અમારી ચેનલ ને લાઈક શેર અને સબસ્ક્રાઈબ કરજો
__________________ કિર્તન __________________
દેવા તો પડે રે અંતે સૌ ને નડે કરેલા કર્મ ના બદલા દેવા તો પડે
જીવડો લીધો તો એણે શ્રવણ કુમાર નો
અંધો ને અંધી એને નજરે ચડે કરેલા કર્મ ના બંદલા દેવા તો પડે
દેણું દિધું એ રાજા દશરથ જાણે
પુત્ર નાં વિયોગે એનાં દેહ રે પડે કરેલા કર્મ ના બંદલા દેવા તો પડે
દેવા તો પડે રે અંતે સૌ ને નડે......
અવધપુરી ના રાજા રામે વાલી માર્યો
ન્યાય નાં હણેલા બંધન લાગ થી લડે કરેલા કર્મ ના બદલા દેવા તો પડે
જગત નો નાથ તોએ કાંઈ નવ ચાલયુ
પ્રાચી નાં પીપળે એનું ખોળિયું પડે કરેલા કર્મ ના બદલા દેવા તો પડે
લાજ રે લુંટાણી એની ભરી રે સભા માં
સર્વે સભા બેઠી છે નીચું રે જોઇ કરેલા કર્મ ના બદલા દેવા તો પડે
કૌરવ ને માર્યા પછી પાંડવો પછતાણા
હિમાલય માં જઈ ને એના હાડ રે ગાળે કરેલા કર્મ ના બદલા દેવા તો પડે
વામન રૂપ ધરીને જ્યારે બલી રાજા ને છેતર્યો
વગર વિચારે વાલો પગલાં ભરે કરેલા કર્મ ના બદલા દેવા તો પડે
ભુમી ને માંગવા ભુંદરો પધાર્યો
પરોળીયો બની ને એના પહેરા રે ભરે કરેલા કર્મ ના બદલા દેવા તો પડે
અમૃત કેરી જ્યારે વહેંચણી થાતી તી
ચંદ્ર ને સુર્ય એની ચાડીયુ રે કરે કરેલા કર્મ ના બદલા દેવા તો પડે
એના કરેલા કર્મ એને આડા આવે
રાહુને જોઇ ને મોઢા કાળા રે પડે કરેલા કર્મ ના બદલા દેવા તો પડે
દેવા તો પડે રે અંતે સૌ ને નડે કરેલા કર્મ ના બદલા દેવા તો પડે
25 авг 2024