Khamma Munisuvrat Jinraja | Pratishtha Song | 

#jatinbid #blickclicks
ગૃહ જિનાલયમાં, પ્રભુ પધરામણીના પાવન પ્રસંગે,
શ્રી ચંપાબેન મનસુખલાલ કેશવજી શાહ, જસપરાવાળા પરિવાર
હસ્તે, દિવ્યાબેન હર્ષદભાઈ શાહ..
પ્રસ્તુત કરી રહ્યું છે,
"ખમ્મા !!! મુનિસુવ્રત જિનરાજા"
... ... ... ... ... ... ... ... ... ... ... ... ... ... ...
Written By: Jayshreeben Kothari
Voice: Jatin Bid
Music: Hardik Pasad
... ... ... ... ... ... ... ... ... ... ... ... ... ... ...
Lyrics:
આવો રે, ઓ નાથ મનમંદિરે
શ્રદ્ધાની સાખમાં, પ્રીતિની પાંખમાં;
શમણું સજાવ્યું અમે, આતમ આંખમાં..
અંતરના ઓરડે, રેલાયો રંગ રે;
આયો રે આંગણે, પાવન પ્રસંગ રે..
મૂરતિ મનભાવન લાગે, કેવી સોહામણી,
રોમેરોમે પ્રગટી છે, ભક્તિ રાગિણી..
ખમ્મા.. મુનિસુવ્રત જિનરાજા,
દરબારે વાગે વાજા, મનમંદિર આવો મોટા મહારાજા..
ખમ્મા.. મુનિસુવ્રત જિનરાજા,
છો ત્રણ ભુવનના રાજા, મનમંદિર આવો મોટા મહારાજા..
હો.. 'દિવ્ય' પ્રાસાદમાં, ઘંટારવ નાદમાં;
દસે 'દિશા'ઓ ગુંજે, 'હર્ષ' નિનાદમાં..
'ચંપા' ને મોગરો, મ્હેકે મંદિરીયે;
આવો મન-'મીત' થઈને, દિલના દેવળિયે..
નયનોનું નૂર તમારું, કામણ એવું કરે;
દર્શન તમારું સ્વામી, ભવના દુ:ખો હરે..
ખમ્મા.. મુનિસુવ્રત જિનરાજા,
જિનશાસનના દિવાજા, મનમંદિર આવો મોટા મહારાજા..
ખમ્મા.. મુનિસુવ્રત જિનરાજા,
છે ભક્તો તારા ઝાઝા, મનમંદિર આવો મોટા મહારાજા..
હો..વસિયા જેની છાયામાં, મયણાં - 'શ્રીપાલ' રે;
'અરિહા' - સિદ્ધા ને સાહૂ શરણમ્ સ્વીકાર રે..
રાજગૃહીના રાજા, આવો અમ દ્વાર રે;
સર્વ 'પરિતા' કરતી, સ્વાગત સત્કાર રે..
'મુનિ' બનીએ ને, 'સુવ્રત' ધરીએ સાહેબજી;
મંગળ શિવ - 'રાજ'-'રશ્મિ' વરીએ સાહેબજી..
ખમ્મા.. મુનિસુવ્રત જિનરાજા,
છો આતમ સુખના ભાજા, મનમંદિર આવો મોટા મહારાજા..
ખમ્મા.. મુનિસુવ્રત જિનરાજા,
'જય'કારા જગમેં ગાજા, મનમંદિર આવો મોટા મહારાજા..

Видеоклипы