Waa runtaa Caaliyo abaaye dadkii xishoodkii ayey ka tageen, ninkii/ naagtii shalay is amaanayey ayaa maanta is kala guraya waa ceeb iyo xishood la'aan taasi, adiguse la talisay hadii ay wax ku qaadanayaan wax walba sharafta ka xig saasaad shar ku yeelaneysaaye.
Asc Calia Sharif waad ku mahad santahay shegooyinga aad noo soo gelisid, midka ku soo qoray bucbucana Ilaahey ka magal isha baxarka ayaan leyahay, anigu waxaan kugu jeclahay saad markasta u farax santahay salaan sare boqortooyo jir oo jog ayaamaha dunidu rabi ku qoray farxadna nolasha ku dhameyso.
Asc lkn nin xaaskisa dhahayo saloonka meqaad kuleedahay waa baqiil maahan jaceel muu lacagta gabadha siiyo iyadu i ismaamusho lakin hada asagaa maamulaya
Sidee looga ganacsadaa dareenkaaga? Markay timid Aalada Tiktok Waxaa soo shaac baxday arimo badan oo awal waysanaa fiiladii qaadi lahayd waxaana xoogaystay dagaalada sokeeye iyo is maan dhaafka bulshada Soomaaliyeed. Hadaba sidee looga ganacsadaa dareenkiina?. Qof dhalinyarada ka mid ah oo an waxba baran aqoon diimeed iyo mid maadi toona lahayn kana dhashay reer qansax ayaa wuxuu furanayaa "TIKTOK ACCOUNT" kadibna wuxuu bilaabayaa inuu ka hadlo qabiilka reerkiisu is hayaan ee reer sarmaan asagoo sheegayana Laandheerenimo balo ka dhacday iyo taariikho dagaalo horey u dhex maray labada qabiil kana fog xaqiiqda. Maalmo kooban kadib, wiilkii dhalinyarada wuxuu helayaa followers boqolaal kun ah oo iskugu jira reer qansaxoodii iyo reer qudhac oo is hayn yari dhex taalay reer sarmaanka uu meh ku qaatay (meh ku qaatay waa eray suuqiga Tiktok markay labo qof cay dharka isugu dhigtaan). Kadibna Adigan qoraalkayga akhrinaya oo Tiktok ama Facebook dhex ordaya ayaa Waxaa kuu soo baxay muuqal ciwaankiisu yahay "Hebelkii reer qansax oo karbaashay reer Sarmaan" waad ku dhufan muuqaalka xooga yar markaa daawato ayaad bilaabaysa inaad u riyaaqdo karbaashka, Cayda iyo Af-xumada uu Ina adeerkaa u gaysay qabiilkaas reer Sarmaan. muuqaalkii ayad soo share gareyn markiiba comments-ka qofka ugu af-xumaa Waxaa loo saarayaa qosol😂 waayo qofkaas laftiisu wuxuu raadinayay in la barto (Attention seeker). halkaa markay mareyso, waxaad ka mid tahay "Dadka dareenkooda laga ganacsaday" Sikale Hadan u dhigno Wiil dhalinyaraa oo Reer Sarmaankii la caayey ama la soo karbaashay ayaa Meh(dhawaqa Somalida Meeg) soo qaadanaya markooda waxaana intii reer qansax sheegay wax kasii daran oo aan qof miirqabaa ku hadli karin kusoo jawabaya reer Sarmaankii. Dadka ku abtirsada reer sarmaan oo dhan ayaa u Wada riyaaqaya af-xumada wiilkooda laandheerahaa isla markaasna Waxaa laga ganacsaday dareenkooda laakin maysan fahmin. Tusaale kale aan kusiiyo, Waxaa la soo dhagsadaa game Tiktok dhexdiisaa oo u dhaxeeya Reer Qansax iyo Reer Sarmaan. Qolo waliba waxay diyaarsan koox la yiraahdo deeq bixiyaal ama Gifters oo labada qabiil ba ka mid ah. Habeenkas Waxaa la dirayaa boqolaal kun oo dollar la soco hadda labada game-ka ciyaaraysaa kun shilin ma haystaan hal habeena waxay ku heleen midkiiba $40,000. Deeq bixiyaasha iyo daawadeyaasha ba waxaa laga ganacsaday dareenkooda Dadka sida dareenkooda laga ganacsaday Hadda si fiican ayaan iskula fahamay soo maahan?. Qof maxkaxdiisu Caadi tahay maku qanci karaa reer qansax Adaa ka wanaagsan maadama gamekii Tiktok looga adkaaday? Hadda waxay mareysaa Heer Nairobi dad lagu qafaasho kadibna muuqal laga duubo laguna faano in qof maskiina lagu goobto garaowe ayadana ficilo fool xun ayaa ka dhacay waxaana sameeyey labada ficilba dadka dareenkooda laga ganacsaday. Sidaas si lamida Siyaasiinta Soomaalidu waa qanacsadeyaal markay xilka doonayaana qaab qabiileysan ku doona markay danbiyo waa wayn dalka iyo dadkaba ka galaana Waxaa difaaca dadka ay dareenkooda ka ganacsadaan. _Ugu danbeyntii. Waxan talo kooban u jeedin lahaa dadka dareenkooda laga ganacsado waxaana oran lahaa Lacagta aad ku bixineysan reer qansax iyo sarmaan ayaa kala laandheereysan ilaahay waa kugula xisaabtami doonaayee almiina maad ku maalgelisaan caruurta reer qansax iyo sarmaan ee waxbarashadii awoodi waayey ama ku bixiya meel kale oo wanaagsan laakin lacagtaadu yeysan adiga sababtaada noqon? F.G. ha ogalaan in Dareenkaaga laga ganacsado.