خويا بغيت نسول انا خديت واحد كيمكو t4 جديد ياله اسبوع فالصباح تيفشل ليا خاصني حتى نضرب به واحد جوج كيلومتر عاد يولي مزيان واش عادي خاصة ياله وصل 125 كيلومتر فالروداج
انا ملي شريتها كانت ماشية 6000 ما بدلتهاش لبوجي بدلتها غير لاكروا وليقالي ولفلتر ودرك راهي ماشية 19000 زعما عادي ولا لازم نبدل لابوجي مع انها تمشي معايا رقلو دربة تنوض مدير ليش مشاكل والحمد لله؟؟
مكانش منها يا خويا السرعة القصوى مشي مليحة تحت الالف ننصحك في 280 كم دير فيدونج تاع البواطة والمحرك وبدل الڨاليات تاع لومبرياح وتمشى 50 كاقصى حد ومن كي تلحق 1000 اذا حبيت الموطو تاعك تكسبها وتخرج معاك فحلة خطيك من السرعة القصوى مراهيش ماركة عالمية حافض عليها والله تكسبها 10 سنين ماتفتحش الموتار
خاوتي هذي هدرة نتاع تجار باش يبيعو زيت في روداج ماتبدلش الزيت بعد 300 كم يكذب عليك شوف زيت اذا لقيتو يكحال بدلو مهم ماتفوتش 1000 كلم وتغيرو وفي روداج بعد قطع مسافة 300 كلم ماتفوتش سرعة 30كم/سا من بعد طلع سرعة شوي مثلا 35 كم/سا لمدة اسبوع الأسبوع الثاني 40 كلم/سا و غير في سرعات باش الانتقال بين السرعات يولي خفيف بصح ماتزيدش وراك تراقب في زيت غير يبدا يكحال بدلو لانو الاجزاء شضايا نتاع محرك متاكلة تولي تسقط .
