الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
طالما اتجوزتي النرجسي يبقي لازم تكوني اد المهمة دي
احنا مش حينفع نكمل مع بعض ، انتي أصلا مش حلمي ، انتي لاتصلحي تكوني زوجة ، انتي أصلا اهلك ماربوكيش ، انتي اهلك ماعلموكيش يعني ايه زوج ، انتي فاشلة في كل حاجة انتي فشلتي في تعليمك وفي شغلك ومع أولادك ومع جوزك ، انتي ولا حاجة ،انا مش حكمل معاكي
النرجسي اللي بيقول الكلام دة لايستحق انه يشوفك أصلا مش يعيش معاكي ويكون زوجك وحبيبك ، دة لايستحق أصلا كلمة بني ادم ، دة حليف الشيطان
ليه لانه بيدمرك بكل ما اوتي من قوة بيحسسك بالذنب ويهددك ويخوفك ويفهمك انك مش نافعة فتحاولي تجتهدي طول الوقت عشان تكوني احسن عشان تلحقيه لا يسيبك وتعيشي خايفة ومرعوبة لا تتحرمي من احسن رجل في العالم ولو مكنش خوفك تتحرمي منه حيكون خوفك انك تبقي فاشلة زي مابيقول هي الجمل دي كلها عبارة عن سجن بيحطك فيه ومفتاحه اترمى في بير جواكي انتي وانتي الوحيدة اللي تقدري تطلعي المفتاح دة وتفتحي السجن وتخرجي
المهم انتي بيكون رد فعلك ايه ع الكلام دة لو انتي لسة في نومك العميق وفي توهانك وانعدام وعيك ؟ بتبقي طول الوقت تكرري على نفسك دة انسان كويس بس عصبي ومش بيقصد ابدا اللي بيقوله هو بيبقى مش عارف بيقول ايه لما بيتعصب وطبعا دة الكلام اللي هو بيقوله لكي لما ييجي يصالحك بعد مايفتتك نفسيا بكلامه ، هو بيحبني والا مكنش يصالحني ويراضيني وبيجيب لي هدايا غالية ، الكلام دة اللي هو بيقوله وانتي بتقوليه لنفسك بيحسسك بالدونية اكتر وعدم الاستحقاق وتفضلي شايفة نفسك طول الوقت قليلة وممتنة للبيه انه أصلا مستحمل انه معاكي وماتخلاش عنك بالرغم من عيوبك الوهمية اللي اقنعك بيها ، شايفة انتيب تعملي ايه في نفسك ؟ ليه بتعملي كدة؟ لانك أصلا ثقتك بنفسك مهزوزة سواء بسببه او بسبب اهلك ، لانك أصلا جعانة حب والفتات اللي بيديها لك بعد قلة ادبه بتشبع شوية جوعك العاطفي انتي محتاجة وجعانة حتقبلي أي حاجة وكل حاجة عشان تاكلي ، ودة بيكون على مستوى اللاواعي انتي لاواعية ولا مدركة للي بيحصل لك، طيب دلوقتي وعيتي وعرفتي فوقي بقى وماتشكيش في نفسك و هنا النرجسي عشان يقلل وعيك وادراكك هو أصلا بيكون عازلك عن العالم عشان محدش يوعيكي فانتبهي لنفسك وماتسمحيش له انه يعزلك عن اهلك ع الأقل ، طيب فوقتي وبدأتي تشوفي ومودك يتغير والصدمة تأثر فيكي يرجع يضغط عليكي بالتهديد والجمل اللي قلناها في اول الحلقة عشان يرجعك القالب تاني واحيانا الجديد اللي بيعمله النرجسي انه يرمي عليكي يمين الطلاق اول مرة ويسيبك عند اهلك لما تخلص العدة على أساس تتأدبي وترجعي لعقلك الخاضعة الخانعة وبعدين يرجعك تاني وانتي برضه مش بتخضعي فيطلق التانية ويتبقى له التالتة يذلك بيها ماهو عارف انك حتخافي بعض النرجسيين بيقول لزوجته خدي بالك باقي لك طلقة وبعضهم بيقول انا خلصت من الطلقتين الاولانيين عشان تبقي مزنوقة في طلقة فتتأدبي وماتجازفيش بيها ، دة كلام النرجسي لزوجته ، ولما تكون الزوجة ضعيفة وهشة لسة بتعيش في حالة رعب من الطلقة التالتة وبينجح النرجسي في اخضاحها تاني لكن بعد وقت بتفوق وبتطلب هي الطلقة التالتة من كتر ضغطه وغباؤه وساعتها هواللي بيعيط ويركع ويبوس الايدين والرجلين عشان ياخد فرصة أخيرة ،ولما بيغلب بيهددك بالاولاد انه حياخدهم او يسلطهم عليكي ويقنعهم يعيطوا لك عشان تسامحيه وماتخربيش البيت
كل دة بتشوفيه منه وبعدين ترجعي له تاني واحيانا تنسي اللي عمله وتسامحيه ليه لانك مش عايزة تصدقي ان حبك طلع وهم وان حياتك كلها كانت فيلم رعب وانك حتكوني فاشلة في كل حاجة انتي بتهربي من الحقيقة او نص الحقيقة ان هو كان وهم والنص التاني انك فاشلة لا دي مش حقيقة انتي مش فاشلة انتي شاركتي في الفشل لكن مافلتيش لان مكنش فيه أي حاجة ممكن تعمليها عشان البيت مايتخربش الفشل في بقاء الاسرة مش بسببك لان النرجسي كدة كدة مستحيل ينجح في علاقة واي حد معاه حيكون زيك بالظبط فانتي مافلتيش هو اللي فشل في انه يكون انسان .
اللي لازم تفهميه ان تعلثقك بيه كان تعلق مرضي مش حب وانك لازم تفكي التعلق دة بعلاج ادمانك له ودة متاح وسهل تنفيذه لو انتي قررتي تعمليه ، التشافي ثم التشافي ثم التشافي وللمرة المليون التشافي مش معناه انك تتطلقي عشان حالات كتير مش بترضى تعمله وتيجي تقول لي ماعملتوش عشان انا مش ناوية طلاق ، يابنتي ياحبيبتي التشافي تحرر من التعلق المرضي تحرر نفسي التشافي بيخليكي تشوفي كل حاجة بوضوع ، التشافي بيشيل الغمامة اللي على عينيكي ويخليكي مش مدمنة فعلا فعلا ادمان النرجسي زي ادمان الهروين بالظبط لان نفس الهرمون المسئول عن ادمان الهروين هو نفسه المسئول عن ادمان النرجسي فانتي لما تعملي التشافي عقلك حيرجع لك وحتبقي بتحكمي ع الأمور بشكل سوي ومحدش يقدر يتحكم في عقلك ، لما تخلصي من التعلق المرضي تقدري تاخدي قرار استمر واتعايش واسيطر عليه وع اللي جابوه ولا اسيبه وامشي ولما تقرري تكوني قادرة ترسمي لنفسك خارطة طريق وخطة خروج امن ، لو انتي متعلقة ومدمنة عمرك ماحتعرفي تتعاملي معاه صح ولا تتلاعبي بيه صح ، انتي ممكن بسبب ادمانك وتعلقك لما تعرفي ان حبه وهم ممكن أصلا تتطلقي بسبب صدمتك ورد فعلك وكرهك المفاجيء له أصلا دة ممكن يتسبب في الطلاق فانتي عشان تاخدي قرار صح لازم تشتغلي التشافي خليكي قوية وخلي عندك إرادة وانقذي نفسك واولادك .
#صحةـنفسية #القوة #الاكتئاب #النرجسي #النرجسية
26 авг 2024