راني مداومة على سورة البقرة وبالنسبة لقيام الليل هاذو ليامات مرانيش نقدر نصلي بسبب....ان شاء الله نداوم عليه وربي يصلح الأحوال ربي يحفظك ويعطيك ماتتمني ♥️ شكرا على دعمك
ياختي طموحة حنا الحمص منديرولو والو نشمخوه فيما ليلة كاملة وغدوة نديروه في كيكوطة يطيب مليح وندسوه في كونجيلي متحتاجيش لا كربونات لا خميرة ومتخميش مدام كل بيد الله الحمد الله انسان معندو ميدير
سلام حبيبتي الله يبارك ماشاء الله متزعفيش حبيبتي المال والبنون زينة الحياة الدنيا وراكي تقولي معنديش سند ان شاء الله راح يكونو هوما سندك وقوتك بعد ربي سبحانو احرصي غير على تربيتهم تربية صالحة وراح تكوني فخورة بيهم ان شاء الله
ربي يهديك ختي هذا رزق ربي وعشيو كيما حب ربي بقليل ولا بكثير أنا كانو عندي زوج ماتلي طفل وبقتلي طفلة حتي زد ربي رزقني بطفلة بوبية مشاء الله كي نتفكر وليدي نقول كون رني عيش في قيطون وليدي رها معي حمدي ربي عليك بقيام الليل ولله غير حياتك تتبدل
لالا حبيبتي متكونيش متشائمة وكل مولود يجي بالرزق تاعو احسني الظن بالله ولي خلق مايضيع وافرحي بالحمل تاعك واتهلاي في روحك احساس الأم يعكس على الجنين وممكن يأثر عليه استغفري وقولي الحمد لله هاذي نعمة من عند ربي سبحانو ميمدهاش لناس كامل وكل واحد واش رزقو
ربي يفرج عليك وعلى كول مومن المشاكل مايخطوناش أنا عن نفسي راني في ضغط كبير بصح واش نقولو الحمد الله واش كتبنا ربي نجوزوه وربي يجيب الخير هادا ماكان ❤❤❤
سلام ختي طموحة حبيت نسقسيك كفاه نخلي بنتي ترقد فنهار تضل راقدة وانوضلي على زوج ولا ثلاثة تقعد تبكي حتى بخمسة لازم نهزها ولا ترضع وانا دايرة سيزاريان مقدرتش والله
سلام حبيبتي فلول دايمن يكون النوم تاعهم مش منتظم وفالأغلب ليڨاز هوما لي يخلو البيبي مايرقدش نتي راقبي الأكل تاعك وثاني قبل المغرب ديري لبنتك تيزانة تاع كمون ومتخليهاش ترقد فهذاك الوقت ولا اشريلها سيرو تاع ستوب كوليك مليح بزاف للذراري وحاولي متتقلقيش مرحلة وتجوز هي هي التربية واعرة بزاف ربي يكون في عونك وربي يحفظها ان شاء الله
والله ياحبيبتي غير المرض راني صابرتلو والمشاكل المادية الحمد لله صابرة عليها ومتحملتها وراكي قلتيها انا قلبي بيض ونسامح وننسى ونجوز بصح كاين شي حاجات ميقدرش القلب يتحملهم وميقدرش ينساهم ويقعدو دايمن في راسو ويزيدو يمرضوه كثر وكثر ربي يعطينا قوة باش نتحملو ان شاء الله وان شاء الله ربي يشفي كل مريض ويفرج على كل مغبون وشكرا حبيبتي على دعواتك ربي يحفظك ويعطيك ماتتمني ♥️
سلام حبيبتي انا ثان ولدي كي كان صغير حكماتو شوفي داوميلو على رب التمر والعدس لحمر والبيطراف والكبدة وثاني كاين دوى تاع لانيمي للذراري صغار متخافيش داوميلو غير على هاذو الحاجات وكل مرة روحي شوفي شحال راهي وان شاء الله ربي يشافيه عاجلا غير اجلا
السلام عليكم اختي العزيزة الله يحفضك والله يعينك اختي العزيزة قاع عندنا مشاكل ان راني عاد في بيت العائلة هادي 20 سنة يا ختي مشاكل الحمد لله علي كل حال ربي يفرجها على كل مغبون وربي يحفضك ويوفقك ويعطيك ماتتناي امين يا رب العالميييييين 🤲🤲🤲🤲🤲
انا كي نكون عندي مشاكل مكانش نفرغ كنت ندرس في قلبي حتى راه عندي أمراض نفسية وعقد مقديش نروح الى الامام فرغي قلبك تقدري تحكي همومك علي شكل قصة واحدة صرالتلها بلاك يعطيوك نصيحة انا هكا كنت ندير باش معروفوش عليا وحافضي على روحك اختي
ياختي واش راح نقلك انا مشكلتي نحمل كل شي ومنحملش الذل نتحمل كامل مصاعب الحياة ومنقدرش نحمل حاجة فوق طاقتي راني في صراع كبير ماعرفت نتقدم وننسى ماعرفت نعز نفسي ونسمح في كل شي
طموحة مش مليح تربي الأرانب في الدار يقولو يجيب الطاقة السلبية و هداك اومو البودر ننصحك مش مليح مايرغيش و مايطلعش القش و ماينحيش لي طاش جربي bingo بودر يهبل
شكون قالهالك هاذى لالا الحيوان كى يكون فالدار وتتهلاى فيه تدى فيه آجر وزيد لى يربوهم يدخلو منهم دراهم كبار شتاهية كى دار صغيرة مايليقلهاش تربيهم غبينةةليها وليهم
حبيبتي ربي يفرج عليك انا ننصحك من تجربني الخاصة اياك واياك واياك تعطي للمشكل كثر من حقو لاني خليت في قلبي حتي دخلت في اكتءاب حاد وضعفت بزاف وصلت لدرجت واحد معرفتو لمدة ستة اشهر وبعدها بفضل الله وبفضل الدكتور المحمدي خرجت من ازمتي وانا ثاني المشكل جاني في داري واتهنت في داري وزدمو عليا قدام الجيران وسبوني وانا مانيش عارفا واش كاين لاني كنت راقدا وزوجي مسافر حسبنا الله ونعم الوكيل 😢 بصح كي صرالي هكذاك قررت نبعد علي هاذو الناس ونعيش حياتي ونلتهي بصحتي واللي غاضتني انو هاذو الناس انا لي زوجتهم وتهليت فيهم وضروني حتي قريب هبلت وضعفت بزااااااف ودرت كامل التحاليل وقالولي معندك والو هاذي صدمة 😮 اسمحيلي راني بطيت عليك حبيت نحكيلك باش تلوحي موراك ومتبقايش تخمي بعيد الشر يصرالك كما انا راهي صعيبة واوصيك بالاستغفار وسورة البقرة هاذو عاونوني بزاااف حبيبتي وحسبنا الله ونعم الوكيل في كل ضالم 😢 اختك ام عبد الحق من المدية 🫂
سلام حبيبتي والله راانيش عارفة اذا المشكل راهو فيا انا مرانيش مليحة والمشكل هذاك زاد أثر عليا ولا المشكل في حد ذاتو راهو كبير وفجميع الأحوال راني نجاهد في نفسي باش منخليهش يخربلي داري ويضيعلي حياتي ربي يحفظك ويعطيك ماتتمني ♥️ شكرا على كل كلمة طيبة ربي يسعد ويهنيك ويبعد عليك كل بلاء
يا طموحة المشاكل كامل رانا فيهم والله مام انا راني في ضغط كبير كبير مي الحمد الله ونصبر ونجوز على جال راجلي وولادي يجي نهار وربي يفرج هيا صح صعيبة والقنطة واعرة ربي معانا ويقدرنا على دنيا هاذي ربي يفرج عليك يا طموحة ودعولي ربي يرزقني بسكنة يارب العالمين 😊
