ماشاء الله شغلك جيد لتتجنب عواقب ارتفاع الحراره في حال عطل المروحه الكهربائيه ركب حساس حراره اضافي بخيارين في حال رتفاع حراره المحرك يطفيه و يشعر السائق بانذار ارتفاع الحراره
يا اخوان ليش هالحوسه السياره قويه ونشيطه وحرارتها ماتتحرك من الربع فليش هالحوسه اللي تسوون وثاني شهر ترجع تركب طقم بلوف وثلاجه نفس هالعينات يجونا يومياً بالورش والسبب الفلتر والبرمجه اللي تضر السياره ماتنفعها وش فايده صوت او سرعه وهو عمر المكينه ماراح يكمل شهر والنتيجه قدامك لاحول ولا قوه الا بالله
جزاك الله خير دوران المحرك ماهو بنفس دوران الكرنك أو المحرك لأن الكلتش بين المروحه والمحرك فهو يبطئ من حركة المروحه. يكون نفس دوران المحرك اذا لايوجد كلتش مثل السيارات القديمه من ٨٢ وتحت
افضل مكان لماطور الهواء للفورشنر والباجيرو ومن مثلهم في الحجم انه يكون خلف المرتبه الثانيه بين الادراج والمرتبه اذا فيه ادراج وبالنسبه للفلتر حطلك فلتر شريحه شركه على نفس غرفت الوكاله وريح راسك
انت من قوم ابووكاله 😂 اللي يخبط الموتر ويقول وكاله مامثله ..يذبحه الحر ويقول وكاله ..ترتفع حرارة القير ويقول وكاله ..حنه وثقل عزم ومكيف يسخن بالزحمات وعند الاشارات ويقول مامثل الوكاله ..الوكاله عنده اخطا ولايمنع من تعديل واصلاح اخطا الوكاله بشكل مرتب ومضمون وشغل ممتاز
سلمت و لو ودي تتاكد من معلوماتك بشكل أدق يكون ازين،، مرواح الكلتشات ليست مباشرة على الكرنك،، قديما كانت المراوح مشبوكة مع الكرنك مباشرة بدون كلتش و فعليا يكون التبريد ازين لكن على حساب العزم و بالتالي الصرفية، فيما بعد حطوا كلتشات عشان تكون سرعة المروحة اقل من سرعة الكرنك، و لذلك تسمع ان صوت المروحة يهدا أحيان و يرتفع احيان حسب قوة تماسك الكلتش في كل مرة،، و مع ذلك الوضع ليس افضل ما يكون،، فما فيه شك ان مرواح الكهرب بشكل عام أفضل،، و يارب تتوفق بأداء المروحة اللي اخترتها
مروحة الكلتش دورنها أقل من دوران المحرك بفارق كبير ولو تلحم المروحه الكلتش راح تشوف كمية دفع هوا غير طبيعية حتى دوسة فل ماتوصل لدفع هواها عند لحامها فضلاً عن قطع السير 😂
السلفرادو والسياره الغماره من دون دبل يجون مروحه كهربا علشان يكون فيه عزم وسرعه وتسارع اما الدبل ماهمهم السرعه همهم الدبل والتحمل لكن السرعه مو نفس اللي من دون دبل
يا اخوي انا معي نفس سيارتك بالضبط وبأسمي وكاله لكن ابي افهم وراك رثعت بالموتر السياره قويه ماتحتاج تقويه ولا تحتاج مرواح للحراره اصلاً حرارتها ماتتحرك من الربع فليش تعدم سيارتك كل يوم فك وتركيب صناعيات و ورش الله لايشغلنا الا بطاعته اشغلتك نفسك واشغلت الناس معك يا اخوي سو شي مفيد غير هالاضافات اللي مالها اضافه للسياره
يعطيك العافيه يا أخوي الرجال ما لعب بموتره ركبها بطريقه احترافيه كأنها وكالة و طريقة الاستخدام يفرق من شخص للثاني يمكن استخدامك عادي لاكن هو محمل عزبته ورا يعني استخدامه استخدام بر ويحتاج شوية عزم زيادة وتبديل المرواح من كلتش لكهربائي يفرق في العزم اما من ناحية انه يفك ويركب الرجال بفلوسه الله يهنيه ويزيده من فضله وبعد كل اللي ركبه في سيارته تقول الإضافات اللي مالها اضافة كيف تجي ذي هو ركب اللي يفيده في استخدامه انت قول لنا وش ركبت و وش ضفت على موترك عشان نستفيد اكثر اما الكلام الفاضي هو اللي مايضيف لك إضافة غير الفلسفه الزايدة مانقول لراعي القناة إلا الله يوفقه في اللي قاعد يسويه ويزيده كل خير
@@theeb1800 اخوي انت قلتها مصممة لمحرك الموستنج ، لكن هذي اجتهاد مننا وحنا بدينا نرهمها من عام 2004 والى الآن فيه بعض المشاكل ، ( المشاكل للاستخدام الشاق والخط الطويل بالصيف وار بي ام فوق 3 )
شرح ابداع بس الحين مرواح فورد كلها تشتغل على سلكين يعني سرعة وحده اقوى شي والي يتحكم بزيادة السرعة او تقليلها الكمبيوتر بناء على حرارة المكينه والقير والمكيف 😅 ودي اعرف الكهربائي كيف شغلها سرعة اولى مع المكيف الحرارة الفخفيفه والسرعه الثانيه مع الحراره القويه وكذا !! 😅 يعني لها نظام مربوط بكمبيوتر سيارات فورد كلها كيف شغلها بدونه؟
مشغلها سرعة وحدة وكلها قويه ..جاب امر من الكمبروسر وامر من حساس المرسيدس وهذا غلط ..يفترض خلها سرعتين ..سرعة واطيه مع حساس المرسيدس والسرعه العاليه مع الحراره العاليه والمكيف لان المكيف يحتاج سرعه عاليه وهذا نظام الوكاله في اغلب السيارات ..ولكن بعض الكهريائيين مايعرفون يشتغلون هالشغل
@@user-ro7eu5rt9y ماتضبط اصلا لان مروحة الفورد تشتغل على الكمبيوتر بسرعات متدرجه حسب حرارة السياره يزود قوتها المكيف له سرعه والحرارة لها سرعه وفي سرعة اخر شي لما يسخن الموتر جدا او القير صوتها يصير كانه طائره وتسحب كهرب قوي ماتشتغل الا نادر مع العقبات او تطعيس مدري كيف ركبها هنا 😅
مالك لوا بس في جزئية الجمس انه بدبل يجي كلتش واللي بدون دبل يجي بدون مروحه كلتش مالها علاقه ، الجمس مقاس ٢٥٠٠ هذا يجي مروحه كلتش لأنه حق تحميل وكرف اما ١٥٠٠ تجي مراوح كهرباء وهو فيه دبل !! لكن مو مثل ٢٥٠٠ في القوة فمالها علاقه دبل او بدون
قاعدة لازم حساس المروحة يشتغل على درجة اعلى من الثرموستات يعني لو الثرموستات ٨٢ تجيب حساس ٨٨ ولو الثرموستات ٨٨ تجيب حساس ٩٥ والسرعة البطيئة خلها دايم شغالة سواء بمكيف او لا وافصل مروحة الميرسيدس المزعجة اللي انت مركبها
@@user-ue9sz5rj9w ياالزميل شوف رد الي قبلك رد معلمين ياليت تصير زيه 😹😹. ياخي مالها دخل السيارة لاتعيب عالكابرس اي سيارة بالعالم بدون مروحه تسخن ولو خربت مروحه ووحده بس شغاله تسخن اي سيارة فالعالم لكن زي ماقال خوينا ان وحده لكنها قوية يعني تعادل قوه حبتين
ثانيا من قال ان تبريد مروحة الكلتش افضل غيررر صحيح نهائياا الكهرب افضل وبمراحل انت تقول دوران المكينه 4 الاف دوران المروحة 4 الاف طيب وفرق الريش بين مروحة الكهرب ومروحة الكلتش ماتحسبه فرق الريش يعوض فرق السرعه واداء افضل انت الان مركب حقت موستنق 8 سرندل يعني موترر رياضي هل توقع ان مكينة الموستنق اقل من حرارة من موترك وراهم ماحطو له مروحة كلتش
حسبه بسيطه الموستينق ماتطلع نفود يعني خطوط فقط وكمية الهواء الداخله للمحرك بسرعة ٦٠ أقوى من اي مروحه لكن الجيوب تطلع عقبات وطعوس فضغط المكينه يكون مرتفع والسيارة سرعتها منخفضه فمايدخل هواء كافي ان شاءالله وصلت المعلومه
@@user-ue9sz5rj9w ايه سقت وجربت واعرف التويوتا والنيسان والفور واغلب السيارات وعندي ورشه ..التويوتا رقم واحد بالمبيعات والعالم ولكن لايعني انها الافضل ..فيها عيوب وفيها عيوب حراره ولكن انت توك صغير وتجهل امور كثيرة في عالم السيارات ..انت قارئ ومستمع . انا خبير وعندي هوايه بالسيارات وميكانيكي كذلك ..ولا احب التمجيد الزايد لشركه معينه وكأنها ملاك نازل من السماء وهي الافضل بكل شي ..كل شركه ولها مميزاتها واذا تميزت سياره من عندهم لايعني الكل ..
تاكد من المعلمه قبل النشر ما توقعتها منك سرعة مروحة المكينة العاديه نفس دوران المكينه غير صحيح ابد ابد وبعدين لو موترك فتك او تاهو بتركب مروحة طبارة المعروف لا يعرف مروحة شفط سبال داخل المكينه و سبال او مروحة بوكا دفع على اديتر المكيف ١٤ او ١٦ بوصه وتكون البطاريه امرون ١٠٠ابير ويعمل لها عزل فلين وانسى الحرارة مع الانتباه الى اديتر المكيف اذا كانت فتحاته مسكره من الحشرات و الخطوط يتغيير كل ٣ او ٤ سنوات و والامور طيبه مروحتين
انا معي نفس موديله ٦ سلندر ركبت بروفندر غاز بدون اسطوانه ، تقريبًا من ٣ سنوات ، المساعدات اقسى من الوكالة صراحه والموتر لاحظت فيه مناقز اذا ما كان عليه حموله ، لكن كسبت من تركيبها ثبات عالي جدًا في النفود والردميات والمهابد ، اذا خذيت طعس ولا كنت مسرع في الردمية وجتك نزله قدامك الموتر ثااااابت جدًا ما شاء الله لا قوه الا بالله ولا تحسفت عليها وبالنسبة للمناقز سألت التعليق الصحراوي اللي هو وكيلها عنها قالي ان القديمة نفس مساعدات الاف جي وهي اصلًا فيها مناقز لكن سوو موديل جديد منها مخصص للفورتشنر ما فيها مناقز وما اقدر احكم فيه الصراحه لاني ما جربته لكن هذا كلامهم ، لكن نصحيتي لك اذا كان الموتر تستخدمه في المدينه ويركبون معك اهلك وطلعات البر خفيفه نصيحه لا تركبها او ركب الزيت لا تركب الغاز يقولون انها نفس الوكاله مع اداء افضل بشكل بسيط ، واليايات انا مركب دبنسون حلوه صراحه لكنها نزلت شوي تقريبًا ١ سانتي بعد استعمال سنتين ، اللفلز الزرقاء يقولون انها قاسية جدًا جدًا وما تصلح الا اللي موتره دايم محمل ، على العموم المعذرة على الاطالة لكن اعطيتك التفصيل لان مافيه في النت شيء وافي عنها يا تلقاه اعلانات للمركز او تلقاء اللي مركبها موب معطيك تفاصيل كامله طبعًا عندك اخر شيء نسيت اذكره في مساعدات الدبنسون يقولون انها افضل من البروفندر لكن ما جربتها الصراحه فما اقدر اعطيك رأي فيها
@@user-ue9sz5rj9w انا الحراره ممتازه وتوي مغير بلف ورديتر عندي الحمدالله لكن مروحة الكلتش مزعجه وانا مركب فلتر أحيانًا صوت المروحه يغطي على الفلتر من قوة صوت المروحه مزعجة وغير صرفية بنزين وعزم
@@OOOhitham123OOO تنفقع اكثر شي من الحوادث او آنها تجاريه او صدا كثير برديتر طيب حط مويه مستبيشي غطا ازرق او تويوتا حتى حقت نيسان ممتازه يمدحونه بس يقولون غاليه
اي شي تطور او شكل او كهربائي تركبه في السياره وتلغي الاصلي تبعها اعرف انك يوم من الايام مفاجأت الطريق يا تغاريز او غيره تورط نحن مو اعلم من اليابانين وغيره المثل يقول اعطي الخبز خبازه ولو اكل نصه وتبذير وضياع وقتك لو الوقت هذا الواحد قعد مع ابوه وأمه اهله افضل من غيرها .
بعض السيارات مثل الامريكي عادي مبرد قير ومبرد مكينه لان فيها حراره الجيب مكينته سته او اربعه مايحتاج نهائيا مراوح بالكثير بالكثير ممكن تركب بلف حراره ديزل
