المشاعر اللي بتعيشها زوجة النرجسي طول ماهي عايشة معاه 

لينك حجز الكورس ع الواتس:
chat.whatsapp....
رقم حجز الاستشارات : ٠٠٢٠١١٥٠٥٨٦٠٥٢
إحساس ضحية النرجسي اثناء الحياة معاه
الكلام النهاردة مش للي عايشة مع نرجسي بس ومش الزوجة وبس الكلام النهاردة لاي حد عايش مع شخصية سامة أيا كانت علاقتك بيها ايه ، عشان تعرفي انك عايشة مع شخصية سامة اختبري مشاعرك وشوفي اذا اللي حقوله النهاردة منطبق عليكي ولا لا
حالة سألتني هو انا لو عايشة مع نرجسي مفترض اني احس بإيه ؟ وهي بصراحة اللي اوحت لي بفكرة حلقة النهاردة لاني كل ما أقول لها بتحسي بكذا تقول لي ايوة ،
أولا في بداية حياتك معاه بتكوني سعيدة سعادة فائقة باستثناء حالات قليلة جدا ، وبعدين بتبدأي تحسي انك متلخبطة وحاسة كأنك اتنفيتي او اتسجنتي وكأن روحك محبوسة ومش فاهمة ليه والغريب انك لما بتروحي عند اهلك من غيره او تبعدي عن النرجسي أيا كان هو مين بتحسي كأنك بتتنفسي بتحسي انك عايزة تجري في الشارع وتقولي انا حرة دة لو قدرتي تبعدي عنه ولو ساعة تخرجيها من غيره ، وانتي برضه مش فاهمة ، وشوية وبتبدأي تحسي انك مجرد عروسة خشب هو بيحركها وانك مجردة من الحياة بتحسي انك مش حاسة بحاجة ومش قادرة تحسي بحاجة وشايفة الدنيا بدون الوان الألوان اتحولت لرمادي او ابيض واسود والطبيعة بقت بالنسبة لك مثيرة للحزن والبكاء لو شفتي بحر او مزارع بتحسي اكتر بالسجن اللي انتي فيه ولو انتي شخصية متعاطفة بتبكي من غير ماتعرفي انتي بتبكي ليه ، حتى تذوقك للاكل بيختلف بتوصلي انك مش حاسة بطعم أي حاجة كل اللي كنتي بتحبيه زمان مبقاش يفرق معاكي شهيتك أصلا للاكل أصبحت مايعة لا فيه شهية ولا مفيش شهية وبعض الحالات بتنسى تاكل لانها مبقتش بتجوع ، كل دة انتي بتعيشيه وانتي مش واخدة بالك وكأنك طول عمرك كدة لحد ماتكتشفي ان انتي مع شخص مؤذي وتبدأي تفوقي منه بتدركي ان كل المشاعر اللي انا وصفتها دي مش بتاعتك وانها مكانتش موجودة قبل كدة وتبدأي تستنكريها وتلاقي نفسك بتقولي لنفسك هو انا ليه حاسة بكدة انا كويسة والدنيا حلوة والمشكلة مش عندي وتبدأي تشمي ريحة الحرية وتبدأي تاخدي نفسك لاخره وتبدأي تبصي في المراية وتشوفي حد جديد كان متشوه وماكنتيش بتحبي تبصي عليه أصلا ، بتشوفي ملامحك الجميلة اللي كنتي بتخافي تبصي لها عشان ماتشوفيش فيها العيوب اللي كان بيوهمك بيها النرجسي ، بتحسي ساعتها ان فيه الوان في الحياة وان فيه أصوات للطبيعة انتي زمان كنتي مصاحباها وحتشوفي خضار المزارع وزراق البحر وانتي مش حزينة وحتحسي بجمالهم بدل ماكنتي بتحسي بحزنهم ، حترجعي تدوقي الاكل وتحسي طعمه زي ماكنتي بتدوقيه زمان ، لما بيحصل دة ساعتها بس بتدركي انك كنتي حاسة مشاعر مش بتاعتك فعلا مكانتش مشاعرك ، انتي كنتي وصلتي انك بدأتي تكرهي الدنيا والعالم حتى اولادك مشاعرك ناحيتهم كانت بدأت تجف وبدأتي تقسي عليهم وع الكل حتى على نفسك ، كل دي مش مشاعرك دي مشاعر النرجسي اللي كل يوم بيرميها جواكي وانتي فاتحة له حدودك وسايباه يقنعك ببها ، حالة من الحالات بتقول انها اول مااتجوزت النرجسي كانت مرحة وضحوكة ومبتسمة طول الوقت فكان يقول لها انتي فرحانة على ايه دي تفاهة هو طول الوقت مبتسمة ،هو انتي بتغيظيني وطبعا هو متغاظ لانه مش عارف يكون مبتسم زيها ، المهم ان تعليقه دة بيزرع جواها ان الطبيعي بتاع البشر العاقلين اللي مش تافهين انهم يكشروا ومايبتسموش ولا يكونوا مرحين وللأسف هي بتقول انها اتأثرت طبعا بيه وأصبحت صامتة لمدة خمسة وعشرين سنة لا بتتكلم ولا بتبتسم وبقت حاسة انها عايشة في بيت الدمية ولما فاقت وفهمت بدأت ترجع تاني لنفسها وكأن الخمسة وعشرين سنة دول هي كانت فاقدة فيهم الذاكرة وكانت عايشة حياة مش حياتها وشخصية مش شخصيتها وطبعا مع العلاج والتشافي الحمد لله رجعت لنفسها ومشاعرها