ايران تنقذ روسيا من الفخ الأمريكي 

حلقات مقترحة
تركيا خدعت الكل
• كيف استغلت تركيا حرب ر...
نهاية الحرب
• ألمانيا تتدخل لإنهاء ح...
هزيمة بوتن
• فضيحة بوتن بعد ضرب قاع...
أوروبا عطشانه
• جفاف أنهار أوروبا وغرق...
خيانة الزعيم
• تجنيد زعيم كوريا الشما...
تفكيك الاتحاد الأوروبى
• فرنسا تغادر الاتحاد ال...
اليومين اللى فاتو خرج واحد من قادة سلاح المدفعية فى الجيش الأوكرانى.. وقالك اننا بنخسر قوات ومعدات فى المناطق الجديدة اللى طردنا منها الجيش الروسي.. لو حضرتك متعرفش فالأيام اللى فاتت أوكرانيا نفذت هجوم مضاد وقدرت تسترد مساحة كبيرة من الأراضى اللى احتلتها روسيا فى بداية الغزو.. تمام كده؟.. تمام.. طيب ليه يا فندم بتقول كده؟.. ليه بتقول انكم بتخسروا قوات ومعدات فى الأراضى اللى قدرتو تحرروها من القوات الروسية؟.. قالك لأننا يوميا بنتعرض للضرب من طيارات انتحارية ايرانية استلمها الجيش الروسي الفترة اللى فاتت.. ومشكلة الطيارات دى واللى بيسموها طيارات الكاميكازى.. نسبة للطيارين اليابانيين الانتحاريين فى الحرب العالمية التانية.. هى انها بتقدر تهرب من الرادارات.. وبالتالى بتقدر تضرب القوات الأوكرانية بشكل مركز جدا..
وهنا حضرتك بتسأل نفسك سؤال مهم.. هى الأراضى اللى خسرتها روسيا خلال الأيام اللى فاتت.. خسرتها غصب عنها؟.. ولا كان مجرد كمين عملته للقوات الأوكرانية.. علشان تقدر تصطادها بالطيارات الانتحارية اللى استلمتها من ايران؟.. وليه إيران بتساعد روسيا ضد أوكرانيا رغم مكالمة التليفون اللى جمعت وزير خارجية ايران ونظيره الأوكرانى.. واكد له فيها ان ايران رافضه الغزو الروسي أصلا.. وايه علاقة الطيارات الانتحارية الايرانية بالسعودية والامارات وتركيا؟.. وياترى أمريكا سايبه ايران تخطى برجليها فى حرب روسيا واوكرانيا بمزاجها ولا غصب عنها؟.. أقولك الله ينور عليك.. هى دى الأسئلة المهمة.. تعالا بقى نجاوب..
اليومين اللى فاتو طلع الكولونيل روديون كولاجين ، قائد فى سلاح المدفعية الأوكراني.. وقال ان من ساعة ما دخلوا الأراضى اللى المفروض استعادوها من الجيش الروسي.. وهما بيتعرضوا لضربات مركزة من الطيارات الانتحارية الايرانية.. ورغم ان دى مشكلة كبيرة.. إلا إن المشكلة الأكبر انهم مش قادرين يتعاملوا مع الطيارات الانتحارية دى.. وده لأن روسيا بتنفذ الهجمة الواحدة بطيارتين.. الأولى بتضرب الرادارات.. والطيارة التانية فى نفس الوقت بتكون بتضرب القوات أو المعدات.. زى منصات الصواريخ والمدفعية.. واللى أهمها بالنسبة للجيش الأوكرانى.. مدافع الهاوتزر الأمريكية.. اللى كملتك عنها فى حلقة ضياع مخزون السلاح الأمريكي.. وقولتلك انها فرقت جدا مع الجيش الأوكرانى لدرجة ان وزير الدفاع الروسي نفسه طلع اشتكى منها.. وقال انها سببت خسائر كبيرة فى معدات الجيش الروسي.. اهو دلوقتى بقى الجيش الأوكرانى هو اللى بيشتكى من استهداف المدافع دى بالطيارات الانتحارية الايرانية..
لدرجة ان قبل تسجيل الحلقة دى بساعتين بس.. تم الاعلان عن تصفية 400 جندى اوكراني ما بين قتيل وجريح.. ده غير تدمير أكثر من 20 عربية مدرعة، وأكثر من 3 آلاف وحدة ذخيرة صواريخ ومدفعية.. كل الأرقام دى فى هجوم واحد للجيش الروسي.. وده دليل واضح ان القوات الأوكرانية اللى اتقال انها استعادت أراضى جديدة من روسيا.. معملتش حاجه غير انها وقعت فى كمين مش عارفه تخرج منه دلوقتى.. وسيدى المواطن علشان تقدر تدرك بنفسك اللى بيحصل هناك دلوقتى.. عاوزك تتخيل معايا مشهدين.. المشهد الأول بيقول ان اوكرانيا بتدى روسيا على دماغها لدرجة انها قدرت تستعيد أراضى واسعه كانت روسيا أصلا سيطرت عليها فى بداية الغزو.. حلو كده؟.. حلو.. ده السيناريو اللى بيقول ان روسيا طالع عينها وان الجيش الاوكرانى بيديها على دماغها.. أما المشهد التانى.. وركز هنا بقى.. فهو ان روسيا تعمدت تخسر الأراضى دى علشان تسحب أكبر عدد من القوات الاوكرانية لأراضى بنيتها التحتية أصلا مدمرة بسبب الحرب.. وبالتالى وجود القوات الأوكرانية فيها هيحرمها من خطوط الإمداد.. خصوصا فى الشتاء اللى ع الأبواب.. ده غير انهم هيكونوا دخلوا برجليهم حيز هجمات الطيارات الانتحارية الايرانية اللى استلمها الجيش الروسي.. وهنا بقى علشان تقدر تحدد المشهد الصحيح فى المشهدين دول.. قارنهم بتصريحات قائد سلاح المدفعية الأوكرانى اللى بيصرخ من الهجمات الروسية على قواته.. وقارنهم بخسائر الجيش الأوكرانى سواء فى عدد الجنود اللى بيروحوا ضحية القصف الروسي.. أو المعدات زى المدرعات وذخيرة الصواريخ والمدفعية اللى بيتحرقوا برده بسبب القصف الروسي..
اعمل المقارنتين دول وانت تعرف لوحدك بدون ما حد يقولك.. ايه اللى بيحصل فى حرب روسيا واوكرانيا دلوقتى..
وهنا تعالا بقى نرجع لايران.. ايه اللى بيحصل فى ايران بالظبط؟.. هقولك..
من المصادر
bit.ly/3RZdevN
bit.ly/3BXb4az
bit.ly/3BSuXzo
bit.ly/3eZtU7H
bit.ly/3DFGCml
bit.ly/3R0zsfE
bit.ly/3Bt2LSl
bit.ly/3LxMz72
on.wsj.com/3BX...
#المواطن_سعيد #روسيا_واوكرانيا