ربي يحفظك اختي شكرا على كل فيديو درتيها اختي من فظلك عاونيني عندي مشاكل مع عجوزتي ماتحبنيش وتحب مراة سلفي باغية راجلي يقتنع بفكرة يديرلي داري وحدي مش مصدقني كل بلي يماه ماتحبنيش من فظلك ديرلي موضوع على كيفاش نقولو باش يديرلي داري وحدي 💞🌹
طليتي على قلبي دخلت ليهم كي الوردة المفتحة ودخلت بالنية.طالي ربي عجوزة ولواسات ملاح.بصح مرت سلفي تبعتني حتى مرضت.رانا صابرين في وجه ربي.راك تهدري كلام صواب و كلامك حلو.
انا مرت لكبير والله فرحت نهار تزوج سلفي والله على ما اقول شهيد درتها خير من اختي حكيتلها أسراري وهي كانت تعاود كل كلمة قلتها لها وتزيدد فلكذب عليا والله غير تخلصها غالية
ناس بكري قالو البعد يجيب السلام والقرب يجيب الكلام مكانش كيما لي يعيش وحده ويقعد بقيمته ولي فاتو ياماته مايطمع في يامات الناس مع كل الاسف المرأة عدوة المرأة
اله يخليك ديرينا موضوع علي أهل الزوج لي يضلمو العروسة الاولي كي يجيبو عروسة جديده و يقيموها علي حساب الكنة القديمة و ينساو كامل واسم دارت عليهم حتي تولي حتي هاد الكنة الجديدة تحفر ورا الكنة القديمة ربي يخرجني من هاد الخلية الي راني فيها .ربي يحفظك و يسعدك ديرينا هاد الموضوع
كنت كيفك خيتي بصح حاربتهم وكل مانحب نخرج نزيد نغرق كثر وزادو جابو الكنة الاخرى وليت خرجت وتهنيت من القيل والقال ومانزورهمش إلا في المناسبات دخلة وخرجة والحمد الله رجعولي عبيد ورجعت قيمتي وحاكمة داري
انا ختنت ولدي والله زوج سلافاتي معيطولي مامبا باش يباركو بالرغم مدرتلهم حتى حاجة جابدة روحي على القيل والقال، منعرف علاش دارولي هلذ الجاست انا والله منقدر نديرها لحتى وحدة
لالا ماراكيش غالطة خلي باش دبراسها خاطراكش كون توالف فيك تحصلي و نهار تقوليلها مانقدرش تولي نتي مولات العيب اديها نصيحة من عند اختك في الله مجربة ما تتحمليش مسؤولية حتى واحد وكي تحبي ديري الخير ديري شروط عدم التقييد يعني مؤقتا برك واعرفي عقلية الانسان لي راح ديري فيه الخير خاطراكش كون يعود استغلالي راح يلصق فيك وكي تجبدي روحك تحصلي ساع الخير لي درتيه تلفيه بالقلقة والتمنشير في هذاك العبد امالا قبل ما ديري حاجة فكريلها مليح الله غالب الوقت تاع درك الانسان الطيب والنية مايقدرش يعيش بعفوية لازم يكون حذر باش يحافظ على علاقاتو مع البشر
انا مرت صغير وعندي مرت سلفي ساكنة معايا شربتلي مرار وغمة رايحة تخرجني من الدار و مشكل شيخي وعجوزتي واقفين معاها ودارو عليا هي معاهم عشرة وانا هدوين 3سنين وعاشقتلي في راجلي تموت عليك
عندك الحق انا والله مايلحقوني حتى في جلاخ كرعيا ، عنده مرت خوه انا كنت مازال مانوصل عندهم للدار عيطتلي فالتيليفون قاتلي شوفي كتجي عروسة الخطرة لولى انا نطيب بصح مبعد نتيا طيبي حاسبتني وقيلا انا chef cuisinier وتزيد تشرك في فمها حسبي الله و نعم الوكيل فيها و فيهم قاع الله ياخذ الحق فيها نشاله
وزيد تولي لقصرا ديالهوم غير على ادراري هديك ولدت وهديك طرحت تحسي بلي راهوم يمعنو غير عليك ويزيدو يدكرو ربي يقولو هدا شي تاع ىبي لي يحبها يرزقها تسما لي معطاهومش ربي كااامل يكرهوم ههههه والله لي ميجمعش معاهوم خير
والله راني معاك انا ايضا راني متأخرة 4 سنوات مرت سلفي قاهرتني و تحوس تزيد تولد باش ان نبان معنديش ربي وكيلهاااااا انا خاطيتها و هي غير تحسبلي في قاع واش عندي و انا ولد واحد مكسبتوش ان شاء الله ربي الرزاق الكريم يرزقناااااا والي حب يموت يكسل رجليه
@@waswas366 والله مان انا عندي 6 سنين زواج و معنديش ذراري وناس كل مرة تحب تجرحك مرة لوستي قالت عليا فارغة شغل وانا والله مندنا لحتى واحد وكي كنت نبعت وليد سلفتي يشريلي تقولي نمدهولك وكيكبر ترجعهولي ربي وكيلها نشاء الله
@@fafatiti9350 بالسكات ياختي النفس تاعي ولات تلوم فيا على السكات لالة ولات تسرشلي كي نعود راقدة مع راجلي زوج كلمات على بعضاهم منهدروهمش وتزيد تخبط علينا وتقلقنا
انا نسا سلفاتي كلاوني كي جيت انا صغيرة فيهم كانو ميلبسوش ولاو يلبسو كانو ميخرجوش ولاو يخرجو ويديرولي مشاكل سيرتو وحدة كبيرة عليا هي فال52وان 26 كانت دايرة فيا حالة وزيد قعدت في دار عجوزتي 4سنين حسيتها 20سنة وربي شاف فيا واعطاوني سكن وكي مدولي سكن ولاو يقولو هادي كيفاه جات مالورانا دات سكنة وحنا لا لا ربي وكيلهم هادي قاع مالغيرة
انا جيت العروسة الصغيرة ونخدم وفور عيليهم من كل جيهة درتلهم الكشمار ودرك راهم بعرايسهم قلت يلتاوبيهم بصح هما مازلو لاتين بيا حتى عرايس لي جابهم ولاو كيما هما يعسو فيا تاني مانيش عارفا علاه يقولي راجلي حتى خاوتو تبدلو عليه كي جابني
والله ياحبيبتي أنا مرت الاخ الكبير ودرت نساء لواسي كي خياتي وعاملتهم احسن معاملة ووحدة كانت مجيبش الدراري وقفت معاها ونهار رزقها ربي دارت فيا الباطل حسبي الله ونعم الوكيل فيها او زعما أنا لكبيرة هههههه دارو فيا الباطل
دخلت بنيتى معاهم خاصة وحدا درتها كيما ختى ونحكى معاها وولادها نرقدهم عندى ونهار شافو لعجوزا عجبتها ولزيت ليهم ولات تدير فالفتنة وتهدر فالكلام الخاطى حتى طاحو لمشاكل على راسي بصح الحمد لله نيتى خرجت سلامات منهم وزدت طولت ماحملتش وليت شفايا ليهم حتى سماونى العشاب من كثرة لى نظل نشرب فدوا ولعشاب و 5سنين باه ولدت ونهار سمعو كلمة مبروك ماقالوهاش ونهار زيدت والله ماجاونى وضك جبدت روحى منهم كامل مكان لا كبيرا لاصغيرا عندى راجلى ووليدى وهما منقيمهم مانقصر مانروح ليهم مايجو ليا حسبي الله ونعم الوكيل فيهم
نورمالمون كون جات دنيا دنيا نسا السلاف يتحدوا ويرجعوا يد وحدة ضد العجوزة واللوسات اللفعات و يرجع هوما لي يخافوا من العرايس ماش العكس بصح هوما لالا خلاوا اللوسات ولعجوزة و تلهاو بمرت السلف
@@rimo8750 حنونة انا مرت خويا عايشة فالصحراء و هي في روحها واحنا في ارواحنا و هي بفمها تهدر وتشهدلنا بلي ماندخلوش رواحتينا فيها بالعكس احنا كي يصرا بينها بين خويا مشكل و تشكيلنا نجيو معاها ونعطولها الحق
@@user-xl7em5id7n ختي كون جيتي تعرفيهم و شفتي تنوفيق ديالهم كون عذرتيني انا مانسكنش معاهم هوما فالشرق وانا فالعاصمة بصح هكذاك ولاحقيني بالهدرة وبالتقرعيج و يعيطوا لراجلي ويحرشوا فيه خليها على ربي برك اللوسة لي كي تلقى تليفون خوها طافي تروح تعيط لصاحبو تسقسي عليه وما تعيطليش ليا هذي ابليس ماشي لوسة هذي نقطة من البحر لي قلتهولك
وعلاش راكي عقاب السلفة الكبيرة المزهرية الكبيرة هي لرفدتها انا جيت لقيت شيخ والعجوز ة و5، سلاف عزاب ماشي متزوجين وخت العجوزة عجوزتي كان في عمرها53سنة برك مادير وااالواا وانا كلش اوزيد بعيدة علااهلي ما عندي وين نروح ا وك كي تزوج سلفي عجوزتي تخدم الشغل أو عرستها ترقد حتا 10 تخرج وحدها انا مغضنيش الحال عليها غضني علا عجوزتي لستغلتني اوبروفيتات فيا حسبي الله ونعم الوكبل
امييييييين دعوتك على دعوتي مرت لوسي حبت فاميليت راجلي كااااامل يكرهوني والله ماربحت وااالو غير كاااامل يعزوني والحمد لله ربي ديما ينصر بصح هي والله مانسمحلها في دنيا وآخرة
أنا مرت الكبير وعندي ٢سلايف والله عاملتهم احسن معاملة في السنوات الأولى بصح مبعد دارو عليا ويتجمعوعليا عادو هما حبابات وانا العدو ة حتى في نجاح وليدي في شهادة التعليم المتوسط ما قالت مبروك والله حلفت كي تنجح بنتها غير نردللها صاع صاعين ما هدرت معاها ماعبرتها المهم الله يهدي ماخلق القصة طويلة
لازم نشوف هذا الفيديو الف مرة باش نحفظ هذا الكلام الزين الموزون باش نرد الصرف حقرتني ليهوديه وقهرتني هذي عشرين سنه وهي تعفس بصح خلاص خلاص الي كان مايزيد يكون والله يعطيك الصحه على هذا الموضوع كلامك دواء😘😘😘😘😘
الحمد لله حنا 4سلايف والخامسة بإذن الله تعالى راح تدخل بعد العيد والله كالخواتات كل وحدة فدارها نتلاقاو غير فالمناسبات بالضحك واللعب حتى نتفارقوا... ربي يحنن القلوب
كاين وكاين انا الكنت الاولي عمري 30 سنة وجاو من بعدي 4كناين والله غير نتمانلهم غير الخير وحتي ريح نشريهالهم وهوما ميحبونيش وحد قاتلي راك عجوز كي خرجت نشري حوايج لولادي وحد تهمتني بسحر وكاين امور بزاف ولكن انا جبدت منهم ومنيش دايته فيهم خلاط
لا حبيبتي مرات يكون العكس حتى أنا يوم تزوج سلفي ولله غير فرحت كي راح تجي مرتو قلت نديرها كي اختي والله على مااقولو شهيد بصاح في الأخير هي لي ما قبلتنيش كانت تغير مني ما عرفتش علاه أنا مرت الكبير ما شي شرط الاول تغار من الثانية مرات يكون العكس
والله قتلتيني بالضحك. المشكل يعاندوك على القصة تاع شعرك لازم كيف تاعك. واذا شريتي حاجة الثليفون يمشي لكل بلاصة والرابور يوصل في الدقيقة وانت لاخبر 😤😤😤 .
@@nanamacha.lahnadia5165 😁😁والله عندك الحق هي الخاسرة قالك نهار يموت الكذاب يبعثلو ربي ملايكة تلوحلو حطبة من فمو حتى قاعو🤭يسميوه خازوق نوع من انواع التعذيب كان يستعمل بكري مالا لي كذب كذب لعمرو🤐 واش خسرنا
حنا غرب الجزاءر نقولو زوجت حماي بالضبط سيدي بلعباس متتبعة وفية واحلى جام تابعي اختي راكي في المستوى منفضلك درينافديو علي كيف التعاملمع الزوج العصبي وشكرا
ياختي والله انا لكبيرة فالعرايس بصح والله قاع ميتين مني وغايرين على خاطر قعدت مع لعجوزة عشرة سنين وهوما غايرين كي قالتلهم لعجوزة مكانش لي تجي في بلاصتها (عليا ) وانا لحد الان الحمد لله نمشي بنيتي مع كل واحد فالدار
اول مرة نشوف قناتك مواضيع مهمة و يعيشها المجتمع كامل لكن صدقيني انا مرت لكبير وجاو زوج مورايا وآلله وصلوني لسبيطار وانا من نيتي نمشي معهم وربي يجيب الخير
ههه والله العضيم درت عرضا باش نتليمو حتي ناضو نساء لواسي يدبازو صغيرة معا الوسطانية كلام ليقلتيه علي العروسة تانية علاه متخافوش ربي أنا عيشا معا مرت لوس كبيرا مشاء الله عليها ماشي كامل ياختي
أنا وحدة شفت عجب من نساء سلافي هما ثنين كرهولي حياتي حتى وليت ندير في عمليات عندنا 11سنة راني نعاني لحد الآن حسبناالله ونعم الوكيل والله مانسمحلهم على شئ لداره فيا
هههه الله يعطيك الخير ضحكتيني المهم الواحد ما لازمش يعيش للناس باش راسوا يكون مهني الله فوق كل واحد اللي دار المليح يلقا المليح والي سبق الشر يلقاه قدامه يستناه الله يمهل ولا يهمل
يعطيك الصحة في الصميم هدي حياتي مع عمرة الحاج ل لخضر والعسان تاع لي تحتي انا 2 نساء سلافي جيت نخدم منيش معمرة راسي بيهم تعرفي الهدرة نسخسرها فيهم وش تقولك لعيو ب تاع ربي اكل يخرجواهم كيان ربي عله نحبك ونموت عليك غير على المواضيع تاعك وهدرتك تدخل طول لقلب والله غير كن نحكلك راسك يحبس ربي يحفظك ويخليك وي غليك كي الوردة لي يجي يشم فيك من بابيشة مقلشة
لا سلكت على روحي و ضربته بالكوتبيات و رجعت على روحي الهدرا ليه هوا و لمه العقرب باسكو قالتلي علاه راكي توغي باغتني ناكل الصوط و انا نضحك راني في 12 يوم في دارنا هوا ما عيط و انا ما عيطت الا 2 مرات هدرت معاه اختي باش يشريلي دواء و يعطيني دراهم التحاليل كنت قادرا ما نقيمهش بصح هوا يصرف عليا مادامني على اسمو و زيد لي في كرشي من صلبو هوا ما جبتهس مع الحيط
@@fatifaracha8014 ربي بهديه يا ختي و يجمع شملكم على وجه الملايكة لي في كرشك بصح ما سكتيش على حقك و عندك الحق وريتيلو بلي ماشي ساهلة يضربك ضك هو يكون راه حاسب زعما بلي لعبتيلو بالرجولة تاعو كي رجعتيلو الضرب و يماه تزيدلو مالفوق بصح وكلي امرك لربي و دعي ربي يحنن قلبو عليك و يجي يرجعك ان شاء الله
@@nanamacha.lahnadia5165 واه نيشان والله عندك الحق قالها لختي بلي ضربتي و ردت الهدرا عليا قدام ما وانا جامي ضربته غي كي خفت يضربني في كرشي لي ضربته بالكوتبيات الله غالب هذي غريزة أمومة ربي دارها فينا واه راني ندعي ربي يهذيه و يبطل ضلمه علي و انتي اختي ربي يفتح عليك من ابوب خيره شكرا😙😘
لوكان كلمة السماح ترجع لي فات لوكان كلمة البركة في راسكم ترجع لي مات ،،، ولكن و لكن لي جرحني نسامحو و نخليه في راسي راك الذهب كي تبيعيه طيح قيمتو و يرجع كاسي
والله عندك الحق في كلش من البداية للنهاية معندي منهدر معندي منقول في نسا سلافي الغيرة على اتفه الحوايج متتصوريش حسبي الله ونعمة الوكيل والله الراجل هذا لي تديه وتتزوجي بيه حاسباتو تاعها
والله عندك الحق في كلش تمنيتك تهدري كثر ضحكتينا في نفس الوقت فائدة كبيرة نتمتا تزيدي تعطينا نصائح في هاد الموضوع بالذات باش تنبهينا علا صوالح ونمشو بنصيحتك ديرينا موضوع سلافات وطفالت كي يكونو ميشموش بعض خلاص وكي تجي لعروسة يولي لحب يشعشع بيناتهم
أحنا 3سلايف أنا الأولى ومرت سلفي الثانية خيات بصح الثالثة لي هي أكبر منا في زوج شيطان فرقت كامل الخاوة البنات وتنفاو من دار باباهم حسبي الله ونعم الوكيل فيها
والله كلامك كامل صحيح عن تجربة قتلتني بالحسد مع اني نعاملها بالحسنى مع جيت بدات تعمر فيا على دار شيخي بصح طاحت معايا انا الحمد لله نتعامل بحكمة جامي نسمعلها الحمد لله قطعتها راني في نعمة
علاه عليك العيب اختي والله انا مرت الكبير وعندي 2نسا سلافي وجاية مرت سلفي الصغير بصح والله ماعلابالي بيهم ربي يعطيهم ويعطيني معاهم ومرت سلفي الصغير عجبتني فالخليقة وفالعقلية وكي جيت عندي مشكرت فيها تقول ختي الله يهدينا كبار وصغار عمري 30سنة.. والله ياختي غير مرت الكبير هي الي تلم الهم والهميدي ياكلولها رأسها وماهيش مليحة المهم العاطي ربي يمد لكل واحد..
