تعديل سلوك النرجسي على طريقة "العالم النفسي الشهير" بافلوف 

لينك حجز الكورس ع الواتس:
chat.whatsapp....
رقم حجز الاستشارات : ٠٠٢٠١١٥٠٥٨٦٠٥٢
بطلب من أ. كوثر أنها تزود فيديوهات التعامل مع الزوج النرجسي الخفيف أو مستوي تاني أو فيديوهات التعايش معاه عامة. أنا مش ببقي عارفة أعمل إيه في الأيام اللي هو كويس فيها. أنا متعاطفة و بحب أديله حنان. أديله و لا لأ؟ طب ساعات أقوىه كلمة حلوة في ساعة صفا ألاقيه صدني. مش ببقي عارفة ساعتها أتجاهل و أسكت و أكمل القعدة الحلوة و لا أسيبه و أمشي بس كده هيعرف انه ضايقني و لا مبدأش معاه أي كلام إيجابي و لا اعمل ايه؟
و هل مثلا لو عايزة أعمله تعديل سلوك هل لو هو بيعمل حاجة حلوة أفضل أشكره كتييير زي العيال عشان يكررها و اديله وقود إيجابي و لا هيعرف اني مبسوطة منها و يغلس عليا بمنعها. أنا تعبت أوي من الألعاب الذهنية دي بس مش هعرف أسيبه دلوقتي. عايزة أسايس أموري لحد ما أعرف أقف علي رجلي.
جزاكم الله كل خير و ربنا يقوينا علي الابتلاء ده
اعمل أيه في الأيام اللي هو كويس فيها؟ انا متعاطفة وبحب اديله حنان ،ساعات أقول كلمة حلوة في ساعة صفا الاقيه صدني
الأيام اللي النرجسي كويس فيها بتكون لها أسباب ،اما انه واخد كفايته من الوقود وفي مرحلة الابتهاج وفي الحالة دي هو مش محتاج منك وقود فقاعد في حاله بيجتر كام كلمة حلوة سمعها من أي حتة او موقف حس فيه بقيمته فالمهم انه مش محتاج وقود منك وفي الحالة دي لو قلتي له كلمة حلوة حيصدك ،
وممكن يكون كويس عشان هو عايز منك حاجة وعشان كدة بيحسن معاملته ومن جواه عارف انه كداب ولئيم فلما انتي في الحالة دي تقولي له كلمة حلوة بتكوني كأنك بتقولي له انت ندل بتخطط لي بالسوء وانا بحبك او انا شايفاك ملاك ،يعني بتنشطي عنده الشعور بالعار فيقلب عليكي فورا ويصدك طبعا ،
وممكن يكون كويس عشان شايفك جايبة اخرك وخايف تهربي قبل مايجهز بديل وفي الحالة دي اول ماتهدي من ناحيته وتبدأي تبيني له انك تمام وقاعدة حيقلب عليكي فورا
طيب بعد الكلام اللي انا قلته دة هل من الحكمة انك تقولي له كلام حلو؟
هل اللي زي دة ينفع تحسسيه أصلا انك راضية عنه؟ اكيد لا النرجسي ماينفعش يتقال له أي كلام حلو ابدا غير بحساب وبالقطارة ولأسباب ،ازاي؟ زي الأطفال بالظبط ،لما يعمل الواجب اللي عليه نكافئه بحاجة حلوة بس مش اكتر يعني يجيب لك حاجة انتي طالباها تشكريه وربنا يخليك ليا ولو قصر توريه الوش التاني ،وماتكتريش في الشكر ولا تبيني انك راضية وانه عمل لك اللي محدش عمله عشان مايصدقش نفسه انه عامل اللي عليه وزيادة
طيب لو غلطتي بقى وقلتي كلمة حلوة من غير مناسبة كدة وهو صدك تعملي ايه ؟ لو بينتي انك اتضايقتي حيكررها ولو سكتي وعديتيها برضه حيكررها وممكن يزود ،يبقى تعملي ايه ؟ بصي هو رد فعلك ساعتها ملوش أي أهمية المهم اللي حيفرق بعدين في التعامل هو انك ماتكرريهاش لكن دلوقت تعديها بدون أي أي رد فعل وكأنك فهمتي انه بيضحك او مش واخد باله ولا منتبه او ماسمعكيش ولكن ابدا ابدا ماتكرريهاش نهائيا اتعلمي من اخطائك وماتكرريهاش ، النرجسي زي الطفل لو فضلتي تدلعي فيه حيتجرأ عليكي
ماتبدأيش ابدا ابدا كلام إيجابي مع النرجسي الا اذا كان مقدم له تمن الكلام دة مقدما
ازاي اعمل له تعديل سلوك؟ تعديل السلوك على حسب نظرية بافلوف العالم النفسي الشهير بيكون عن طريق انك تدي مكافئة في مقابل العمل ، يعني هو عمل تجربة ع الكلاب لما يسمعوا صوت الجرس ييجي اكل ولعاب الكلب يسيل وفضل يعمل كدة كذا مرة لحد ماالكلب اصبح كل مايسمع الجرس لعابه يسيل لانه عارف ان الاكل حييجي ، يعني الكلبي اتعود ان لما يسمع الجرس يفهم ان الاكل جاي فيستعد نفسيا وبيولوجيا انه حياكل والجسم كمان بيستجيب والغدد بتشتغل وتفرز اللعاب ، وهو دة اللي بنعمله في تعديل السلوك بنكرر المكافأة لما بيتكرر العمل المطلوب فبيتعدل السلوك ، لكن المهم هنا انك ماتكتريش في الشكر لان لو فضل الجرس يرن طول الوقت ومجاش اكل الكلب حيبطل يفهم ان الاكل جاي وبالتالي السلوك حيتلخبط فانتي تشكري بكلمتين وبس وكل مرة تشكري بشكل مختلف عن المرة اللي قبلها بس بنفس المعنى . الشكر المحدود بيبين انه عمل حاجة كويسة لكن مش واو فيحاول يكررها ويحسنها عشان تبقى واو وهكذا