ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
Touch by Mattia Cupelli https: / touch-download-and-roy...
Facebook: https: / mattiacupellicomposer
Official site: www.mattiacupe...
Twitter: / mattia_cupelli
Music promoted by Royalty Free Music Library: • Royalty Free Music ♫ |...
Song: "Sappheiros - Falling (Ft. eSoreni) [Chill]" is under a Creative Commons license (CC-BY)
Music promoted by BreakingCopyright: bit.ly/Sappheir...
Song: Sappheiros - Dawn (Vlog No Copyright Music)
Music promoted by Vlog No Copyright Music.
Video Link: • Video
ماينفخ الانا لاينتج عنه قوة داخلية "النرجسي والضحية"
شفتي فلانة منفوخة علينا ازاي؟ شوفتي الواد الأمور اللي قاعد هناك دة هو قمر بس منفوخ كدة وشايف نفسه ، تعالي احكي لك حكايته .
الشخص المنفوخ دة اللي بنقول عليه أحيانا مغرور واللي شايف نفسه احسن من الاخرين ، الشخص دة بنقول عليه فخور بنفسه الحقيقة انا اول مرة اعرف ان الفخر يعتبر من المشاعر السلبية كنت فاكراها فعلا خصلة جيدة انا انجز فانا فخورة بإنجازي ونجاحي ، لكن لما قرأت مستوى الفخر في كتاب تجاوز مستويات الوعي وكتاب السماح بالرحيل لديفيد هاوكينز عرفت ان الفخر فعلا خالي من الحب وبالتالي فهو هادم . شوفوا تعبيره اذا خالي من الحب فهو هادم فالحب بيبني ومايخلو من الحب فهو بيهدم واكبر دليل على كدة العلاقة مع نرجسي او سيكوباتي وكأنها نار بتحرق كل اللي حواليها مش بتهدم وبس لانها علاقة خالية من الحب.
المهم خلينا نرجع للفخر الفخر مستوى مابين الغضب والشجاعة ومفروض منقفش فيه كتير يعني لما نوصل له نتيجة تحقيق نصرة بسيطة سببها الغضب مثلا لازم نخرج منه ونطلع للمستوى اللي بعده ليه؟ لان المستوى دة بيقولوا عليه المستوى الحرج او النقطة الحرجة يعني ايه يعني بالظبط كدة زي لما تقفي على سطح عمارة ملوش سور وتروحي تقفي عند الحرف حرف السطح دة يعتبر نقطة حرجة لو عديتيها حتقعي تحت ع الأرض مباشرة تتدغدغي انما لو نزلتي السلم حتوصلي تحت بالتدريج فمستوى الفخر دة هو حرف سطح البناية بتاعة الوعي لو رحتي عندها ومااتحركتيش بسرعة منها فانتي عرضة انك تقعي تحت خالص اللي هو المستوى الأول او اول سلمة في الوعي اللي هي العار ، عشان كدة بيسموها المنطقة او المستوى الحرج ، الخطر يعني ، مستوى الفخر دة لو حصل فيه هزيمة قوية بتوصل للعار تاني ، طيب ليه أصلا الفخر مشاعر سلبية ؟ لانه بيولد إحساس بالغرور والعجب والغطرسة والانكار ، والانكار دة بقى ان الشخص الفخور بيرفض العيوب الشخصية بيكون شايف انه ماينفعش يكون فيه عيب
. في حال الفخر الانا بتتخيل ان الاستحسان الناتج عن النجاح او الإنجاز بيكون لها هي مش للعمل اللي سبب النجاح فتنتفغ الانا وتتضخم وتزود في أهميتها ، طيب مهم اوي اننا نعرف ان الانسان اتعلم الفخر دة ازاي او أصلا عرفه منين؟ دة كان عبارة عن المكافئات اللي بنقدمها لاطفالنا لما يعملوا حاجة صح او يسمعوا الكلام بنقول لهم جمل تشجيعية واللي هو نظام المكافئات ،فالطفل يعمل الحاجات المطلوبة منه سعيا وراء الاستحسان فيكون رأي الاخرين مهم عند الطفل ، ودة طبيعي ولازم لتعليم الطفل لكن لما يكبر وينضج لازم وطبيعي برضه انه يتخلص من الفخر لانه بيبدأ يتكون عنده الاستحسان الذاتي(دة في حال البيئة التربوية السليمة) وبيبدأ اهتمامه بآراء الاخرين يقل ولكن لامانع من انه يحس ان الاستحسان حاجة لطيفة تسعده من وقت للتاني اذا حصلت لكنه لايسعى لحصولها ، ولا بيدمن حصولها ، اما اذا لم يتم النضج فبتفضل اراء الناس مهمة والاستحسان مهم والفخر والغرور يتملكوا الشخص ويا اما يبقى شخصية اعتمادية مدمنة استحسان يا اما نرجسي مدمن استحسان وفخر وانتفاخ الانا ،
تعالي كدة نبص ع الفخر من ناحية تانية معنى كلمة فخر ايه؟ التباهي بالنفس وإظهار المكارم والجاه والحسب والنسب ، وانتبهت كمان ان ربنا قال في كتابه الكريم ان الله لايحب كل مختال فخور ، فالفخر فعلا شيء مكروه وان كنا بنعبر بيه أحيانا غلط عن فرحتنا بانجازاتنا ونجاحاتنا دة الاسوياء يعني ، عشان كدة هاوكينز لما بيقول ان الفخر دة لما نفهمه صح بنبعد عنه بسرعة وبسهولة غير باقي المشاعر السلبية لان بالنسبة للشخص السوي هي مشاعر فرحة بالانجاز اكتر منها مشاعر فخر بالنفس واللي بيحس انها فخر بالنفس ينتبه ويحولها لفرحة بالانجاز والنجاح لان في النهاية ربنا مش بيحب الصفة دي فينا فننبذها بضغطة ذر ودة من فضل ربنا علينا اننا نقدر نعمل دة حبا فيه سبحانه وتعالى
كمان هاوكينز بيقول ان الفخر هو الاعجاب بالنفس ودة معناه ان الاخرين اقل شأنا ماهو انا احسن واعظم ودي افة النرجسي وبيدخل منه للحسد والتنافس والغيرة والحقد والكراهية ، شوفتوا لما حالات كتير تقول انا بشوف في عنيه نظرات كراهية فظيعة هو ليه بيكرهني كدة؟ هو الفخر أدى الى العجب والعجب أدى الى الحسد والتنافس والغيرة والحقد ودول كفيلين يولدوا الكراهية لانه دايما شايف ومقتنع انك احسن منه وعايز يثبت العكس وبيعجز فيكرهك
خدي بالك انتي كمان أحيانا بيتملكك الفخر وخصوصا بعد التعافي والخروج للحياة الحقيقية وإنجاز الأهداف وتحقيق النجاح فخدي بالك ماتخليهوش يتمكن منك وحوليه لفرحة بالانجاز مش فرحة بالنفس لان في النهاية كله من عند الله والتوفيق من عند الله وليس لكي من الامر شيئا فمتفرحيش بنفسك لان لولا التوفيق الرباني ماكنتيش حققتي حاجة كنتي زمانك تحت الاستعمار النرجسي فافرحي بالنجاح مش بنفسك . وماتنسيش كمان ان الشخصية الاعتمادية عندها فخر التضحية
27 авг 2024