اعترافات خطيرة من نرجسي ..... كوثر سند 

اعترافات نرجسي ،د. كارتر
دكتور كارتر بناء على شغله مع النرجسيين وضحاياهم قال لنا ٢٥ اعتراف موجودين بداخل النرجسي وممكن جدا يكونوا اتقالوا في جلسات العلاج مع د. كارتر ،فايدة الاعترافات دي لنا ايه ؟ كل ماعرفتي اللي ادامك بيفكر ازاي كل ماتعرفي تتعاملي معاه ازاي او تحاربيه ازاي وكل واحدة على حسب وضعها
١- انا عايش مع الخوف من الرفض فبدل ما افضل خايف بختار اني ارفضك مجرد ما احس انك بتتغيري فارفضك قبل ماترفضيني
٢- ممكن تلاحظي اني مش بثق فيكي ، ودة صحيح ، بس الموضوع اكبر من كدة ، انا اصلا مش بثق في حد وبشوف الناس كلها ضدي (بارانوبا)
٣- بسبب الخوف المتجذر جوايا صنعت شخصية عامة (يعني تظهر للناس ) عشان تحميني ومحدش يعرف حقيقتي ، ومقدرش اكون امين وابين حقيقتي للناس لان الامانة في الحالة دي حتكون مؤلمة جدا ليا لاني الناس مش حتحب تعرفني اصلا
٤- اكره الحياة داخل شرنقة المشاعر ، اول اولوياتي حماية نفسي ومعنديش رغبة ولا طاقة مشاعر للتعاطف معاكي او مع غيرك انا يادوب اكفي نفسي
٥- اذا بتفكري اني حعترف باحساسي بعدم الامان فانتي محتاجة تفكري تاني ، مقدرش ابين انسانيتي لان دة بيبين ضعفي وهشاشتي وانا مينفعش ابان ضعيف لازم الكل يشوفني قوي عشان احمي نفسي
٦- في اعتقادي مفيش حاجة اسمها حب ، الحب بالنسبة لي حالة ارتباط غريب ومش مفهوم
٧- لما ابدوا مهتم بيكي او متعاون فاعرفي ان دة نصب ، مع الوقت حتكتشفي اني بعمل كدة لما اكون عايز منك حاجة
٨- لما احس بالضعف اهاجمك فاحس بضعفك اقوم استعيد قوتي ، كل مااشوفك ضعيفة احس بقوتي ، عشان كدة دايما اسعى اني اضعفك عشان دي متعتي
٩- انا افَضَّل انافس عن اني اساعد ، المساعدة بتعني اني اقدم خدمة لحد وانا اتعلمت من زمان اني مقدمش خدمة لحد
١٠- بحب جدا جدالك معايا دة بيديني سعادة عظيمة جدا عشان بيحسسك انك مستهلكة ومعدومة القوة ومعدومة الحيلة ودة بيحسسني بقوتي ، استمري وانا مش حبطل اللعبة دي عشان عارف اني دايما انا اللي بكسب
١١- لما اعمل غلطة استعدي للمعركة لاني مش حعترف بغلطي
١٢- اذا حاولتي تحرجيني او تعاقبني حتى لو كنت غلطان برضه حنتقم منك حتى لو لقتيني اعتذرت وصالحتك برضه حنتقم منك بعدها
١٣- اكره انك تتجاهليني واذا تجرأتي وعملتي كدة انا اقدر اخليكي متتجاهلينيش ، اقدر استفزك لحد ماتنفجري او اعمل لك هوفرينج لحد ماتطمني لي وترجعي تديني انتباهك تاني بس برضه حنتقم منك وحتجاهلك عشان متعمليش كدة تاني
١٤- في لحظات غضبي بكون مش منطقي وبكون اشبه بالطفل
١٥- نمو مشاعري تقزم من عمر صغير جدا فمتحاوليش توصلي لحاجة في الموضوع دة
١٦- اذا كسبتي جدال معايا حغير الموضوع او ارمي عليكي اخطاء زائفة انتي معملتيهاش
١٧- انا دايما بكذب احيانا لسبب واحيانا بدون سبب الصدق دة للفشلة
١٨- خدي بالك من المعارف المشتركين بيننا لانهم فرصة كويسة بالنسبة لي اني اتكلم عنك وحش معاهم واقلبهم عليكي
١٩- عندي مكان خاص بقلبي للاتباع (القرود الطائرة) انا بستمتع بالناس الارضائيين اللي بيعملوا اللي انا عايزه بدون مايسألوا اي اسئلة ، انما الاقوياء اللي بيحبوا يفهموا ودايما يسألوا بيكونوا مزعجين لي جدا
٢٠- الانكار بالنسبة لي وسيلة دفاع ، اذا قفشتيني بكدب او مش بنفذ وعودي حنكر اصلا اني وعدت او قلت
٢١- انا عايش نصف حياتي في الخيال الاسطوري بتاعي وانتي متحاوليش تنزليني علي ارض الواقع ، لان الواقع هو اللي انا اقرر انه واقع
٢٢- لما تتعاملي معايا على انك مساوية لي بعتبرك بتسليني وبعتبرك طفل متهور ، انا اصلا محدش زيي واذا اصريتي ووقفتي ادامي راس براس بعمل غضب نرجسي وقفك عند حدك
٢٣- كوني احترمك او احترم غيرك دة حاجة انا مش بعملها ومش حعملها ، وانتي مطالبة انك تحققي معاييري ومش من حقك تقدري نفسك ولا تطلبي مني التقدير
٢٤- متتوقعيش اني ممكن افكر بعمق و ادور علي معني لحياتي والكلام الكبير دة ، انا عندي حياة بعيشها وبس خلصنا
٢٥- انا نوع غير جيد للصداقة او الحب ومع ذلك لو علاقتنا فشلت حكون معرف كل الناس ان انتي السبب في فشل العلاقة دي
اكونت الفيس بوك
www.facebook.c...
جروب ادرس عدوك النرجسي
/ kawthersanad11