Umukuru w’Igihugu Evariste Ndayishimiye yari akwiye gutanga imihoho (F. Bamvuginyumvira) 

Umukuru w’Igihugu Evariste Ndayishimiye yari akwiye kumenya ko Abarundi atari ibijuju. Ivyo bivugwa na Frédéric Bamvuginyumvira, arongoye urunani CFOR-Arusha rurimwo imigambwe itavuga rumwe na leta. Abivuga afatiye ku majambo yavuzwe na Evariste Ndayishimiye ku munsi wa gatandatu uheze, mu gihe hariko hibukwa imyaka ine iheze uwahoze atwara igihugu Petero Nkurunziza yitavye Imana. Ico gihe umukuru w’Igihugu Ndayishimiye yavuze ko umwimbu wabaye mwiza mu gihugu, ko Abarundi bamerewe neza cane. Ku bwa Frédéric Bambuginyumvira, umukuru w’Igihugu Ndayishimiye abigira nkana, agasamaza abantu kuko abona ko ata nyishu afise ku bibazo indiri bihanze igihugu muri kino gihe. Izo ngorane zerekana ko Ndayishimiye n’umugambwe wiwe CNDD-FDD, vyabananiye kurongora igihugu, ari na co gituma bari bakwiye gutanga imihoho hakaza abandi babishoboye.