عقارات مصر | نهاية المضاربات العقارية 

الركود هو الي هيجبر السوق للتصحيح والرجوع للسعر الحقيقي خاصه مع حاله عدم الشراء نهائيا حاليا

السبب في المضاربات البروكرز اكيد في بروكرز محترمين لكن نسبه قليله جدا

الاسعار الحالية اصلا افتراء وجشع

ربنا يستر عليك يا سامح والله بقالك كام حلقة بتقول الواقع المر♥

السوق العقاري هيحتاج فترة علشان تستقر الأسعار بشرط ثبات قيمة الجنيه أمام الدولار خلال هذه الفترة.

الكلام دا مفروض يحصل. لكن للأسف بسبب البروكرز فالناس لسه بتشتري بالأسعار الجنونية الموجودة ومحدش يعرف السعر العادل إزاي

بس الاسعار تعتبر عالية جدا يا سامح يعني مثلا ليه خارج كومباوند في مدينة نصر الاقي شقة 150 متر ب 3.5 مليون جنيه و المالك مش رادي ينزل جنيه واحد حتي مع انه مش عارف حتي يبيعها بقالو قترة

المضاربين هما السبب فى الارتفاع الجنونى ده

فيديوهاتك اقسم بالله رائعه متمكن من مجالك واحتكيت بالسوق بشكل عملي ميش نظري وللعلم انت انقذتني الله يباركلك كنت رايح ادخل لونش طمعا في اوفر برايس بعد ما البروكر لعبو في دماغي بس الحمدلله اني سمعتك في الوقت المناسب شكرا

التصحيح لازم يحصل لأن مصر مش دبي

المايك ده يا مش شغال يا وحش أوي، بجد استثمر في مايك يطلع جودة صوت أفضل من كده.

ما حدش يشتري بالاسعار دي كنت رايحة اشتري شقة في 2022 كانت الشقة متشطبة سوبر لوكس850الف وعلي سنين 900الف دلوقتي عايز فيها أكثر من الضعف وما فيش تسهيل في السداد

لو شوفت مشروع ابني بيتك السابعة في حدائق اكتوبر منطقة جميلة وعليها اقبال واسعار رخيصة السعر زاد من 200الف لمليون جنيه في ظرف سنة ونص😳 ويقولك دا انا بائع بخسارة !

ياباشا انا مثلا عمرى ما هشترى الا اما يكون الاسعار مناسبة للقوى الشرائية للمواطن المصرى لو كلنا عملنا كدة اغلب التجار هيندموا ويفكروا ١٠٠٠ مرة قبل ما يلعبوا اللعب دة

كلام منطقي ومحترم ربنا يوفقك❤

يا استاذ سيلسمان اسعار المطورين البتتكلم عنها هي في الاساس حركتها صعودا ونزولًا ليس من المطورين وانما هم بيتاثروا بالعوامل والظروف الاقتصاديه زمنيًا من عرض وطلب وسعر صرف وتضخم وسوابق وابحاث تسويق ،،،الخ في النهاية الاثر علي البائع والمشتري في كل ده كما ان جشع الباعه كتعميم يصعب السيطره عليه في السوق واحجام المشترين عن الشراء كذلك - توقعك باستقرار الاسعار الي نهايه ٢٠٢٤ بسبب ان لسه في ناس مسعره علي ٧٣ ويستحيل سعر الصرف يتخطي الرقم ده السنه دي خاطئ مع احترامي بدليل ان الناس دي مانزلتش اسعارها عند نزول السعر الي ٥٠ وانما مع اي حركه زياده في ال٥٠ قد تبدأ حركه زياده في الاسعار وذلك لما ذكرت من اسباب وليس بقرار المطورين مع تقديري

يعني لو وحدة حجز شهر ٥ السنة اللي فاتت اجمالي ٣ مليون ونص وحاليا عند المطور ب ٦ مليون يبقي كدة الاوفر كام بعد اذنك

هو اللي شاري في اول ٢٠٢٤ او نهايه ٢٠٢٣ كدا اضرب علي قفاه ولا ايه ما هما اكيد المطورين مش هينزلوا الارقام اللي مكتوبه في العقد

في منطقة زي الشماليات باكتوبر. الشقق المعروضة فجأة كللها (اتباعت) وفجأة كللها اتعرض تاني 😂 من ١.٥ مليون ل ٢ مليون تقريبا (محارة والغاز لسه مادخلش) والمنطقة مش عمرانه السعر الجديد معروض من قبل رمضان الشركات والسماسرة بيحاولوا يقنعوك انها اتباعت و وبتتعرض تاني.. وهي لسه زي ماهي

بالنسبة لحساب الأوفر لشقة تم الشراء من ٨ شهور و تم الاستلام و المدفوع ٣٠٪؜ هيكون ازاى حساب الأوفر برايس

اعتقد ان "تصحيح عقارى" كانت هتبقى افضل من "نهاية المضاربات العقاريه" .. المضاربات او لو شئنا الدقه "الإيمان بالمضاربات" مش هينتهى و الا حتى هيقل بشكل حاد.. هو قل و هيقل اكتر طبعا ، بس هيفضل السائد و المحرك للسوق العقاري المصرى هى المضاربات ، لانها مرتبطة "بإيمان" - و قاصد استخدام المصطلح - المواطن المصرى بثقافة ثراء الصدفه و الفهلوه كمصدر اهم لتكوين الثروات من السبعينات.. ثقافه فاسده اجيال كامله من الشعب اتربى عليها من عشرات السنين.. فمتتوقعش انها هتتغير فى سنتين تلاته.. الطمعانيين فى مكاسب سريعه لبسوا طبعا اخر سنه، بس كلو بيقول لنفسه سحابة و هتعدى و نفضل ماسكين سعر و هتزيد تانى .. و اللى بيلبس رسمى و بيتعثر مهما تعثر عمره ما بيقول مهما قابل مشاكل حتى لو الوحدة اتسحبت عشان مينزلش من سعر وحدته او الوحدات المتبقية معاه و بيكون تفكيره الوحيد ازاى يلبس غيره و يطلع هو بالمكسب اللى فى دماغه .. طبعا فيه قله بدأت تنزل بمستوى احلامها شويه و دول غالبا اللى معندهمش اكتر من وحده واحده حطو فيها كل اللى معاهم و غالبا مقترضين فوق اللى دبروه طمعا في مكسب سريع.. دول اللى مقدروش ينتظرو و بدأو يتجاوبو مع متغيرات السوق و يصححوا و يصحصحوا من اواهمهم.. بس باقى ٩٠٪ من المتعاملين في السوق العقاري لسه ماسكين فى اللى اتربوا عليه .. أن العقار دائما في الطالع

هو انت بتحسب على سعر المطور الى اسعارهم مبالغ فيها جدا اصلا ؟! ازاى

طب اللي اعلي من سنتين يعني مخلص الاقساط احسبها ازاي

بصراحه من الناس اللي بحترم رايها جدا يا سامح ،بارك الله فيك ،و يا رب نشوف نهايه للمضاربات في السوق العقاري عشان اللي عاوز يسكن فعلة يلاقي حاجه تناسبه بالسعر العادل ،و يا ريت مجموعه المستثمرين اللي معاهم ملايين بيدخلوا في المشروع الواحد ياخدوا وحدات كتيره بهدف اعاده البيع انهم ياخدوا بسعر اعلي من الناس لانهم عاوزين يضاربوا.....هنقاطع الشراء لحد ما تستقر الاسعار للسعر العادل الحقيقي علي دولار البنك مش دولار المتطورين اللي وصل ١٢٠ دولار

طب ثبات السنة دي مفهوم .. انما انت عايز ارتفاع بسيط السنتين الجايين دا انت بتحلم .. وهي مش قصة اننا عايزين الخراب بس هو استقراء للواقع، انت مديون قد كده وعجز في الميزان التجاري كل سنة ومفيش انتاج وتصدير هتجيب عملة منين

للاسف الناس في الفترة الاخيرة اصبح عندها جشع بكل معنى الكلمة . مثلا اتصلت بواحد عنده وحدة ريسيل ، هو دافع تقريبا ٣٥٠ ألف ج حتى الان وبيطلب ٢ مليون أوفر ، عايز يكسب ٥٠٠% في أقل من سنة. مجانين للاسف

طب حضرتك كمثال بسيط سكن مصر فى اكتوبر لما حد يكون بيعمل اعاده بيع لوحده إستلام فورى ودافع ١٠٠ الف وعاوز عليهم ٤٠٠ الف غير كمان مصاريف إداريه تقريبا بتاعت التنازل ونقل الملكيه من عند الشركه ٣٠ الف يبقا كده هوا حاسب الاوڤر برايس ازاى؟

ومين قالك أن ازمة الدولار انتهت

بلاش وصف عبيط. وغيره خليك مهنيا مركز ..... وشكرا

مع احترامي لحضرتك ولكن انت نفسك قلت قبل فترة اني أسعار العقارات بمصر لن تنخفض وحتى مع ثبات سعر الدولار ولكن انت الآن تغير كلامك وبتقول أسباب وكلها صحيحة اني الاسعار ستنخفض وانخفضت فعلاً، يعني حضرتك عاكست كلامك ونرجع للواقع الحي الاسعار ستنخفض اكتر بعيداً عن المضاربات والعرض والطلب وهروب المستثمرين وانما واقع تسعير منطقي نتيجة ثبات سعر الدولار وتم احتساب هامش تحوطي ناجم عن الخوف من تغير سعر الدولار بمعنى : الدولار وثباته اثر بشكل واضح على سعر العقار وده معاكس لكلامك 😊

هو انت اصلا مش بترد على الواتساب!! عشان تقدم خدماتك

امال البهوات بتوع( جنة ) عايشين في البطيخ