مجهود محترم بارك الله فيك ممكن داتا عن تصنيع الجبن والمنتجات المختلفة للألبان وجزاك الله خيراً وياريت لو تعرف تفيدنا بالانترفيو بالنسبة لمصانع الجبن والأسئلة فيها .؟
ربنا يبارك فيك وفي ذريتك ويزيدك علم ماشاء الله دائما الشرح العلمي للشى بيفرق عن الشرح العادي ودي ميزتك انت بتشرح عن علم واختصاص ربنا يفتح عليك ويزيدك عندي سؤال انا تعبت من شراء اللبن حتى من شركات معروفه زي دينا والأصدقاء مرات اللبن بيكون ممتاز ومرات طعمه مش حلو رغم اني بشتريه اول مابيوصل الماركت يعني مش سوء تبريد المشكله ايه حضرتك ونفس الشي لما بشتري من اللبان لبن الأصدقاء المبستر ماشاء الله كريمي وغني بس مرات بيكون لا وطعمه مش ولا بد مش عارفه ايه المشكله تعبت اجيب منين
متشكر جدا لحضرتك .. هو الفكره انه ساعات موردين اللبن بيخلطوا لبن ردئ علي لبن جيد فيغير من صفاته .. علشان كده يفضل لو تعرفي حد من الفلاحين في السوق تشتري منه مباشرة هيكون افضل معاكي
متشكر جدا لحضرتك .. يوجد اختبار ازرق الميثيلين .. وده اختبار كيماوي .. ولو عاوز تختبره بطريقة بسيطه سيب شوية لبن صغيرين خارج الثلاجه لمدة ساعه . وبعد الساعه خذ ملعقة لبن وسخنها علي النار .. لو اللبن جبن .. يبقي المحتوي البكتيري عالي
ماذا نضيف للحليب حتى نحافظ عليه من الفساد في الصيف عند عدم توفر التبريد بسبب قلة الكهرباء وخاصة وجبة الحلابة المسائية لكي نحافظ عليها حتى الصباح لكي تصل للمشتري سليمة
العفو يافندم .. المنفحة هي المسؤله عن تجبن او تخثر اللبن .. يعني تحوله من الصورة السائله للصورة الصلبه .. وتوجد في ( معامل الالبان او اللبان او الجزار او مدرسة الزراعه او كلية الزراعة )
جزاك الله خيرا يا دكتور لو سمحت عندى البهيمه لابنها بيطول ليله ما بيجبن بعد كده الاقى الجبن طعمه مزز جدا أيه السبب أرجوا الرد علشان كل المواجير بشكل ده وجزاك الله خيرا
حضرتك لازم تدفي اللبن أثناء التجبن .. يعني يتم التدفئة والحفاظ على الحراره طول فتره التجبن .. مينفعش اللبن يبرد .. لأن كده الحموضه بتاعته مش هتعلي وبالتالي هيتأخر جدا في التجبن ويعطي الطعم الحامضي ده
مساء الخير يافندم حضرتك اللبن ده حموضته زادت عن اللازم .. يعني اتركن فتره في الجو العادي قبل ما يتم تبريده .. الحل ان حضرتك تجيبي ملعقة فارغه وتملائيها من اللبن ده قبل الغليان .. وتضعي الملعقة وبها اللبن علي النار .. لو غلي اللبن بدون تجبن .. يبقي حضرتك تقدري تغلي كمية اللبن وانتي متطمنه .. لكن لو اللبن اللي في الملعقة جبن يبقي الكميه كلها هتجبن .. طيب الحل ايه لو اللبن جبن ؟! .. حضرتك هتخفي اللبن بالميه .. هتضيفي كوباية ماء علي كيلو اللبن وتأخدي منه ملعقة لبن تغليها .. لو غلي تمام يبقي تغلي الكميه كلها .. ولو جبن تجبن خفيف زودي حبه ميه كمان .. هيغلي كويس مع حضرتك لكن الطعم هيكون خفيف شوية
كيف تعرف اللبن اذ كان فيه صديد ام لا ممكن تعمل حلقة عن ده ولو سمحت اكتب لى الرد اشتريت لبن جاموسى وكان طعمه غريبوووحش وتحس ان لونه عطى على خضر او صفر وانا ظنيت ان الرجال اعطنى بقرى ولكن هل وكان عمل ريما كتير وبعد مشربتو قلب فى معدتى ووجع الحنجرة عند ى فهل ممكن يكون فيه صديد.
انا عندي سوبر ماركت وبجيب اللبن كويس وبعد ثلاث ايام يبوظ ويقطع اي انسب درجه حراره مناسبه اظبط الثلاجه عليها يابشمهندس بالله عليك عشان الموضوع ده مضايقني خالص وهل اللبن لو ثلج وبقي ثلج ده بيساعده أنه يطول ولا يبوظ
حضرتك اللبن يعيش ٣ أيام في جو التبريد فقط علي درجة ٢ مئوي .. ولو عاش معاك اكتر من كده في التبريد أو الثلاجه اعرف ان صاحب اللبن أضاف عليه مواد تطيل عمره في الثلاجه مثل ماء الاكسجين والفورمالين والصودا الكاوية .. أما عن التجميد فهو يزيد من عمر الحليب بشرط أنه يتجمد وهو فريش بدون حموضه
شكرا على معلوماتك المفيده لو سمحت عندى سؤال.. الجاموسة جاتها حومه قلاعية قطعة اللبن وبعد العلاج اللبن ابتدى يرجع بس فى مشكله لونه محمر ولزج ومخرز .وانا مش عارفه اعمل ايه .هل هيصلح مع الوقت والا عايز علاج..ارجو الرد
تحت امرك يافندم المفروض الدكتور البيطري معرف حضرتك المعلومه دي .. هل هيفضل الوضع كده كتير ولا مجرد أيام .. حضرتك رن علي الدكتور وقوله اللي شوفته في الحليب وهو يقرر الصالح
جبت اتنين كيلو لبن ،وبعد الغليان بدون ما يقطع : لاحظت ريحة وحشة للبن ريحة وحشة كارف بزيادة زفر بزيادة لكن طعمه مش فاسد يا ترى ايه السبب وهل ممكن استعمله وللا ده بايظ وانا ما اعرفش؟؟ تجاهلت الأمر ورحت عملت كوب شاي بلبن لقيت أنفي مش طايقة تقرب من الكوب ينفع استعمله بشامل وللا عوضي على الله في الفلوس؟
حضرتك أحيانا تجار اللبن أو الحليب بيغشوه بماء الترع .. وطبيعي تلاقي فيه ريحة الزفارة .. أو ممكن يكون السبب العليقة التي يأكلها الحيوان الذي يحلب هذا الحليب .. عموما بلاش تستخدميه في شئ ..لأن حضرتك كده كده هتقرفي منه
حضرتك يعني ايه كلمة " بيفرط" اوصفلي الفرط لكي اقدر أوضح لك السبب .. لأن هناك أسباب لعدم تجبن الحليب .. أما أنه حليب من حيوانات مصابه بإلتهاب الضرع . أو أن المنفحه فاسده أو نهاية موسم الحليب. أو لبن مصنع وغير طبيعي اصلا .
السلام عليكم ورحمه الله وبركاته في الليل غليت الحليب وكان الحليب جيد وتركته في الطنجرة وغطيت الحليب وهو ساخن وفي الصباح أصبح مثل لبن زبادي ماذا افعل كمية الحليب كبيره الرجاء الرد
المنفحة هي الانزيم المسؤل عن تجبن الحليب وتحوله من الصورة السائله للصورة الصلبه .. وتوجد في الصيدليات البيطرية أو مدرسة الزراعه أو كلية الزراعة أو عند الجزار او عند اللبان في منطقتك أو من الإنترنت اسهل .
اللبن الجاموسي دسمه عالي .. وفيه انواع من الجبن بتتعمل منه بس .. واللبن البقري دسمه اقل وهو لبن خفيف صحي وله اصناف من الجبن .. وفي النهاية الاثنين بهم فوائد .. اما الاختيار فهو حسب الزوق
وانا عملت رز بحليب وقطع معي الحليب بعدماضفت الرز لم اعرف السبب انزعجت كتير عليه وتابعت طبخه ...وسكبته بلزبادي طعمته جيده ليس فيهاحموضة ... هل يوجد حل يرجع لمرات اذا لاسمح الله تكررت معنا نفس المشكلة لم اعرف السبب الحليب دسم
السلام عليكم اشتريت من المزرعة واثناء الحلب 10 لتر من الحليب ( اللبن باللهجة المصرية ) البقري ... ولكن عملية الحلب لا نراها ... ونكون منتظرين خارج الحظيرة ... ومباشرة وضعت غالون ال 10 لتر في براد يعني تلاجة من 2 الى 5 درجات ... يوم كامل 24 ساعة ... وبعدها قمت بغليه كالمعتاد ولكنه جبن وقطع . ما هو السبب ؟ وماذا يمكنني ان اعمل ب مصل اللبن
يوجد كذا احتمال ١- ممكن يكون أعطاك حليب قديم عنده وليس المحلوب الطازج . ٢- البقر في نهاية موسم الحليب . ٣- قد يكون حليب سرسوب آي حليب ما بعد الولاده مباشرة . ٤- قد تكون البقرة مصابه بأي مرض ما يحدث خللا في الحليب
الله يجزيك الخير على نصحك ... هو كان طازج وسخن شوي ...واتا رحت عالبيت مسافة 20 دقيقة ووضعته في التلاجة ... وكنت مشغول وتاني يوم بالليل فورته ... 1 - السؤال هو هل يمكن وضع الحليب الطازج الخام في التلاجة ... اذا ممكن ... كم من الوقت ... كحد اقصى . 2 - وانت قلت ان من الاسباب ان البقر في نهاية موسم الحليب ... وعلى علمي بأن حليب البقر متوفر كل ايام السنة ... والله اعلم ... ومع جزيل الشكر لك أخي الكريم
حضرتك الحليب بعد الحلب مباشره يجب أن يصفي وإذا حبيت تغليه تمام.. محبتش تغليه يبقي تضعه مباشرة في الثلاجه (فريزر) ثم بعد ربع ساعه تضعه في التبريد . - أما عن نهاية موسم الحليب فكل بقره لها نهاية موسم بالنسبه لها .. فبعد فترة من الحلب تبدأ تقل كمية الحليب لأنها تكون عشر ( اي حامل) بجنين اخر غير الذي ترضعه .. فينقطع الحليب حوالي شهر - شهرين قبل الولاده
تحية لحضرتك عندي بعض الأسئلة بخصوص اللبن وحضرتك أهل خبره للرد _ اللبن زمان كان بيقطع بسرعة لكن حاليا ممكن يقعد كذا يوم ومش بيقطع سواء لبن الشركات المعلب والمبستر أو حتي من اللبان العادي سواء جوه الثلاجة أو بره هل من الأسباب مواد خطرة - ليه لبن الشركات المعلب صلاحيته بيكون كذا شهر وبره الثلاجة وبيفضل شكل اللبن لبن وهل المواد المضافة خطيرة وازاي نحمي نفسنا منها _ صحة الكلام المتعلق بأن اللبن بيضاف علية بودره سيراميك وأنه مش لبن اصلا وتركيب _ هل الافضل والأصح اني اشتري لبن من اللبان ولا لبن الشركات المبستر افضل _ أنا من الناس الي بتحب اللبن ازاي نوصل لكوب لبن صحي وسليم وطعمة كويس اللبن زمان كان ليه طعم مختلف كان جميل - الجبنة دهن نباتي والجبنة الحقيقية من اللبن ازاي افرق بينهم لانك لما بتشتري جبنه من الماركت بتكون مغلفه في أطباق انت مش عارف حاجة عن تركيبة التصنيع ومش بنقدر نوصل لمعلومة من البائع شكرا لتعبك ومجهودك
فيه أسئلة لطيفة كتير في التعليقات وحضرتك رائع وبترد عليها كلها هل ممكن يكون الرد بفيديو حتي لو قصير دقيقتين مثلا لان كل الأسئلة الجيده افكار لفيديوهات جديدة وشكرا بجد لتعبك
اشكر حضرتك جدا واهلا بحضرتك في القناة المتواضعة - بالنسبه للبن المعلب الشركات بتضيف عليه طبعا مواد حافظة مثل النيسابلين .. ودي بتضاف بالحدود المسموح بها حسب المواصفات القياسية .. واللي بيساعد كمان في الحفظ أن العلبه تم تعبئتها في جو غاز خامل وجو معقم بدون تدخل ايدي بشريه كله عباره عن خط ماكينات تعبئه .. أما بالنسبة لتركيب اللبن : فطبعا بيتم اضافه جزء لبن بودره وماء للبن لسد العجز في كميات اللبن الفريش .. أما عند اللبان .. فممكن يضيف للبن بعض المواد اللي بتديله فترة صلاحيه اطول والفكره أن المواد دي إما أنها بتعادل حموضة اللبن اللي لو زادت اللبن هيقطع مثل بيكربونات الصوديوم والمشهورة بأسم كربوناتو اللي بتضاف للفلافل.. أو مواد بتقتل البكتريا اللي بتنتج الحموضه غير المرغوبة في اللبن واللي بتكون السبب في تجبن اللبن عند تعرضه للحرارة مثل ماء الأكسجين من الصيدليه أو (الفورمالين وهو ضاااااار جدا) .. أما عن رأيي في شراء اللبن : الأولوية في الشراء من الفلاحات البسيطه فهي لا تغش اللبن وتبيعه بطبيعته .. وإذا غشت تغشه بإضافة بعض الماء فقط .. وإذا لم يوجد .. فإشتري من لبان مضمون يكون عنده ضمير .. وإذا لم يوجد فعليكي بلبن الشركات وامرك لله .. - أما بالنسبة للجبن نباتي الدهن: هي كل الجبن المعبأه في العلب الكرتون( التترا باك ) والعلب البلاستيك والتي تسمي ( فيتا أو اسطنبولي - الثلاجه ملح خفيف - الموزاريللا النباتي الرخيصه الثمن - الشيدر المطبوخ - الكيري أو المثلثات أو المطبوخه ) كل دي جبن نباتي الدهن ويضاف لها مصدر دهني يسمي شورتننج أو بديل زبدة الكاكاو .. أما الجبن الطبيعيه مثل ( القريش وهي اصح جبنه - الدمياطي لكنها مالحه - والثلاجه البلدي وهي جميله - وكل الجبن السورية - والرومي أو التركي (ويوجد احيانا منه مضاف له دهن نباتي وهو الرومي الرخيص في الاسواق))
ربنا يبارك في حضرتك عندي شوية أسئلة لو تسمح أنا من فترة بحاول أعمل جبنة في البيت -الجبنة البيضا ال ٥ كيلو لبن بيعطيني ٨٠٠ جرام جبنة بس ليه؟ -الجبنة القريش برقد اللبن وهو طازه بدون تسخين ولا غلي وأخدت الوش بتاعه عملته زبده بس لقيت طعمها غير بعد فترة ولما قدحتها ليها ريحة حموضة جامدة وممررة، فياريت لو تقولي طريقة كويسة للجبنة قريش أو بيضة بس تعطيني كمية كويسه.وشكرا
اما القريش هتسخني اللبن لغاية ٤٣ درجة يعني لو وضعتي اصباعك في اللبن تستحملي الحرارة بتاعته .. وتجيبي علبة زبادي بلدي وتضربيها في كوباية وتضيفيها للبن وتسيبي اللبن في مكان دافئ وتغطية .. لمده ٦ - ٨ ساعات لغاية لما تلاقي اللبن اتحول لجبنه .. وبعدين بردي الجبنه في الثلاجه لمدة ٥ ساعات وبعدين تاخدي وش الكريمة نظيف وكويس والجبنه صبيها علشان تتخلصي من الشرش
