تكتيك جديد يلخبط النرجسي ويكسبك المعركة 

- تكتيك جديد يلخبط النرجسي ويكسبك المعركة
ازاي تكسبي حربك مع النرجسي بالابتسامة
دكتور بول بيقول ان الطفل لما بيغلط وانتي تصرخي فيه بتوصلي له رسالة انك خرجتي عن السيطرة وبما انه طفل فهو بيخاف لانه ضعيف فبيستجيب لك وبيسمع كلامك لكن بيكرر الغلطة تاني وكأنه مع الوقت بيأمن شرك يعني بيتطمن ان الصريخ مش مؤذي ولا حاجة فبالتالي شوية شوية مش حيستجيب مع صراخك ومع الوقت حيبدأ يصرخ قصادك هو كمان دة غير ان الطفل غالبا بيكون عايز يلفت انتباهك ويحس بأهميته فيغلط ولما تصرخي فانتي انتبهتي له وركزتي معاه تخيلي ؟ ايوة ما احنا متفقين ان الطفل نرجسي بالفطرة سبحان الله لكن نرجسية الطفل مطلوبة للحفاظ على النوع وربنا خلقها فيه عشان كدة اللي بيقف نموه النفسي عن عمر الطفولة بيكون نرجسي ،فدكتور بول بيقول ايه ، ازاي نعالج المشكلة دي ، بدل ماتصرخي فيه ابتسمي ، ايه يعني لما يغلط ابتسم؟ تخيلي ، طيب ليه وايه النتيجة ؟ النتيجة ان الطفل لما انتي تبتسمي وهو عارف انه عامل حاجة غلط حيستغرب وأول مايستغرب حيفكر واحنا عايزينه يفكر اول حاجة حيفكر انتي ليه بتبتسمي وانتي مفروض تصرخيومجرد مايفكر يعني مخه اشتغل يبقى حيخرج من مود الخناق وساعتها ممكن يسمع لك ،طيب تعالوا نطبق نفس الكلام ع النرجسي هو بيغلط جاسلايتينج وبيعمل كل حاجة عشان يلفت نظرك وتنهاري وينبسط وتصرخخي وتتخانقي وتدافعي عن نفسك ، طيب لو جربتي تبتسمي تفتكري النرجسي حيعمل ايه ،ابتسمي مش اضحكي يقوم يتجنن ويعمل غضب نرجسي لا ابتسمي بس ابتسامة هادية ،هو اللي حيحصل في مخه هو هو اللي حيحصل في مخ الطفل حيفكر هي بتبسم ليه هي العادي انها تصرخ ، مع النرجسي بقى مش حيفكر وبس لا حيتلخبط ويرتبك وممكن يغضب لكن في النهاية انتي بتقطعي عليه حبل تفكيره بتلخبطي له خطته في الحرب اللي هو بدأها وبتحسسيه انه حيبدأ يخسرها ، بس خدي بالك الابتسامة لازم تكوني ظابطاها انها ميكونش لها معنى انتوا عارفين ان كل ابتسامة لها معنى ولها مشاعرها ، يعني فيه ابتسامة فرحة وابتسامة إحساس بحب اللي ادامك وابتسامة احساسك انك بتحبي اللي ادامك وابتسامة لما تبصي لطفل بيبتسم وابتسامة غيظ وابتسامة سخرية وابتسامة حزن وابتسامة هزيمة وابتسامة تعجب ،ولسة كتير كمان انتي بقى دايما ابتسامتك في المقف دة لاتعني أي شيء من كل دة مجرد ابتسامة شبه اللي مفروض تبتسميها لطفلك لما يغلط وانتي عايزة تفهميه غلطه ، ابتسامتك دي حتوصل للنرجسي انك مش خايفة ودي اول حاجة عايزين نوصلها له ، وانه مش حيعرف يعمل لك جاسلايتينج في اللحظة دي وحتخليه يفكر هي اتجننت ولا ايه هي ازاي بتبتسم وهي متغاظة ولا انا مبقتش عارف اغيظها وهنا حيسكت شوية لانه محتاج يرتب أفكاره وحيبدأ يفكر في مدخل جديد للحرب عشان يكسبها ماهو مش حيسيبك تكسبيها وبعضهم في لمح البصر حيتهمك انك عايزة تغيظيه وأول رد حيقوله انتيب تضحكي على ايه انتي فرحانة اني متضايق انتي عايزة تغيظيني انتي عايزة تموتيني ويحسبن عليكي ويعمل غضب نرجسي ، دة بعضهم والبعض الاخر بيرتبك وبيسكت تماما لمدة دقايق وبعدين يعيد الكرة وممكن يصعد في الاستفزاز عشان يشوف اخرة الابتسامة دي ايه، انتي بقى عندك اختيارات ،اما تفضلي ساكتة وتخلي وشك مفرود مش مكشر وتبتسمي نفس الابتسامة من وقت للتاني او انك تردي بمنتهى الهدوء انا بحاول افكر في كلامك وبس وتسكتي ،خليه برضه يحتار هو انتي بتفكري يعني حتنهاري ولا بتفكري قفشتيني ولا ايه ودة حيزيد ارتباكه ، خدي بالك كل دة تعمليه في حالة الجاسلايتينج واختلاق المشاكل والتلاكيك يعني لفت الانتباه مش في المشاكل الكبيرة
الطريقة دي بتقلل التلاكيك شوية لانه بيخاف ينكشف ادامك وكمان بيلاقي نفسه بيخرج من الخناقة بدون أي وقود فبيكون خسران فمش حيكرر الحرب اللي خسرها حيغير أسلحته وييجي لك ،أكون انا جبت لك تكتيك جديد للسلاح الجديد ان شاء الله