இடர் நீக்கும் பதிகம்
---------------------------------
மறையுடையாய் தோலுடையாய் வார்சடைமேல் வளரும்
பிறையுடையாய் பிஞ்ஞகனே என்றுனைப் பேசினல்லால்
குறையுடையார் குற்றம் ஓராய் கொள்கையினால் உயர்ந்த
நிறையுடையார் இடர்களையாய் நெடுங்களம் மேயவனே. 1
கனைத்தெழுந்த வெண்திரைசூழ் கடலிடை நஞ்சுதன்னைத்
தினைத்தனையா மிடற்றில்வைத்த திருந்திய தேவநின்னை
மனத்தகத்தோர் பாடல் ஆடல் பேணி இராப்பகலும்
நினைத்தெழுவார் இடர்களையாய் நெடுங்களம் மேயவனே. 2
நின்னடியே வழிபடுவான் நிமலா நினைக்கருத
என்னடியான் உயிரைவவ்வேல் என்றடற்கூற்றுதைத்த
பொன்னடியே பரவிநாளும் பூவொடு நீர் சுமக்கும்
நின்னடியார் இடர்களையாய் நெடுங்களம் மேயவனே. 3
மலைபுரிந்த மன்னவன் தன் மகளை ஓர் பால்மகிழ்ந்தாய்
அலைபுரிந்த கங்கைதங்கும் அவிர்சடை ஆரூரா
தலைபுரிந்த பலிமகிழ்வாய் தலைவநின்தாள் நிழற்கீழ்
நிலைபுரிந்தார் இடர்களையாய் நெடுங்களம் மேயவனே. 4
பாங்கினல்லார் படிமம் செய்வார் பாரிடமும்
பலிசேர்
தூங்கிநல்லார் பாடலோடு தொழு கழலே வணங்கித்
தாங்கிநில்லா அன்பினோடும் தலைவ நின்தாள்நிழற்கீழ்
நீங்கிநில்லார் இடர்களையாய் நெடுங்களம் மேயவனே. 5
விருத்தனாகி பாலனாகி
வேதம்ஓர் நான்குணர்ந்து
கருத்தனாகிக் கங்கையாளைக் கமழ்சடைமேல் கரந்தாய்
அருத்தனாய ஆதிதேவன் அடியிணையே பரவும்
நிருத்தர் கீதர் இடர்களையாய் நெடுங்களம் மேயவனே. 6
கூறுகொண்டாய் முன்றும் ஒன்றாக் கூட்டியோர் வெங்கணையால்
மாறுகொண்டார் புரமெரித்த மன்னவனே கொடிமேல்
ஏறுகொண்டாய் சாந்தம் ஈதென்று எம்பெருமான் அணிந்த
நீறுகொண்டார் இடர்களையாய் நெடுங்களம் மேயவனே. 7
குன்றினுச்சி மேல் விளங்கும் கொடிமதில் சூழ் இலங்கை
அன்றிநின்ற அரக்கர்கோனை அருவரைக்கீழ் அடர்த்தாய்
என்றுநல்ல வாய்மொழியால் ஏத்தி இராப்பகலும்
நின்று நைவார் இடர்களையாய் நெடுங்களம் மேயவனே. 8
வேழவெண்கொம்பு ஒசித்தமாலும் விளங்கிய நான்முகனும்
சூழவெங்கும் நேட ஆங்கோர் சோதியுள் ளாகிநின்றாய்
கேழல் வெண்கொம் பணிந்த பெம்மான் கேடிலாப் பொன்னடியின்
நீழல் வாழ்வார் இடர்களையாய் நெடுங்களம் மேயவனே. 9
வெஞ்சொல் தம்சொல் ஆக்கிநின்ற வேடமிலா சமணும்
தஞ்சமில்லா சாக்கியரும் தத்துவம் ஒன்றறியார்
துஞ்சலில்லா வாய்மொழியால் தோத்திரம் நின்னடியே
நெஞ்சில் வைப்பார் இடர்இளையாய் நெடுங்களம் மேயவனே. 10
நீடவல்ல வார்சடையான் மேயநெடுங்களத்தைச்
சேடர்வாழும் மாமறுகின் சிரபுரக்கோன் நலத்தால்
நாடவல்ல பனுவல்மாலை ஞானசம்பந்தன் சொன்ன
பாடல் பத்தும் பாடவல்லார் பாவம் பறையுமே. 11
திருச்சிற்றம்பலம்
• தரிசனம் கண்டவர்க்கு மற...
தரிசனம் கண்டவர்க்கு மறுஜனனம் இல்லை
• கோளறு பதிகம் பாடல் வரி...
கோளறு பதிகம்
/ uwhkrn9mzy
குழந்தை பாக்கியத்திற்கான பதிகம்
கண்காட்டும் நுதலானும்
/ jeiyvjxyhp
அவ்வினைக்கு இவ்வினை
திருநீலகண்ட திருப்பதிகம்
• உள்ளத்திலே நீ இருக்க உ...
உள்ளத்திலே நீ இருக்க முருகன் பாடல்
1 июл 2022
