An informative video channel on Agriculture, Horticulture, Diary, Animal Husbandry, Poultry, Fisheries and related areas created and managed by Kissan Kerala by Govt of Kerala.
100 നല്ലയിനം hf പശുക്കൾ അതിൽ തന്നെ കറവ പശുക്കൾ 80 ചെനയുള്ള പശുക്കൾ 10 എണ്ണം 10 നാടൻ സുനന്ദിനി പശുക്കൾ. നല്ലയിനം ജമുന പ്യാരി ആടുകൾ കൂടാതെ മേന്മ നിറഞ്ഞ മലബാർ ആടുകൾ വേറെയും. നല്ല മുട്ടയിടുന്ന B380 മുട്ട കോഴികൾ അവക്ക് കൂട്ടായി കരിങ്കോഴികൾ 100 ൽ കൂടുതൽ. കുറച്ചു കേരളത്തിന്റെ സൃഷ്ടിയായ കേരശ്രി കോഴികൾ. ചൂരി, ചാള ഇനത്തിലുള്ള 300 റോളം താറാവുകൾ താറാവിന് യഥേഷ്ടം നീന്തികുളിക്കാനുള്ള വലിയ കുളം. വിദേശയിനത്തിൽപ്പെട്ട വില മതിക്കുന്ന പ്രാവുകൾ അതിൽ pouter pigeon Racing pigeon പിന്നെ വിദേശ പ്രാവുകൾക്ക് കൂട്ടായി തനി നാടൻ പ്രാവുകൾ വേറെയും. കാഴ്ചക്കാർക്ക് കാണാൻ മാത്രമെന്ന ഉദ്ദേശത്താൽ കുറച്ചു ജോഡി മുയൽ. 11ഗിനിക്കോഴികൾ അതിൽ തന്നെ വെളുത്ത നിറവും കറുത്ത നിറവും ഇടകലകലർന്ന ഗിനികൾ. 25000 ത്തിൽ കൂടുതൽ ജോഡിക്ക് വിലവരുന്ന persian cat. ഇതൊക്കെയായിരുന്നു ഇന്നലെ രാത്രി ഞാൻ കണ്ട സ്വപ്‍നത്തിലെ എന്റെ ഫാമിലെ ജീവികൾ. ഇതോടെ രാവിലെ എണീറ്റപ്പോൾ ഒരു കാര്യം തീരുമാനിച്ചു വീട്ടിലെ (നാട്ടിൽ ) പഴയ കോഴിക്കൂട് ശരിയാക്കി രണ്ടു കോഴിയെ വാങ്ങിക്കണം നാട്ടിൽ. ഗൾഫിൽ വന്നാൽ നാട്ടുകാർ തമ്മിൽ പരസ്പരം കണ്ടുമുട്ടിയാൽ എപ്പോഴും പറയുന്നത് താഴെ പറയുന്ന കാര്യമാണ് ഗൾഫ് മതിയാക്കി നാട്ടിൽ പോയി ചെറിയ ഒരു ഫാമുണ്ടാക്കണം. ഇന്നലെ രാത്രി അതൊക്കെ ആലോചിച്ചു കിടന്നു അതാവണം ഇങ്ങനെയൊരു സ്വപ്നം കണ്ടത്. (ശരാശരി ഒരു ഗൾഫ്കാരന്റെ സ്വപ്നം)
