الثقة (١٦)
ماتسمحيش للنرجسي انه يوصلك انك تتمني الموت ولا تسمحي لنظرة المجتمع تمنعك من الطلاق منه
عمرك شفتي واحدة بتبكي على نفسها بعد ما اتطلقت ب ٢١ سنة دة جزء من تعليق قرأته مش فاكرة على أي فيديو عندنا ورديت على صاحبته وبعدين لما قرأت الجزء دة من كتاب الثقة بالنفس افتكرتها ، هي باقي كلامها كان معناه انها بعد ماكان لها مكانة في مجتمعها وكانت واثقة من نفسها ،نظرة الناس لها اتغيرت بعد الطلاق من اعجاب لشفقة دة اختصار اللي فهمته منها وحسيت اني عايزة اهدي لها حلقة النهاردة انا حتى مش فاكرة اسمها للأسف أتمنى انها تكون سامعاني وتعلق لاني خايفة أكون فهمت تعليقها غلط من كتر ما استغربت ، انها زعلانة على حدث اينعم عظيم وهو الطلاق لكن فات عليه ٢١ سنة ؟ هل انا فهمت غلط ولا صح ، مش مهم المهم ان لو انا فهمت صح فالحلقة لها ولو فهمت غلط فأي واحدة عندها أفكار سلبية عن نفسها او عن أي حد فهي محتاجة تسمع الحلقة دي كويس جدا ، وان كانت تكملة لحلقة امبارح او إضافة لها ويارب يارب نستفيد منها كلنا
التفكير ان المجتمع نظرته اتغيرت دة تفكير سلبي حتى لو كان حقيقي لانه بيؤثر عليكي تأثير سلبي وسيء وطالما مش بتعملي حاجة حرام يبقى ملكيش دعوة بنظرة المجتمع ولا الخلق كله خليكي في نظرة ربنا وسيدنا وبس ، وكمان مش كل المجتمع بيكون له النظرة الغبية دي واللي نظرته بتتغير للمطلقة معلش يعني لازم يفكر كويس في صحته النفسية ومستواه من حيث السواء يعني هو سوي ولا لا ، المهم ان دة تفكير سلبي واحنا تاني لازم نتخلص منه ، دة غير التعليقات الكتير اللي بتقول اني حاولت انتحر وربنا احياني واللي بتقول اني فكرت في الانتحار ومعرفتش ، ايوة كل زوجات النرجسي فعلا بتيجي عليهم لحظات يشوفوا فيها ان الموت ارحم لكن مش مفروض انك تسمحيي للنرجسي انه يوصلك لكدة ابدا وانتي تقدري انتي بنفسك توصليه لكدة (حبة شر بس مش حنعمله )
فيديو امبارح كان على طريقة دكتور بول جينكيز والنهاردة على طريقة دكتور باربارا ،
اكيد مش محتاجة أقول امثلة ع التفكير السلبي او الأفكار السلبية بعد اللي قلته دلوقتي واللي قلته في الحلقات اللي فاتت دلوقتي عايزين نتعلم ازاي حنتعامل مع الأفكار دي لان الاستغراق فيها بيهدم الثقة بالنفس طبعا
حنعمل تمرين : ارجعي للهدف اللي كتبتيه في أوائل الحلقات وشوفي كدة هل فيه أفكار سلبية بتخليكي تتراجعي عن تحقيق الهدف دة ؟. اكتبي الأفكار دي واكتبي كمان اذا قدرتي تتغلبي ع الأفكار دي حيكون دة تأثيره ايه على حياتك ؟
طيب لازم تفهمي ان الأفكار السلبية اغلبها مش بيكون حقيقي ، وعادة المشكلة مش بتكون في الفكرة نفسها ، المشكلة بتكون انك بتضخمي الفكرة وبتديها اكبر من حجمها ، انتي عندك حرية الاختيار بين انك تصدقي وتقوي الأفكار دي وتنساقي لها وتتعاملي معاها علي انها حقيقة منيعة غير قابلة للتغيير ولا انك ماتصدقيها او تضعفيها او تحوليها لافكار إيجابية ؟ اختاري بقى
طيب عشان تعرفي تهدمي الأفكار السلبية وتتغلبي عليها لازم تعرفي خمس حاجات مهمة اللي هي انواع التشويه المعرفي ، يعني الجملة الغريبة دي ؟ يعني احنا عارفين حاجات فيها الصح وفيها الغلط وفيه حاجات صح بيحصل لها تشويه وتغيير وتتحول من صح لغلط واحنا منبقاش واخدين بالنا انها اتشوهت وكدة بقت غلط طيب ايه اللي بيعمل لها التشويه دة ؟ عقلنا غالبا ازاي الكلام. دة ؟ حقولك
١- اول نوع من انواع التشويه المعرفي : صنع الافتراضات : صحها انك تفترضي حاجات إيجابية وتشويهها : زي ايه يعني لو انتي في عمري كدة وفكرتي تاخدي دبلومة في الجامعة زي انا ماعملت شوفي انا قررت اخد الدبلومة رحت قدمت اوراقي ودخلت وحضرت ولقيت الأغلبية العظمى من الحضور من سن بنتي واصغر كمان بس موقفنيش الكلام دة ابدا ومحستش بأي مشكلة في كدة ، بالرغم من ان كتير من الدكاترة كانوا بيضربوا بيا المثل للطلبة اني معنديش مانع من التعلم في العمر دة لاني كنت اكبر واحدة في الدفعة ، لكن لفت نظري ان بدأت اتسئل انتي ليه بتدرسي سواء من الدكاترة او من الطلبة ، واللي اصغر مني في الاربعينيات مثلا تقول انا كنت خايفة احضر عشان الكل حيقول ازاي بحضر في السن دة وكلام من التشويه المعرفي اللي هو العلم في الجامعة للشباب بس واللي كبر دة يقعد بقى في بيته عايز ايه من الدنيا ، كفاية بقى عليه كدة ، حياخد زمنه وزمن غيره ، هو دة نوع من أنواع التشويه المعرفي انك تفترضي ان الناس حتنتقدكلو دخلتي الجامعة وانتي كبيرة ، او انك تفترضي ان نظرة المجتمع لكي حتتغير لو اتطلقتي ، ....
جروب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress
حلقة السيرة
• السيرة النبوية الشريفة...
12 сен 2024