ازاي تهزمي النرجسي وتكسبي كل المعارك معاه ؟ ١- معركة الغيرة ....... كوثر سند 

ازاي تهزمي النرجسي وتكسبي كل المعارك معاه
١- معركة الغيرة
اعرفي نقط ضعفك اللي النرجسي بيلعب عليها وبيبني عليها الاعيبه وقويها وخليها أصلا نقط قوة
تعالي كدة نمسك نقط ضعفك نقطة نقطة ونتكلم عنها ونشوف هو بيستغلها ازاي وازاي نقلبها عليه أصلا
اول حاجة الغيرة ودي النرجسي بيستخدمها ضدك وبيلعب عليها بكل ما أوتي من قوة وانتي يامسكينة مش فاهمة ، النرجسي اللي زوجته بتغير جدا بتكون اسهل عليه جدا في السيطرة عليها من أي فريسة تانية لانه حيقدر طول الوقت يثير غيرتها ويلعب بيها .
الغيرة أصلا نوعين ، غيرة مرضية وغير صحية . الغيرة الصحية معروفة واللي هي كانت عند أمهات المؤمنين يعني حاجة ربنا خلقها في البشر ومحدش يقدر يعيبها في الزوجة والزوج كمان ، ودي موجودة أصلا في الانسان بالفطرة لازم الانسان يغير على عرضه وعلى وطنه وعلى دينه ودي كلها موجودة في كل الناس الاسوياء
لكن زي ما احنا عارفين أي حاجة في العالم بتاعنا دة عبارة عن درجات وخير الأمور الوسط ،يعني لا اقصى اليمين ولا اقصى الشمال لا منغيرش خالص ولا نغير زيادة فتصبح الغيرة مرضية ،
طيب الغيرة الشبه مرضية دي ايه سببها؟
١- انك تكوني بتحبيه جدا زيادة عن اللزوم ودة مش صحي وبالتالي بيجيب غيرة مرضية
٢- انك تكوني مع شخص متلاعب وانتي غيورة شوية زيادة وهو عرف دة فاشتغل على النقطة دي لحد ما خلاها مرضية وحقولك ازاي
٣- انك مش واثقة من نفسك وبالتالي دايما حاسة انك قليلة ومتستاهليش ان الشخص اللي معاكي يحبك او يحافظ عليكي ،او انك شايفة نفسك اقل من كل بنات جنسك وبالتالي أي واحدة ممكن تعجب زوجك وتاخده منك وبكدة بتكون طبعا غيرتك زايدة عن اللزوم وبتصل لحد المرض
٤- لما بتكوني نشأتي في اسرة نرجسية طبعا مع التفرقة في المعاملة بين الاخوات بتتخلق الغيرة والطفل بيرضعها مع لبن امه وبيطلع غيور لانه طول عمره في بيته مع امه وابوه حقه بيروح لاخواته ودة بيخلي الغيرة مرضية
٥- بعض الامراض والاضطرابات النفسية زي مثلا الوسواس القهري واضطراب ثنائي القطب والاستحواذ ،دول بيكونوا مصحوبين بالغيرة المرضية فعلا مش شبه مرضية وبس ، ودة طبعا كتير من زوجات النرجسي بيشوفوه
٦- انعدام الثقة بالاخرين وطبعا دة بيكون بسبب النشأة برضه او تجارب الحياة المخذلة
طيب دي نقطة ضعف منتشرة جدا بين زوجات النرجسي وهو بيعرف يلعب عليها كويس جدا بالتثليث المستمر مع أي حد في الحياة ، وقد يصل الامر للتثليث بالابناء وخصوصا البنات واللي ممكن يوصل للتثليث بالحيوان الاليف ودي حركات بتعملها الزوجة النرجسية اكتر من الزوج ليه لان الزوج يقدر يروح يجيب واحدة يثلث لك بيها اما الزوجة بيكون صعب تعمل كدة
المهم دلوقتي احنا شرحنا طرق التثليث كتير جدا اللي مفروض تعرفيه النهاردة هو ان التثليث دة بيزود عندك الغيرة وبيخليها شبه مرضية وممكن توصل لمتلازمة عطيل ودة انتي في غنى عنه تماما وعشان كدة لازم نتخلص من الغيرة أصلا طول ما انتي عايشة مع نرجسي ، نتخلص من الغيرة عليه هو بس مش من الغيرة الصحية
طيب حنتخلص ازاي من الغيرة ؟
أولا التشافي من الإدمان ، شوفي حلقات التشافي ونفذي اللي فيها حتتعافي من الإدمان وبالتالي مش حتغيري عليه ابدا
ثانيا : اتخلصي من انعدام الثقة بالنفس ،شوفي حلقات الثقة بالنفس
ثالثا : لو انتي مش قادرة تتخلصي من الغيرة والموضوع حياخد وقت حاولي تمسكي اعصابك شوية وتبيني ان الموضوع مش فارق معاكي وانك مش غيرانة لانه لما يلاقي اللعبة دي بتفشل حيبطلها ويدور على غيرها
في النهاية الشاطرة متبينش غيرتها ع الفاضي وع المليان وتمسك نفسها وتحاول يكون عندها ثبات انفعالي عشان متديش له رقبتك يمسكك منها
٢- التعاطف المفرط ، دة نقطة ضعفك كشخصية متعاطفة ودي لها حلقات الشخصية المتعاطفة
جروب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress
رابط حلقة السيرة
• السيرة النبوية الشريفة...