SriMan Peethaambara Venkata Varadha Ramanuja Dasar
மருவாரும் திருமல்லி வாழ வந்தோன் வாழியே |
மாசி மிருகசீரிடத்தில் வந்துதித்தான் வாழியே |
அருளாளருடன் மொழி சொல் அதிசயத்தோன் வாழியே |
ஆறு மொழி பூதூரர்க்கு அளித்த பிரான் வாழியே |
அத்திகிரி அருளாளர் அடிபணிந்தோன் வாழியே |
அருட்கச்சி நம்பியுரை ஆறுபெற்றோன் வாழியே |
பத்தியுடன் பாடியத்தைப் பகர்ந்திட்டான் வாழியே |
பதின்மர்கலை உட்பொருளைப் பரிந்துகற்றான் வாழியே |
சுத்தமகிழ் மாறனடி தொழுதுய்ந்தோன் வாழியே |
தொல் பெரிய நம்பி சரண் தோன்றினான் வாழியே |
சித்திரையில் ஆதிரை நாள் சிறக்க வந்தோன் வாழியே |
சீர் பெரும்பூதூர் முனிவன் திருவடிகள் வாழியே |
சீராரும் திருப்பதிகள் சிறக்கவந்தோன் வாழியே |
தென்னரங்கர் சீர் அருளைச் சேருமவன் வாழியே |
பாராரும் எதிராசர் பதம் பணிந்தோன் வாழியே |
பாடியத்தின் உட்பொருளைப் பகருமவன் வாழியே |
நாராயணன் சமயம் நாட்டினான் வாழியே |
நாலூரான் தனக்கு முத்தி நல்கினான் வாழியே |
ஏராரும் தையில் அத்தத்திங்கு வந்தான் வாழியே |
எழில் கூரத்தாழ்வான் தன் இணை அடிகள் வாழியே |
அத்திகிரி அருளாளர் அடிபணிந்தோன் வாழியே |
அருட்பச்சை வாரணத்தில் அவதரித்தான் வாழியே |
சித்திரையில் புனர்பூசம் சிறக்கவந்தோன் வாழியே |
சீபாடியம் ஈடுமுதல் சீர்பெறுவோன் வாழியே |
உத்தமமாம் வாதூலம் உயரவந்தோன் வாழியே |
ஊர்திருந்தச் சீர்பாதம் ஊன்றினான் வாழியே |
முத்திரையும் செங்கோலும் முடிபெறுவோன் வாழியே |
முதலியாண்டான் பொற்பதங்கள் ஊழிதொறும் வாழியே |
எதிராஜன் இணை அடிகள் வாழி |
கூரத்தாழ்வான் பொற்பாதங்கள் வாழி |
முதலியாண்டான் திருபாதங்கள் அடிகள் வாழி |
திருவரங்க அமுதனார் திருவடிகள் வாழி |
25 авг 2017
