Hello po sa inyo. Ang paggamit po ng steel deck o metal deck ay hindi para mabawasan ang required na dami ng reinforcing bars sa pamamagitan ng pagluwang ng spacing o di kya naman ay liitan ang size para sa suspended slab. Ang main purpose po ng paglalagay nito ay para ma-control at ma-reduce ang vibration at deflection o paglundo ng slab kapag nilalakaran ito dahil sa added stiffness provided ng rib profile ng steel decking. Isa ito sa mga misconceptions sa construction sa ating panahon na nagti-trending. Personal opinion ko lang po ito. Ang best application nito ay sa mga mezzanine or upper floor level ng low-rise commercial structures o industrial facilities upang magkaroon ng option na ma-eliminate ang ceiling assembly at makasunod sa floor to ceiling clearance as dictated by the building code. Kapag ginagamit ito sa ganitong building occupancy, usually ito supported ng open web steel joists kung saan libreng libre ang mechanical, electrical, plumbing and fire (MEPF) utilities na lumusot sa open web steel joist ng walang abala. Hindi ko po ito recommended sa suspended slabs ng multiple-storey residential kung hindi maglalagay ng ceiling assembly. Nagiging trend na po kasi na ini-eliminate na ang ceiling kapag nagkabit ng steel deck sa bahay sa ngalan ng pagtitipid. Ang nagiging issue ay wala ng pangtakip kung mayroong plumbing pipes and utilities na dumadaan sa ilalim ng beams at suspended slab. Ang remedyo ay i-divert ang mga ito kung saan saan to the extent na palusutin ito sa poste at biga na nakakaapekto sa overall strength at performance ng structural members. Hindi po ito ang standard construction practice. Paumanhin po sa kahabaan ng sagot. Maraming salamat po sa tiwala at suporta sa channel.