අපි ගාල්ලෙදී හම්බෙමුද අභී.... කොළබ ඉදලා නුවර ගියා වගේ අපි ගාල්ලටත් එන්නම් ඔයා එක්ක ජීවිතේ සංගීතයෙන් විදින්න..... ඔයා හඩ භාවනාවක්‌මයි😍😍😍

ඇස් පියාගෙන අහන්න පුලුවන් , ඒ වගේම ඇස් පියගතාමත් බලන්න පුලුවන් ගීතයක්, ආසම නිර්බයම චරිත කීපයක එකතුවක්, සුබපැතුම් හැමෝටම

අද Concert එකේදී live ම බලන්න හම්බුනා....මට නම් හොදටම ඇඩුනා. " ආදරයට පුලුවන් ඕනම පරිත්‍යාගයක් කරන්න, හැබැයි එහෙම කරන්න පුලුවන් වෙන්නේ ඇත්තටම ආදරේ කරපු කෙනෙක්ට විතරයි. " ආදරය කරන්න, විදින්න, වයස් භේදයක්, ලිංගභේදයක්, ආගමක්, ජාතියක් නෑ...ආදරේ කරන්න, ලැබෙන ආදරේ පරිස්සම් කර ගන්න.❤️🙏🥺

සින්දුවක් නෙවෙයි සමාජ පුරාවෘත්තයක්🥺♥️🔥 Respect මෙහි සියලු කලාශිල්පීන්ට...!!!!

මේ සිංදුව අහපු වාර අනන්තයි.❤ කවදකහරි හමුවෙන්න බලාපොරොත්තුවක් තියෙනවා මේ අසහාය කට හඩේ හිමිකාරිනියන් අභී මිස් ඔබතුමියව❤❤

මේ සිංදුව ලියල, ඒ පසුපෙළ රංගනය මනාවට හැඩ ගස්වලා මේ සමස්තයම වූ මුගුරෙන් ඇන බලා..ඒ භූමියට පමනක් නොව එවන් වූ ආදරයටත් " තවම පණ තියනවා" යැයි හඩගා කී ඔබට අනේක වාරයක් පින් සදාකල් පණ තියෙන ඒ ආදරේ නාමයෙන් ❤️‍🩹❤️‍🩹 මගේ ජීවිතේ අහල තියන ගීත අතුරින් වඩාත් කැමතිම ගීතය . තව තවත් මෙවැනි නිර්මාණ බිහි කිරීමට අවශ්‍ය ශක්තිය ඔබට ලැබේවා!

අන්තිමට ඇඩුනේ මට විතරද 😥 හිතට වදින වචන ටිකක් 😥 අති විශිෂ්ඨ රංගනයක් ♥️♥️ superb job ♥️♥️

වචන වලට හිත ගියෙ දෙවනිපාරට අහනකොට.. මුලින්ම දැනුනෙ ඒ රූපරචනාව.. ඇත්තෙන්ම කියනවනම් වර්තමානයේ තරුන පරම්පාවේ මන් දකින විශිෂ්ටතම නිර්මාන කාරිය අබිශේකා ඔබ.. ඔබේ දැනුම් මහා මෙරක් තරම්. උබේ හැගීම් , ඔබේ අදහස්, ඔබේ සිතුවිලි සියල්ල හුදු රසික ප්‍රේක්ශකයන්ගේයැයි සලකා මේ මුදාහරිනා සුවිශේෂී නිර්මාන සදා අමරනීයයි.. ඔබට ජය ❤️❤️

සැබෑ ජීවිතයේ කිසිම කෙනෙකුට එහෙම වෙන්න එපා කියලා ප්‍රාර්ථනා කරනවා. අභී අක්කිගෙ හැම සින්දුවක්ම හදවතට තට්ටු කරනවා

හම්මෝ අභී ..... ආදරේ මේ විදියට දකින්න පුළුවන් එකම කෙනා ඔයා වෙන්න ඇති....🙏 මේ සිංදුව බලල ඇඬුන හේතුව ඇත්තටම මම දන්නේ නැහැ 😪😪

සැමට නිසි තැන හිමිවිය යුතුයි මේ සමාජයේ...කව්රුත් කථාකරන්න අකමැති මාතෘකාවක් ගැන හරිම ලස්සනට ගීපදවලින් විග්‍රහ කරල තියෙනවා ..💓💓💓💓අහීගෙ හඩ ඊටත් වඩා ලස්සනයි

ආදරය ගීත වලට පෙරලන ,ආදරනීය Coach Abhi හැමදාම ආදරෙයි ❤

මේ නිර්මාණය කොහොම අගය කරන්නද දන්නේ නැහැ. මෙ මිනිත්තු කීපය හරි අපූරුවට අපිව ඇද බැද තියා ගන්නවා. සිනමා කෘතියක් බැළුවා වගෙ. තව තිබුන නම් කියලා හිතුනා. කාලෙකින් කියන්නත් බැහැ, මගෙ ජීවිතේ බලපු ලස්සනම නිර්මාණය. අශාන් ඩයස් කියන්නේ වෙනමම එකක්නෙ, පොඩි ඉරිසියාවකුත් ඇති වුණා. භූමි කියන්නේ නියම කෙල්ලෙක්. ඒ පෞර්ෂත්වය 👌👌 මෙම සුසංයෝගය අපූරුයි.

මම ආසයි අභීගේ සින්දු අහන්න. අහලා හිත කොනිත්ත ගන්න. හිත රිද්දගන්න. ආයේම සතුටු වෙන්න. අහීගේ හැම සින්දුවක් ඇතුලේම හිතට කාවදින වචනයක් තියෙනවා . "මිනිස්සූ ආදරය කරන බව පෙන්වනනවා හැබැයි ප්‍රෙම කරන්නේ එක වතාවයි. ඒ ගැබුර දැන ගන්න මනුස්සයෙක් වෙන්න වෙනවා"

අසම්මත ද සම්මත ද කියන දෙය සැබෑ ආදරයට නිකම්ම නිකන් වචන දෙකක් කියන එක මේ සිංදුව තරම් උපමා තවත් නැතුව ඇති.❤️අභීගේ ගීත තුල හැමදාම තියෙන්නේ ආදරයේ හා ජීවිතයේ ඇති සැබෑ අැතුලාන්තය යි...හැමදාම වගේ ඔයාගේ සිංදු වලට පුදුම ආදරෙයි...❤️❤️🌷🌷

මගෙ දැක්මට අනුව මේ ලෝකෙ ඕනිම මනුස්සයෙක්ට ඕනිම මනුස්සයෙක් ගැන ප්‍රේම හිතක් පහළ වෙන්න පුලුවන් ❤️ භූමි අශාන්ගෙ දැනෙන රංගනයක් සුභ පැතුම් හැමෝටම 🌷

කාලෙකින් බිහිඋනු අතිශය සංවේදී විශිෂ්ඨ නිර්මාණයක්....ඒ කටහඩ වෙනම ලෝකෙකට ගෙනයනවා....රූප රචනයේදී භූමි තමන්ගේ භූමිකාවට ඉතාම සාදාරනයක් කරනවා...

අභී, අශේන්, භූමි පුදුමාකාර සංයෝජනයක්.. ❤️❤️❤️❤️❤️❤️👏👏👏👏💐💐💐

මේ වගේ තේමාවක් (LGBTQ+ equality) මෙච්චර ලස්සනට හදවතට දැනෙන්න කරන්න පුළුවන් අභීටම තමයි ❤️❤️

සත්තකින්ම කාලෙකින් හිත සසල කරපු ඇස් වලට කඳුළු ගෙනාපු අති විශිෂ්ට නිර්මාණයක්. අභී ගේ හද සසල කරවන හඬට එක් වුන භූමි ගේ සහ අශාන් ගේ රංගනයන් මෙතෙක් මා රූප රචනයක දුටු සංවේදී ම මුහුවීම යි! This is going to be a turning point in our music industry! ❤️

භූමි වගේ කට්ටියට මේ රටේ තැනක් අනිවාර්යයෙන් ලැබෙන්න ඕනේ ඒ අයව සමජයෙන් කොන් කරන එක විහිළුවට ගන්න එක මේ රටේ මිනිස්සු දැන්වත් නවත්තන්න ඕනේ මොකද ඒ මිනිස්සුන්ටත් හැගීම් දැනීම් ආශාවන් තියෙනවා ඒ මිනිස්සුත් ආසයි මේ රටේ නිදහසේ ජීවත් වෙන්න.❤

හරිම අර්ථවත් ගොඩාක් ලස්සන නිර්මාණයක්... ගායනයත් ඊට නැහැ දෙවැනි නැහැ , හරිම සංවේදියි අභිෂේකා... 🙏

අශාන් ඩයස්ට තියන ආදෙරේ වැඩි වුනා ඈ😍 අභී..කෙටියෙන්ම...සින්දුව පට්ට👍👍👍

"මිනිස්සු ආදරේ කරන බව පෙන්නනවා ඒත් මුළු ජීවිත කාලෙම ප්‍රේම කරන්නෙ එකම එක වතාවක් විතරයි මිනිස්සුන්ගෙ ආදරය රහස් ගුහාවක්.. ඒ ගැඹුර දැනගන්න මනුස්සයෙක් වෙන්න වෙනවා.." අභීගේ සිංදුවක් කියන්නෙම වචනෙකින් නිම කරන්න බැරි හැඟීමක්..♥️🥺මං ආසම ඔයා ආදරේ දිහා හරි ලස්සනට බලන විදියට..ඒ ආදර කතාව කොහොම උනත් ආදරේ, ආදරේ විදියට දකින එකට..♥️🥰 අභීගේ හැම සිංදුවටම පුළුවන් හිතේ පුංචි සීරීමක් එක්කම හරි ආදරෙන් හදවතට කතා කරන්න..❤️😍 ආදරෙයි අභී..❤️❤️❤️

ජනප්‍රියත්වය බලාගෙන නිර්මාණ කරන කලාකරුවන් ඕන තරම් දැකල තියනව.මේ වගේ හදවතට දැනෙන නිර්මාණයක් කරල බැනුම් ඇහුවත් මොකද.හිතන්වත් බැරි සිතුවිල්ලකට කල නිර්මාණයක් .පුදුම සහගතයි.ගායිකාවක් වෙන්න ඕන කෙනෙක්ට පුලුවන්.නමුත් හදවතේ ගායිකාවක් වෙන්න අමාරුයි .ඒ අමාරු කාර්යය ඔබ කලා