Zitto Atoa Siri Uamuzi Kuanzisha ACT Wazalendo, Asema Kikwete, Filikunjombe Walimshauri Asiende CCM 

Mwanasiasa mkongwe na Kiongozi wa ACT Wazalendo aliyemaliza muda wake wa miaka 10 ameeleza kuwa sababu kubwa ya kuanzisha ACT-Wazalendo ilitokana na changamoto zilizuibuka katika chama alichokuwamo yaani CHADEMA mwaka 2012 baada ya kuanza kuundiwa mizengwe. Anasema alipofukuzwa katika chama hiko moja ya watu waliomshauri kutafuta jukwaa lingine la kisiasa ni Mwenyekiti Mstaafu wa CCM na Rais wa awamu ya nne Jakaya Kikwete, pamoja na swahiba wake aliyekuwa Mbunge wa Njombe, marehemu Deo Filikunjombe.