ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawthersanad.net/
رقم واتساب ٠٠٢٠١١٥٠٥٨٦٠٥٢
ازاي تكسبي العاب العقل مع النرجسي؟
حعلمك كام لعبة تخلي النرجسي يلف حوالين نفسه
اذا انتي او انت عايش مع نرجسي أيا كان زوج زوجة اب ام أيا كان علاقتكم بيه ايه فانتم عايشين في لعبة فيديو جيم ،عايزين تكسبوها طول الوقت وطول الوقت هو اللي بيكسب ، والمشكلة ان انتم بتقولوا هو ذكي جدا لان هو اللي دايما بيكسب اللعبة هو مش ذكي هو كمبيوتر بيلعب قصادك هو حافظ مش فاهم ،الكمبيوتر دة لو دخلتي له معلومة جديدة عليه بيهنج والنظام بتاعه بينهار ويقول لك السيستم وقع لمجرد نقطة اتكتبت غلط البرنامج كله بينهار وهو دة النرجسي بالظبط اذا أي حاجة فاجئته بيرتبك وينهار حرفيا واكيد كلكم شوفتوا دة ، تلاحظوا ان النرجسي بيكره تغيير الخطط المفاجيء وبيحب يستعد للخطوة اللي حيعملها وقت كافي قبلها واذا حصل أي تغيير في أي حاجة بيقلب الدنيا يعني لو حد قال جاي لكم ومجاش يتنكد ولو هو مخطط يروح مكان ويحصل حاجة تمنعه يتنطط لو قلتي له حنتغدى النهاردة كذا ومعملتيهوش وعملتي حاجة تانية يقلب بوزه ناهيكي لو قابلته مشكلة ولو صغيرة بيهنج ويحصل شلل في التفكير ولو أتكلم يكبر المشكلة ويضاعفها ، ليه لانه معندوش قدرة ع التفكير السليم هو زي الكمبيوتر متبرمج ولو نقطة او حرف اتشال من البرمجة السيستم حيقع دي الأغلبية العظمى منهم ان مكنش كلهم ، نرجسيين ونرجسيات طبعا ، طيب ازاي بقي تكسبي اللعبة مع البني ادم دة ؟
حطي له حرف او نقطة زيادة في البرمجة حيهنج ويقع السيستم ويخرج أصلا من اللعبة ، طيب ازاي الكلام دة ؟ النرجسي بيكرر معاكي حركة انه يخبي الحاجة مثلا ويزعق ويدور عليها وانتي وعيالك تدوروا وهو شغال توتر وزعيق فانتي لو من الأول خبيتي الحاجة دي بنفسك فلما يعوزها مايلاقيهاش حيحاول برضه يزعق لانه ملقاهاش فانتي كدة كسبتي لانك حتطلعيها له . واعجب مايكون ان كلهم يحبوا يخبوا المقص واحدة من الحالات قلت لها اشتري مقص شبهه بالظبط وخبيه ولما هو يخبي الأصلي طلعي له الجديد وفعلا عملت كدة كان حيتجنن وبعدين لما استعمله شالته وراح يطلع اللي مخبيه في ساعتها ادامها من كتر المفاجأة اللي هو فيها وعرفت هو بيخبيه فين وراح لقاه مكانه فرجع يقول لها تاني فين المقص قالت له معرفش كان في ايدك دلوقتي اظن انت حطيته في المكان الفلاني اللي هو فعلا مخبيه فيه ، تخيلوا هي عملت فيه ايه ؟ نفس اللي بيعمله فيها شككته في نفسه وهو أصلا بيخبي المقص عشان يشككها في نفسها وعملت له صدمة واترعب ازاي المقص انا مخبيه وهي تطلعه وانا ماشلتوش وهي عرفت منين مكانه ، المهم انه من يومها بطل يخبي المقص ، يعني خرج من اللعبة ، بس خدي بالك حيقعد شوية يظبط السيستم ويرجع يدخل بفرجن جديد يعني حنبدأ الجيم تاني من الأول بس ايه بقى لعبة جديدة ،نفس الحالة بدأ يخبي لبيسة القلم ويعمل نفس الدوشة والزعيق بقت تشتري له علبة أقلام جاف عشان تحط له لبيسة جديدة وبرضه بطلها وهكذا الحياة مع النرجسي عبارة عن العاب عقل لو انتي مجبرة تعيشي معاه فلازم تتعلمي العاب الذكاء عشان تلففيه حوالين نفسه ، الحالة دي من الحالات العبقرية اللي معايا مؤخرا النرجسي قال لها انتي طول عمرك مدوخاني وملففاني حوالين نفسي ، وهي طول عمرها مطيعة ولا فاهمة حاجة بس لما فهمت علمته الادب ، أي واحدة فيكم لو فهمت واستوعبت تقدر تلففه حوالين نفسه والله لان انتم ذكائكم طبيعي عقلي وعاطفي اما هو فذكاؤه عقلي فقط وغالبا شبيه بالذكاء الاسطناعي برمجة حافظ مش فاهم فانتي اذكى واقدر عليه وعلى غباؤه ، مهما كان بيوهمك انه ذكي الا انك لازم ماتصدقيهوش ودايما تقولي لنفسك لو كان ذكي كان قدر يفهم انه مايتكبرش ع اللي خلقه ومايحطش نفسه ادام غضب الجبار .
المختصر انك عشان تكسبي اللعبة اعرفي ازاي تخرجيه منها ادرسيه كويس جدا واعرفي لعبته الجديدة ايه واسبقيه بخطوة ،اقفلي له سكة الدوشة اللي بيعملها فاجئيه بلعبة من عندك انتي ، مثلا انتي عارفة انه بينكد في الخروجات ، قبل ماتلبسي تكوني ضاربة بوز ووانتوا نازلين أصلا ع السلم اتخانقي مع حد من الأولاد وتكونوا على اتفاق انتي والولد بس كدة وفرتي عليه مجهود النكد ووفرتي على نفسك توتر نكده ولعبتي لعبة ظريفة مع اولادك واتفرجي عليه وهو مبسوط وبيضحك من جواه انكم اتنكدتم من غير ماهو يتعب نفسه وحيبقى منشرح ولطيف طول الخروجة وفاكركم منكدين وانتوا زي الفل ،
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية
11 окт 2024