هل الشخصية الحدية ممكن تكون شخصية متعاطفة؟
كل الناس اللي سألتني السؤال دة لازم تركز جدا في الكلام اللي حقوله
تشخيص الشخصية الحدية بيتداخل بشكل كبير مع حاجة اسمها اضطراب الكرب التالي للصدمة واحيانا بيكون الاضطراب دة معقد PTSD, CPTSD وللأسف بيحصل خطأ في التشخيص بين الاضطراب دة وبين الشخصية الحدية والخطأ دة على مستوى العالم مش عندنا احنا بس
طيب كمان عندنا حاجة اخف من اضطراب الكرب التالي للصدمة اسمها اضطراب ما بعد الصدمة
دلوقتي لما الشخص يتعرض لصدمة بيحصل واحد من ثلاثة اما اضطراب ما بعد الصدمة
اول اضطراب الكرب التالي للصدمة او اضطراب الكرب التالي للصدمة المعقد
الفرق بين الثلاثة : الأول بيستمر مدة ثلاثين يوم فقط وبيخف وبينتج عن الصدمات الأقل شدة ،غالبا بيخف لوحده
الثاني ماهو الا استمرار الأول بعد الثلاثين يوم في الحالة دي بيتسمى اضطراب الكرب التالي للصدمة ودة بيحتاج مساعدة للعلاج وبيكون ناتج عن صدمة اشد من اللي قبله ، اما ثالث نوع ودة اللي بيتلخبطوا في تشخيصه مع الشخصية الحدية وكمان بييجي للشخصية المتعاطفة ودة اللي هو الاضطراب المعقد للكرب التالي للصدمة وبيكون سببه التعرض للصدمات أوقات طويلة وبيقولوا في الأبحاث ان المتعاطفة اللي بتتعرض للاستغلال والتلاعب من النرجسي فترة طويلة بتتعرض للاضطراب المعقد دة وطبعا بتحتاج مساعدة للعلاج واللي احنا عملنا له حلقات التشافي ،
طيب ايه اعراض الاضطراب المعقد الناتج عن حياة المتعاطفة او غيرها مع النرجسي ، بس طبعا المتعاطفةبتكون اشد تأثر واذى ؟
1- كوابيس عن النرجسي والاحداث اللي حصلت معاها ومنه ، ومشاكل في النوم
2- عدم القدرة على الاسترخاء او الشعور بالسعادة او حتى الضحك مهما حصل ادامها موقف مضحك مش بتقدر تضحك ، كمان فاقدة القدرة على التمتع بأي شيء ودي حاجة اسمها هيدونيا وبتصيب النرجسي لما يفقد الوقود النرجسي
3- العصبية وسرعة الاستثارة ودة بتلخبط في التشخيص مع الشخصية الحدية ، مشاعر سلبية زي الإحباط والقلق والغضب الشديد واذا حصل أي ضوضاء قريب منها تخرج عن شعورها ويكون رد فعلها غير متوافق مع الموقف ودة برضه موجود في الحدية .
4- بتنفصل عن الواقع يعني تسرح في الصدمة او الصدمات اللي عاشتها بشكل قوي وكأنها بتعيشها تاني ولو كلمتيها متسمعكيش أصلا ، واذا حصل أي موقف مشابه للي كانت بتتعرض له قبل كدة ،بيحصل منها رد فعل قوي غير متناسب مع الموقف ، المشكلة انها بتفتكر بسرعة وبأي حاجة يعني زي الشم والتذوق واللمس لانها متعاطفة والحواس عندها عالية فبتكون في الذاكرة كأنها احداث حية
٥- نتيجة لرقم ٤ حتلاقي الجهاز النفسي بيعمل حماية للشخص عن طريق النسيان بيعمل لها فقدان بعض الذكريات من باب انه يحميها فتلاقيها ناسية نص الاحداث وبعض الحالات كانت تستعين بأولادها عشان يفكروها باللي كان بيحصل وللأسف دة بيخلث بعض الحالات متسيبش النرجسي ولا تخلص من ادمانه بسهولة لانها بتنسى اللي عمله فيها نتيجة اضطراب الصدمة المعقد دة ، لكن اذا تركته وبعدت عنه بتبدأ تتجنب الأماكن والناس واي حاجة تفكرها بيه واحيانا تروح للتجنب كأسلوب حياة
٦- طبعا التجنب دة بيؤدي لعزل الشخص عن الناس لانه كل اللي حواليه بيفكروه باللي حصل معاه وبالتالي بينعزل عن العالم دة غير انه بيفقد الثقة في العالم كله وبيكون الانعزال احسن بالنسبة له واريح ، وكمان بيفقد كل المشاعر الإيجابية وبيهمل كل اللي بيحبهم او مسئول عنهم زي الابوين والابناء
٧- عدم القدرة على تنظيم المشاعر والتحكم فيها ودي موجودة في الشخصية الحدية طبعا
٨- لوم النفس والشك فيها ودايما حاسة ان العيب فيها او انها شاركت في الجريمة اللي عملها النرجسي عشان هي سابته يخدعها او انها مفهمتهوش ،وبالتالي بتصدق انها لاتستحق السعادة لانه اتعست نفسها بنفسها ،ودة بيخليها أحيانا تؤذي نفسها بعدم الاهتمام والإهمال لنفسها
كدة قلنا الاعراض والحلقة بتاعة الشخصية الحدية كمان فيها اعراضها ، دلوقتي بقى حقول لك تعرفي ازاي انتي مين فيهم المتعاطفة اللي عندها اضطراب الصدمة المعقد ولا انتي الشخصية الحدية
١- اول فرق بين الاتنين ومهم جدا هو ان الشخصية الحدية عندها اضطراب في الهوية يعني زي ماقلنا مبتعرفش هي أصلا مين يعني مدرسة ولا مهندسة ولا فنانة ولا رسامة ولا طباخة ،هي مش عارفة هويتها ابدا شوفو شرح الجزئية دي في حلقة الشخصية الحدية ، اما المتعاطفة اللي عندها اضطراب الصدمة فهي مدركة جدا جدا لهويتها ،
٢- الشخصية الحدية ممكن توصل للانتحار ،اما المصدوم فلا معندوش فكرة الانتحار
٣- المتعاطفة المصدومة بيكون عندها إحساس بعدم القيمة واحساس بالعار والخجل بسبب لومها لنفسها لانها اتخدعت في النرجسي وعاشت كل الوقت دة معاه ، اما الحدية فمعندهاش الاحاسيس دي
٤- كل الشخصيات المتعاطفة اللي مرت باضطراب الصدمة حصل لها استغلال وإساءة طويلة الأمد وغالبا منذ الطفولة اما الشخصية الحدية فمش بالضرورة تكون مرت بصدمات من وقت الطفولة
٥- الشخصية الحدية مشكلتها العظيمة هي الخوف المرضي من الهجر اما المتعاطفة فمعندهاش الخوف دة
اظن كدة وضحت الناس اللي بتسأل انا متعاطفة وعندي اعراض الحدية او انا حدية وعندي علامات المتعاطفة عايزة أقول لك انتي شخصية متعاطفة ولكن بتمري باضطراب الكرب التالي للصدمة المعقد ،وحله اما مساعدة معالج او فيديوهات التشافي والثقة بالنفس اما الشخصية الحدية فلازم معالجة طبيب نفسي
جروب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress
رابط حلقة السيرة
• السيرة النبوية الشريفة...
18 дек 2021
