٩ حاجات لازم تعمليها عشان تعرفي تاخدي حقوقك بعد الطلاق من نرجسي . كوثر سند 

ازاي الضحية تاخد حقوقها من النرجسي بعد الانفصال من غير مايستولى على كل حاجة ويخسرها حقوقها وكمان تكسب ان الاولاد يكونوا معاها في تربية صحية سليمة بعيد عن الشيطان دة ؟لان كل الناس بتصدق النرجسي وتكذب الضحية فبالتالي هو بيكسب كل حاجة وهي بتخسر كل حقوقها وكمان بيذلها بأولادها
المفروض لما تكوني قررتي الانفصال مينفعش تنفذي قرار زي دة مع نرجسي في يوم وليلة لو عايزة تاخدي حقك منه ، النرجسي لئيم ومش حتاخدي منه حاجة ابدا غير بالمحاكم ولو عايزة تتجنبي المحاكم يبقى تستعدي للخطوة دي كويس قبل ما تخطي فيها خطوة واحدة ، ازاي طيب ؟ حقولك ازاي
١- اول حاجة لازم تتعافي تماما وتشتغلي على نفسك وبما انك واخدة قرار الطلاق فمش حيفرق معاكي بقى تصرفاته معاكي ولا حتخافي منه ولا حتخافي يسيبك ولا يتجوز عليكي ،يعني انتي كدة ببساطة بقيتي اقوى منه ودة بيضعفه ويربكه جدا ، لو كان مانعك من الشغل ابدأي دوري على شغل من سكات ومن غير ماتعرفيه لان دي خطوة مهمة جدا والا حتتطلقي ازاي وانتي معندكيش مصدر رزق
٢- اقرأي كتير عن النرجسي واسمعي فيديوهات كتير لازم تدرسي الشخصية بعمق وتفهمي بيفكر ازاي وبيشوفك ازاي وبيمنطق المشاكل ازاي عشان تقدري تتوقعي ردود افعاله عليكي لما تبدأي تاخدي خطواتك ، وكل الكلام دة حتلاقيه في القناة ، اتعبي نفسك شوية ودوري ع الفيديوهات اللي تفيدك (اعترافات خطيرة من نرجسي ، النرجسي شايفك ازاي وبيفكر فيكي ازاي دة لسة حينزل ان شاء الله ، وغيرهم كتير ) كل مافهمتي النرجسية ودواخل النرجسي كل ماعرفتي هو حيتصرف ازاي وتقدري تتوقعي تصرفاته وتخططي على اساسها.
٣- اهم نقطة بقى انك تراقبي النرجسي زي ماهو طول الوقت قاعد يراقبك ، لازم تسمعيه وهو بيتكلم في التليفون مش عشان المعلومات اللي بيقولها لا خالص انا عايزاكي تشوفيه بيعامل الناس ازاي وبيكدب ولا لا وايه نقط ضعفه وايه الحاجات اللي بتعصبه وايه الحاجات اللي بتبسطه ، اكيد طبعا مش عشان نبسطه لا عشان تفهمي شخصيته المستخبية عنك هو احيانا بيتصرف مع اصحابه او اهله وهو مش واخد باله انك سامعاه حتلاقيه بيكدب عليهم او بيقول احداث محصلتش ، حتسمعيه بالصدفة بيتكلم عن مشكلة ، لما تربطي بين العلم اللي اتعلمتيه من الفيديوهات والقراءة وبين كلامه وتصرفاته مع الناس حتلاقي نفسك مسكتي نقط ضعفه في ايدك دا انتي حتمسكيه هو في ايدك ودة حيساعدك جدا في انك تاخدي منه اللي انتي عايزاه لانك حتعرفي تدخلي له منين وتخوفيه بإيه وتعصبيه ازاي وتفقديه السيطرة على نفسه ازاي وكل ما قدرتي تعملي كدة كل ماكان ضعيف ومرتبك ودة كله مطلوب عشان لما تيجي تضربي الضربة الاخيرة يكون هو مشوش ومش فاهم اللي بيحصل ، بالظبط زي ماكان بيعمل فيكي
٤- عشان تربكيه اكتر اتعاملي معاه كأنك عايشة معاه لحد اخر العمر وعامليه كويس واديه اهتمام بحيث يآمن لك تماما ، ولو كنتم خارجين من خناقة مقطعين بعض ، ارجعي واعملي كل الخطوات دي لحد ماتقدري تخطي الخطوة الاخيرة برضه زي ماهو بيعمل معاكي ، لكن اوعي هو اللي يضحك عليكي لما يلاقيكي بتعامليه كويس ويستغلك بقى وهاتي فلوس وانتي تديه عشان تنيميه ، لا اعملي اي حاجة الا انك تديه فلوسك لان دي اللي حتساعدك تسيبيه اتصرفي ومتخسريش ابدا فلوسك لانه ممكن يكون حاسس ان فيه حاجة غريبة ويقلق واول حاجة يعملها يأمن نفسه انه يجردك من مصدر قوتك طبعا
٥- الوقت دة اللي انتي بتستعدي فيه لازم تعملي حاجة مهمة جدا ، حاولي تمسكي عليه اي دليل سواء تسجلي له كلام سيء من اللي بيقوله لكي ، او بيشتم اهلك او مثلا تقفشي شاتات بينه وبين واحدة او سكرين شوت من فيديوهات مش تمام او تصوري الموبايل وتفتحي الهيستوري بتاعه وتصوريه وتبيني الموبايل انه موبايله يعني تصوريه كله بوضوح ، لازم يكون معاكي دليل ضده تقدري تهدديه بيه ،ودة حتوصلي له لما تركزي معاه في مكالماته ولو قدرتي تحطي له جهاز تسجيل في المكان اللي بيقعد فيه بس جهاز صغير زي ماهو بيعمل ، المهم لازم يكون عندك اي دليل ضده وتخفيه طبعا ومتعرفيهوش ابدا انه عندك .
٦- رتبي نفسك مع اهلك واقعدي احكي لهم كل اللي حصل معاكي من اول ماعرفتيه وطبعا مش كل السنين حتتحكي في قاعدة واحدة انتي كل شوية تحكي حاجة لازم تعملي الخطوة دي لانك محتاجة مساندتهم ومتستسلميش لانهم ميصدقوكيش ولو استدعى الامر انكشي اولادك ادام اهلك وخليهم يشهدوا ع اللي انتي بتحكي من غير مايفهموا انك بتشهديهم ، يعني تقولي فاكرين لما حصل كذا ؟ دة لو اطفال اما لو كبار فشهديهم وخليهم يحكوا بنفسهم لاهلك . لازم تبيني تصرفاته وعلى فكرة مش صعب انتي اصلا ممكن تستفزيه بينك وبينه وتسجلي له وتروحي تسمعيهم ، اللي عايزة تعمل حاجة حتعملها ،المهم انك تكوني قوية ومتخافيش
٧- اهم من كل دة انك تكوني ضامنه اولادك وعارفة انهم معاكي ومش حيسيبوكي ويروحوا له ، لازم تكوني حنونة جدا وحقانية معاهم وتراعيهم وتعملي معاهم حوارات باستمرار دايما لازم يكون فيه حوار مع ابنك او بنتك لازم تحكوا لبعض مشاكلكم وتحلوها سوا ،طبعا في نطاق اعمارهم ، لازم تحسسيهم انك بتاخدي رأيهم ومهتمة بيهم وبتسمعيهم و شوفي كل اللي النرجسي حرمك منه واديه لاولادك لانه اكيد هم كمان محرومين منه فلازم تعوضيهم ولازم تبطلي عصبية معاهم ، عودي نفسك تعملي اي رياضة عشان تبطلي عصبية ولو تشغلي موسيقى وترقصي عشان تخرجي طاقة الغضب اللي جواكي من النرجسي بدل ما تخرجيها في اولادك وترجعي تقولي هم مش عايزيني وواخدين صف ابوهم وهو قلب عقلهم ، هو اه بيقلب عقلهم وبيقلبهم عليكي بس عشان بيلاقكي سايبة له السكة سهلة ومفتوحة من كتر مانتي ملخومة بيه وبمشاكله واولادك مش بيشوفوا منك غير النكد والعصبية
الباقي في اول كومنت
اكونت الفيس بوك
www.facebook.c...
جروب ادرس عدوك النرجسي
/ kawthersanad11