"КӨҢІЛ ТОЛҚЫНЫ" ХАЛЫҚ АСПАПТАРЫ ОРКЕСТРІНІҢ ҚҰРЫЛҒАНЫНА 30 ЖЫЛ
2024 жылдың 3 сәуір күні Үржар аудандық мәдениет үйінде "Көңіл толқыны" халық аспаптары оркестрінің құрылғанына 30 жыл толуына арналған салтанатты шара өтті. Мерейтой салтанатына Үржар ауданының әкімі А. Ж. Башимбаев, Абай облысының мәдениет, тілдерді дамыту және архив ісі басқармасынан С. Кәріпжанов, аудандық маслихаттың төрағасы А.Омаров, аудан әкімінің орынбасары Б.Тұрлыбеков қатысып құттықтады. Құрметті қонақ ретінде ҚР еңбек сіңірген әртісі, күйші, композитор Секен Тұрысбеков, ҚР мәдениет қайраткері Құсмілия Нұрқасым, ҚР мәдениет саласының үздігі Ахметхан Алпысбаев, ҚР мәдениет қайраткері Болатқали Әмірханов шақырылды. "Көңіл толқыны" халық аспаптары оркестрінің негізін қалаған ардагерлер ауданымыздың "Абырой" төсбелгісімен марапатталып, оркестрдің бүгінгі құрамындағы музыканттарға өңірімізде ұлттық өнердің дамуына зор үлесін қосқаны үшін аудан әкімінің Алғыс хаты табысталды. Мерекелік концерт жоғары деңгейде өтіп, көрермен қауымның көңілінен шықты. Бағдарламада Секен Тұрысбековтің "Көңіл толқыны", "Секеннің қоңыры", "Дарабоз", "Аруана" күйлері, Н.Тілендиевтің "Аққу", "Бауырлаштарым" А.Құнанбайұлының "Айттым сәлем, қаламқас," А.Әлпекұлының "Жылқышы" күйі, Б.Әмірхановтың "Үржарым менің", "Кешкі әуен", Ш.Қалдаяқовтың "Ақ маңдайлым", Д. Уильямстың "Виктория", Д.Шаяхметовтің "Боз дала", Б.Исаның "Мерекелік күй", А. Алпысбаевтың "Өттің дәурен", Қ.Нұрқасымның "Семей -Алаш", "Биші қайың", Г. Дәукенованың "Жасай бер, Қазақстан" шығармалары орындалды.
Мерекелік шарада атсалысқан барша өнерпаздарға алғысымыз шексіз! "Көңіл толқыны" халық аспаптары оркестріне шығармашылық табыстар тілейміз!
9 апр 2024
