امتى تتمسكي بقرار الطلاق والهروب من النرجسي وامتى تقدري تروضيه وتستمري معاه؟؟ 

-
انا احبك واحس بالأمان لما بسمعك وكأنك امي لان امي للاسف مش راضية تسمعلي أبدا و تقول انو مافيش طلاق و أنت عندك اولاد اقبلي الذل و ارضي و حاولي تكوني قوية لكن لم افهم كل ما اسمع فيديو احس نفسي قوية و متمسكة في قرار الطلاق ثم اسمع فيدىو آخر تقولي النرجسي ليس شيطان ممكن يتروض و من جهة ربنا يحاسبنا اذا رضينا بالعيش معه 😔😔😔😔 انا مستقلة ماديا و لديا 3 اولاد و حاملة المسؤولية و زوجي نرجسي خفي لا اعلم اذا كان خفيف او خبيث لا يضرب لكن حارمني من جميع حقوقي و لما اكتشفتو مؤخرا و دخلت في التجاهل ضربني و اتهمني في شرفي مثل لي بتحكي عليها لكن مقدرتش اروح بيت اهلي لانهم مش رايحين يصدقوني و يقولو حجة للطلاق فقط انا بقيت معاه و هو عمل صمت عقابي شهر و لا كلمة و لا حرف انا تايهة
أولا انا كمان بحبك
ثانيا انا زعلانة انك اتلخبطتي بسببي عشان كدة قررت اعمل لك الفيديو دة مخصوص لكي وطبعا لكل واحدة اتلخبطت زيك
شوفي مش كل النرجسيين زي بعض فعلا النرجسي مش وحش هو انسان غبي ضعيف على كل أطياف النرجسية مهما كان خبثه فهو انسان غبي ضعيف ،ليه لانه بينازع ربنا في ملكه ، لانه فاكر نفسه مش حيتحاسب ولأنه مش فاهم ان ربنا مش حيقبل الظلم ويسامحه ، لان خياله المريض بيصور له ان هو له عند ربنا مكانة لدرجة انه يؤذي الناس ومش حيتحاسب وبعضهم غباؤه بيصور له انه رب نفسه وفاضل يعبد نفسه ومفروض زوجته كمان تعبده ودة حصل وقاله واحد منهم لحالة انا ربك وانتي مفروض تعبديني انا والعياذ بالله فهم فاقدين العقل أحيانا ، المهم اني عايزة أوصل لك انه اضعف مايكون بس انتي اللي اترعبتي من صوته العالي ومن مد ايده ، المهم بالرغم من ضعفه دة الا انه خبيث ولئيم ولما يكون خبيث بيكون مؤذي لكي ولاولادك وبيذلهم ع الاكل وبيذلك ويخوض في عرضك وانتي على ذمته وبيضربك وبيضربهم وبعضهم كمان مش بيصرف أصلا والزوجة هي اللي بتصرف ومفيش علاقة حميمة ومعاملة سيئة جدا مع الأولاد طيب دي تعيش معاه ازاي وليه دي اللي حتتحاسب اللي مش بتاخد منه أي شيء ومع ذلك تقول عشان الأولاد وهي اللي بتصرف عليهم ، او واحدة تانية هو بيصرف بس مفيش علاقة ومحبوسة ومفيش حياة نهائيا وهي تقدر تشتغل او عندها ميراث ممكن يجيب لها عائد ومع ذلك قاعدة وتقول لا هو اللي لازم يصرف على أولاده وهو بيحطمهم ،دي حتتحاسب ، واحدة تانية عندها قدرة على انها تشتغل ومعاها وظيفة او شهادة كويسة وتقدر تشتغل وتدخل رزق لاولادها وتقول لا مش حسيبه عشان الأولاد ، او بعض الحالات بتكون خايفة تجرب الشغل والبعض كسلانات والبعض مصدومات وبتفضل مستسلمة للصدمة وسايباه يبهدل فيها وفي أولادها وتقول بيصرف وهو بيصرف الفتات ، طيب اللي بتكتشف انه بيتعرض لأحد الأطفال او البنات بشكل غير أخلاقي مش عايزة أوضح لان اليوتيوب بيوقف الفيديوهات ، طيب دي لو حتجوع وحتقعد بيهم في الشارع حيكون اكرم لها من انها تعرضهم للقذارة دي وحتتحاسب لانها لو قعدت تبيع طماطم في الشارع وحمت بناتها وأولادها حيكون احسن لها عند ربنا ، اللي بيحصل انك لو ملحقتيش اولادك بيمرضوا نفسيا ومناعيا وبيتدمروا واللي مكانتش فاهمة لها عذرها لكن اللي فهمت وعرفت انه انسان بيؤذي عن عمد ولسة بتقول بيصرف عليهم هي دي اللي حتتحاسب ،
طيب حرجع تاني أقول اللي مريضة واللي معاها أطفال مش حتعرف توديهم في حتة عشان تنزل تشتغل ، واللي حابسها ومانع عنها النت والتليفون وزيارة أهلها وملهاش حيلة دي معذورة ومالهاش غير الدعاء ودي دعوتها اقوى من اقوى واحدة فينا لانها مظلومة ومقهورة وربنا حيجيب لها حقها بس تصبر،
كمان النرجسي اللي ممكن التعايش معاه اللي هو الخفي الخفيف الضعيف مستوى اول وتاني والظاهر مستوى اول دول عادي طبعا تتعايشي معاهم اذا بيعاملوا أولادهم كويس ومش مقصرين معاهم وانتي بقيتي قوية وتقدري تصدي عن نفسك وعن اولادك الأذى خلاص الدنيا بتمشي لان دول كمان لو قلنا لهم اتطلقوا مش حنلاقي في مصر بيت مستمر ولا في الوطن العربي كله ، لا طبعا بهزر حنلاقي خمسين الف اسرة مثلا من الثلاثين مليون اسرة
المهم أتمنى اني أكون وضحت عشان الناس اللي اتلخبطت

Кино