العلاقات السامة
بسم الله
إِذا المَرءُ لا يَرعاكَ إِلّا تَكَلُّفاً
فَدَعهُ وَلا تُكثِر عَلَيهِ التَأَسُّفا
فَفي الناسِ أَبدالٌ وَفي التَركِ راحَةٌ
وَفي القَلبِ صَبرٌ لِلحَبيبِ وَلَو جَفا
ليه بقى؟
علشان بيعطلوا ناس كتير بسبب إدمان العلاقات السامة
إدمان العلاقات السامة هو من الأسباب الرئيسية للاكتئاب
أشكال الاكتئاب الثانوية ز ما كنا اتفقنا في حلقة تانية
و كإن البني آدم بيبقى مسجون في علاقة ز العلاقات مأقصدش بيها رجالة و ستات في جواز و طلاق و الحاجات دي
بقصد العلاقات عمومآ و البني آدم ساعات تضيق بيه الدنيا ف يفتكر ان مافيش ملجأ و لا مفر مع ان الملجأ و المفر في كل لحظة من لحظات حياتنا موجود
الواحد بس يشم نَفَسُه يثق ثقة لا متناهية يقينية في الله سبحانه و تعالى
يبتدي ان كان هيسأل حد ' اعمل ايه؟' ف يقول له اعمل كذا فياخد خطوات و يروح يعمل او لو هو نِفسه يعمل حاجة من زمان يتوكل على الله و يروح يعملها
بيصعب عليا و بستغرب اوي في زمن على الأرض دلوقتي ٧ و كسر مليار بني آدم - المليار دا اللي هو دا الالف مليون و دا كتير اوي - و الواحد يتزنق في علاقة
يقول لك اصل دا صاحبي من زمان بس اتغير من ٣ - ٤ سنين عمًال يمرمط و يبهدل فيا و انا مش قادر ابعد عنه
ليه؟
لإن انا متعود على كدة !
و مش هقول لكم امثله كتير مننا اتعرضوا لعلاقات سامة
و ليه علاقات سامة؟
لأنه ابتدى يلفت نظرنا في الأطباء النفسيين انه كتير حالات اضطرابات الشخصية- الناس الانتهازيين و الناس اللي بيفكروا في نفسهم بس يجوا على حد تاني ، اللي يركب على كتاف مش عارف مين
الناس اللي هم بينتهجوا المنهج الماكيافيللي في الحياة
ف بدل ما الواحد يفضل مستني يا اما يتقهر يا اما يبقى زيهم و دي حاجة مش لطيفة اوي
يحاول يراجع نفسه
ياخد خطوتين ل ورا من العلاقة
كلنا نقدر و على فكره في ناس كتير كويسين و حلوين
بقالي كتير اوي لما بقول لحد الكلام دا يقول لي
لا مافيش حد حلو
لأ في
قول لي ' قليلين ، ما حواليكش منهم كتير'
روح دور ما تعطلش
ماحدش يصبر على علاقة توكسيك toxic فترة كبيرة الا لو كان مُتيم كما قال الشاعر
' وَفي القَلبِ صَبرٌ لِلحَبيبِ وَلَو جَفا '
ربنا يكفينا شر المستخبي و شر العلاقات الوحشة و يسترها علينا و عليكم
سلام عليكم
#toxic #realtionship #mentalhealth #redflags #علاقة_سامة #علاقات_صعبه #علاقات #صحة_نفسية #توكسيك
13 янв 2023
