തീയ്യ-ഈഴവ സമുദായത്തിന്റെ എക്കാലത്തെയും മഹാനായ നേതാവായിരുന്ന ശ്രീ.പോത്തേരി കുഞ്ഞമ്പു ഇന്ന് മനപൂര്വ്വമുള്ള തിരസ്കരണത്തിന് വിധേയനായിരിക്കുകയാണ്. അദ്ദേഹത്തിന്റെ സ്വന്തം സമുദായത്തിലുള്ള യുവതലമുറയ്ക്കടക്കം ഇന്ന് പോത്തേരി കുഞ്ഞമ്പു എന്ന പേര് പോലും അജ്ഞാതമാകത്തക്ക നിലയില് അദ്ദേഹമിന്ന് അവഗണിക്കപ്പെട്ടിരിക്കുന്നു. തന്റെ വീട്ടിനകത്തേക്ക് പുലയക്കുട്ടികളെ വിളിച്ചു കയറ്റുകയും സ്വന്തം മക്കളോടൊപ്പമിരുത്തി അവര്ക്ക് ഭക്ഷണവും വിദ്യയും കൊടുക്കുകയും ചെയ്തിരുന്ന ആ മഹാനുഭാവന് കേരള ചരിത്രത്തില് നിന്ന് അങ്ങനെയങ്ങ് വിസ്മരിക്കപ്പെടേണ്ട ആളല്ല. എന്തുകൊണ്ടാണ് അദ്ദേഹമിങ്ങനെ തിരസ്കൃതനായത്?
സവര്ണ്ണരുടെ അധീശത്വം അംഗീകരിക്കാതിരുന്നതു കൊണ്ടാണോ?
സ്വാമിമാര്ക്ക് കീഴ്പ്പെട്ടിരിക്കാഞ്ഞതു കൊണ്ടാണോ?
മലബാര് പ്രദേശത്തു നിന്നുള്ള തീയ്യനായത് കൊണ്ടാണോ?
സാമൂഹിക അഭിവൃദ്ധി ലഭിക്കണമെങ്കില് തീയ്യരും ഈഴവരും ഹിന്ദുമതം ഉപേക്ഷിച്ച് ക്രിസ്തുമതത്തില് ചേരണം എന്ന് അത്യുല്ക്കടമായി വാദിച്ചിരുന്നതുകൊണ്ടാണോ?
ഇതെല്ലാം അദ്ദേഹം തിരസ്കൃതനാകുന്നതിനുള്ള കാരണങ്ങളാണെങ്കിലും പ്രധാനപ്പെട്ട കാര്യം സവര്ണ്ണര്ക്കും അദ്ദേഹം ജനിച്ചു വളര്ന്ന സമുദായത്തിലെ പ്രമാണിമാര്ക്കും രുചിക്കാതിരുന്ന അദ്ദേഹത്തിന്റെ മൂല്യമേറിയ ജീവിത ദര്ശനങ്ങളായിരുന്നു. ആ ജീവിത ദര്ശനങ്ങള് അദ്ദേഹത്തിനു ലഭിച്ചത് ക്രിസ്ത്യന് മിഷണറിമാരില് നിന്നാണ്. ശ്രീ. പോത്തേരി കുഞ്ഞമ്പുവിന്റെ രചനകളില് അദ്ദേഹത്തിന്റെ ജീവിത ദര്ശനങ്ങള് തുടിച്ചു നില്ക്കുന്നത് കാണാം. ‘സരസ്വതീ വിജയം’ എന്ന അദ്ദേഹത്തിന്റെ നോവല് അത്തരമൊരു ജീവിത ദര്ശനം വെളിപ്പെടുത്തുന്ന ഒന്നാണ്. ‘സരസ്വതീ വിജയ’ത്തിലൂടെ ശ്രീ. പോത്തേരി കുഞ്ഞമ്പു വരച്ചിടുന്ന അന്നത്തെ ജീവിത സാഹചര്യങ്ങളെയും തന്റെ ഉന്നതമായ ജീവിതദര്ശനങ്ങളെയും കുറിച്ച് റവ.ജോണ്സണ് തേക്കടയില് നടത്തിയ പ്രഭാഷണം...
10 янв 2020