मी आणि रुपेश याने ठरवलेल्या कार्यक्रमाचा पुढचा टप्पा,
यावर्षी महेश काळे यांचा 7 जानेवारी 2023 रोजी, कल्याण येथे आयोजित कार्यक्रम काही कारणास्तव रद्द करण्यात आला, बोरिवली ते कल्याण प्रवास करत गेल्यावर तिथे पोचल्यावर आम्हाला कळलं की कार्यक्रम रद्द झालाय. आमच्या wish list मध्ये असलेला कार्यक्रम cancel झाल्यामुळे मनात एक हुरहूर लागून गेली.
शेवटी काही 6 महिन्याच्या प्रदीर्घ काळाने तो योग आला, प्रसंग होता आषाढी एकादशीचा..
दिनांक 24 मे ला माझ्या आईच्या 70 व्या वाढदिवसाचे औचित्य साधून रुपेश ने आईला भेट म्हणून या खास कार्यक्रमाची बुकिंग केली.
अभंगवारी - एक मंत्रमुग्ध करून टाकणारा 3 तासाचा विलक्षण प्रवास.
श्री महेश काळे यांचा आवाज आणि सोबत श्री जितेंद्र जोशी यांचे सहज अंगभूत अनुरुपण .. अक्षरशः दोघांनी काळजात हाथ घातला..मला शब्द सुचत नाही एवढा सुंदर अनुभव...
मुंबईत बसल्या बसल्या आम्हाला पंढरीची वारी घडवून आणली...
मी आई रुपेश आणि सौम्य आम्ही जेव्हा सभागृहातून बाहेर पडलो तेव्हा डोळ्यात आनंदाचे आणि समाधानाचे अश्रू होते..
अभंगवारी कार्यक्रम आयोजित करणाऱ्या प्रत्येक व्यक्तीचे खूप खूप आभार..
एंट्री केल्यानंतर तुमच्या डोक्याला नाम लावणारे व्हॉलेंटीयर ते सर्व प्रसंग टिपणारे कॅमेरामन ते लाईट - साऊंड इंजिनिअर सर्वांचे आभार...
एकदा तरी प्रत्येकाने प्रत्यक्षात अनुभवावी अशी सूर ताल राग भाव ह्यांचा विलक्षण मिलाप असलेली सुरमयी मैफिल...
धकाधकी च्या आयुष्यातले चार सुखाचे क्षण... आणि दैनंदिन जीवनाचा काही घटकांसाठी पडलेला विसर... म्हणजे हा अनुभव ❤️
स्थळ : षण्मुखानंद हॉल, सायन - मुंबई
दिनांक : 1 जुलै 2023
(नोट : श्री जितेंद्र जोशी यांनी पहिल्यच गण्यांनातर सांगितल्या प्रमाणे... कार्यक्रम मोबाईल मधून बघू नका ... त्याचा अनुभव घ्या. तसेच श्री महेश काळे यांनी सांगितल्या प्रमाणे सर्वच लाडू घरी घेऊन नका जाऊ... म्हणुन काही मोजकीच गाणी रेकॉर्ड केली आणि बाकी सर्वाचा अनुभव घेतला.
मी आई रुपेश आणि सौम्य बरोबर आमच्या मोठ्या बंधूंचे जवळचे मित्र सागर दादा आणि वृंदा वहिनी पण या कार्यक्रमाला हजर होते.. त्यांच्या बरोबर काढलेला फोटो पण तुम्हाला व्हिडिओ च्य शेवटी दिसेल.
10.41 मिनिटं : तुम्हाला आई आणि रुपेश दिसतील.. त्यांचे हाव भाव एकदम सहज आणि खरे आहेत )
7 сен 2024