ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawthersanad.net/
رقم واتساب ٠٠٢٠١١٥٠٥٨٦٠٥٢
ازاي تردي على أي نرجسي او نرجسية تحاول او يحاول يحرجك ادام الناس
مبدأيا كدة عايزين نفهم ليه انتي بالاخص النرجسيين اللي حواليكي بيشتغلوا عليكي وطول القعدة يضايقوكي بالكلام في حين انهم يخافوا يعملوا كدة مع فلان او فلانة ؟ ليه انتي وليه مش فلان ولا فلانة؟
انتي لازم تسألي نفسك السؤال دة وتجاوبيه صح مش تقولي عشان انا اوحش واحدة او اغبى واحدة او امكانياتي محدودة او الباقيين اغنى مني كل دي إجابات غلط ، الإجابة الصحيحة هي عشان انتي مش واثقة من نفسك ومش حابة نفسك والاهم انك أصلا رايحة التجمع وانتي خايفة ومتحسبة وقلقانة لان القعدة كلها بتكون عليكي وعلى اولادك وانتي من كتر الاحراج والمضايقات بتكوني مش عايزة تروحي ، فبتروحي وعنيكي كلها خوف وقلق وبتكوني مهزوزة وباين عليكي انعدام الثقة في نفسك ودة بيكون ارض خصبة لقاذورات النرجسيين
طيب ايه الحل ، حقول لك بمنتهي البساطة الحل وفي اخر الحلقة حقول لك امثلة لبعض الردود اللي ممكن ترديها في بعض المواقف ، طيب الحل :قلدي النرجسي ! ايوة هو انتي عارفة ومتأكدة ان النرجسي بيخاف زيك واكتر منك ومع ذلك كنتي بتخافي منه ولا تجرؤي تقولي له حرف واحد صح؟ هو ازاي بيعمل كدة هو بيمثل الشجاعة هو بيقعد طول الوقت يبرمج مخه انه حيكون قوي وانه احسن حد ولازم يكون احسن حد وتلاقي يدخل المكان كدة حاسس بنفسه وشايف نفسه اهم حد في المكان وهو لو بس ركز شوية وقعد مع نفسه بيفتكر انها اد ايه حقيرة وضعيفة لكن هو كدب الكدبة وصدقها ولبس قناعها ،اينعم مدد قصيرة وأول مابيروح بيقلعه لكن بينجح في القعدة وبيكون له كاريزما ، وهو دة اللي مفروض تعمليه بس انتي مش حتكدبي الكدبة وتصدقيها انتي حتصدقي الحقيقة اللي انتي فقدتيها ، انتي في الأول حتمثلي انك واثقة من نفسك وحتمثلي انك مش مهتمة بكلامهم لحد ما تكتسبي العادة وتبقي واثقة من نفسك دي احدى طرق العلاج السلوكي المعرفي انك تمثلي الموقف اللي انتي خايفة منه وتتدربي ع الردود الصحيحة وتتخيلي الموقف بكل تفاصيله لمدة أسبوع قبل حصوله يعني مثلا رايحة تجمع عائلي وخايفة من اهلك النرجسيين او من اهل جوزك او من أي حد قلقانة من لسانه وعارفة حيقول ايه يضايقك بيه من قبلها بكام يوم تدربي نفسك ع الموقف وتمثليه وتردي الرد اللي مفروض ترديه وبالتالي لما تروحي حتكوني جاهزة لا حاجة وحتلاقي نفسك واثقة من نفسك لانك عارفة حتتصرفي ازاي وكمان الخوف حيقل شوية لانك مستعدة للمواجهة ، ومع التكرار حتلاقي نفسك فعلا بتعرفي تتصرفي مع النرجسيين ،وطبعا لما تتعافي وتشتغلي على نفسك حتطوري نفسك اكتر ومش حتحتاجي أصلا تستعدي وهم أصلا حيبدأوا يخافوا منك وحيبطلوا يضايقوكي
حقول لك امثلة بقي
لما حماتك او اخت جوزك تقول لك على لبس اولادك الشيك جدا اللي انتي دافعة فيه اد كدة عشان تتقي أصلا شر لسانها برضه تقول لك ايه اللي انتي ملبساه للعيال دة ؟ حتردي تقولي لها ايه؟ ماله ياطنط دة ابنك هو اللي جايبه دة تحفة ، او ليه ياطنط دا فلان جايبه بكذا دة غالي او دة ذوق حبيبك بصراحة انا شايفاه شيك جدا ، وكل دة وانتي بتقهقهي وكأنك مستغربة من كلامها ازاي هي شايفاه وحش
لما زوجة اخوكي تقول لك على اولادك انتي خايفة عليهم كدة ليه حيتخطفوا على ايه يعني تبصي لها وتضحكي اوي وتقولي لها ههههه دول بكرة يبقوا رجالة يتخطبوا مني ، او مالهم بقى دول حتى طالعين لخالهم (اللي هو جوزها) ، او بقى تقلبيها ضحك اكتر وتقولي لها شفتي بقى ماهو القرد في عين امه غزال وكأنك بتهزري معاها على اولادك اللي هو ماتضايقتش وكأنك بتطلعي لها لسانك ، لانك ماديتيهاش الوقود اللي هي عايزاه ماتغاظتيش زي ماكانت عايزة
لما اخت جوزك تنتقد جسمك او لبسك ادام جوزك عشان تحسسه بنقص فيكي لازم يكون ردك ان خدي بالك هو اختارني وهو أصلا ذوقه عالي انتي كدة بتشككي في ذوقه ،الكلام دة وانتي بتضحكي وتقلبيها هزار اوعي تردي ابدا ابدا بعصبية عشان لا ياخدوا وقود ولا يمسكوا عليكي غلطة
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية
27 авг 2024